Uno marcho di fierta countrariado

Lou darrié dissate, tres de setèmbre, m'anère espaceja dóu coustat de la ciéuta papalo, qu'aviéu ausi que se ié debanavo la proumiero Gay Pride avignounenco, caminado di fierta.

Ere deja ana à-n'aquelo d'Arle mounte uno colo acoulourido e boulegadisso m'avié encanta alentour dis areno. 

Ero uno meno d'espetaclous carnavau clafi de persounage espeloufi e galoi que barrulavo dins li carriero tant coume uno erso giganto butado pèr lou vènt di cridarié e di musico jouiouso. E per la bono causo dóu dre a la diversita.

Ailas ! Qunte enganamen ! Ges de tout acò en Avignoun ! Descurbiguère uno foulo de bedigo dóu drapéu arc-de-sedo restancado dins un pargue gigant davans lou Palais di Papo…

Aquelo colo èro destriado pèr de meno de poulicié souspichous qu'enebiguèron moun cadéu negre e blanc (pamens tant poulit). Ansin entrepacha, m'anère asseta amé moun chin encò di badau de touristo que fasien de foto dóu zoo improuvisa.

Un survihant dóu gilet jaune marca "segureta" me diguè qu'à-n'aquélis LGBT ié fuguèron enebi de barrula dins li carriero...Vai saupre...Belèu que lou Counséu Municipau aguè crento de councha sa tant renoumado ciéuta amé d'erso  bèn trop acoulourido ! Qunto vergougno !