Glaudi Bressand nous a quitté

Il était habitué des stages d'occitan estivaux, durant lesquels il pratiquait son activité de prédilection : l'écoute des autres.

Glaudi Bressand  nous a quitté
Glaudi Bressand s’est simplement affaissé lors d’une cueillette en montagne le 30 juillet dernier, et ne s’est plus relevé. Il avait 72 ans. 






            partager partager

Potonadas de HTL


D'Henri de Toulouse Lautrec et de son château familial, du musée qui accueille quelques unes de ses oeuvres à Albi, André Abbe aura fait son miel dans ce billet. La famille parlait occitan, malgré ses quartiers de noblesse. Il eu été de bon ton de donner son nom à un lieu où s'est joué voici 800 ans l'avenir de cette langue. Cela, ç'aurait été noble.



Andrieu Abbe
Andrieu Abbe
Acabava lei letras que mandava a la familha mé de "Poutounades". Era pas un mòt pescat a l'asard. Parlava correntament occitan, Henri de Toulouse Lautrec,  emé seis amics roergats e leis emplegats dau castèu dau Bòsc que patissien en francés. 

Es sa rèira-neboda Nicole Tapié de Celeyran que m'òu diguèt lo jorn que m'aculhèt au Bòsc, sus la comuna de Camjac en Avairon, en companhié de mon amic Gabi Espié qu'avié fach lo guida aquì dins sa joinessa. Per ieu, Henri de Toulouse-Lautrec èra lo geniau pintre parisenc que promenava sei pincèus entre "le Lapin Agile" e "le Moulin Rouge". Mai son estacament au Roerga, a son parlar e a son biais de viure es estat centrau dins sa corta vida.
 
Mon rescòntre emé lo "grand pichon" Henri avié començat en avost au musèu Toulouse-Lautrec d'Albì. Sa recenta restauracien es una capitada e totei aquelei que s'interèsson a la vida e a l'òbra dau mèstre li duvon anar. La visita dau Bòsc n'es lo complement òubligatori. Henri li venié cada estiu. Dins caduna dei salas dau castèu de fotòs, de dessenhs, de pinturas, de juguets, d'aisinas, de letras evòcon aqueu temps que s'acabèt en 1901 a sa mòrt.
 
Naissuda en 1925, Nicole avié quatre ans quora Adèle, sa grand-tanta, maire dau pintre, morèt. Pasmens aguèt de nombros testimònis de membres de la familha que totei  badavon l'oncle Henri tant era gènt e galejaire. "Faites chahut" conselhava ai dròles.

Aurié degut eiritar d'aqueu castèu e de son jardin au mitan dei prats, mai a sa mòrt son paire lo donèt a Alix, sòrre d'Henri e rèire-grand de Nicole qu'encuei n'es la proprietari.
 
Graci au sucès dau filme "Moulin Rouge" sortit en 1953, l'interès per HTL creissèt e lo castèu siguet durbit ai visitas. D'estiu encuei de joines de Camjac fan lei guidas e lo restant de l'an, Nicole, la memòri viuta d'aqueu bèu castèu, acuelhe lei privilegiats que fan lo romavagi.

A prepaus de romavagi, faguèri tambèn aqueu de Mureth, vuech jorns avans lo 800en aniversari de la desfacha qu'avié empachat la naissènça d'un estat occitano-catalan. Raimond VI, avi dei Toulouse-Lautrec, menava la batalha emé lo Rèi d'Aragon que siguèt tuat.

Doei monuments nen marcon lo luec supausat. Son ara au mitan d'un cairefòrc vira-vira dins un quartier residenciau de la banlega de Mureth. Duou riscar de si faire esquichar per lei veituras aqueu que si vòu reculhir e legir leis inscripciens en occitan.

Un lotiment vesin es nomenat "Aragon", mai siam dins lo quartier de Gaulle, dau nom dau licèu vesin. Sarieu estat cònse de Mureth aurieu pas donat un nom de generau au licèu vesin dau prat batalher. Aurieu prepausat au consèu lo nom de lycée Henri de Toulouse-Lautrec.

Mardi 22 Octobre 2013
Andrieu Abbe




Nouveau commentaire :


Copyright

Les articles diffusés sur Aquo d'Aqui.info sont protégés par la législation sur les droits d'auteur et le copyright. Il est interdit de les diffuser hors le site d'Aquo d'Aqui, sauf autorisation expresse de son créateur.

Recherche


Dans l'Aquò d'Aquí de rentrée : la montagne de l'économie de proximité
Dison que...

Quand lei French Lovers èron occitans

Evoquons deux acteurs occitans qui ont marqué le cinéma américain.

Sieu un cinefile d’avans leis anadas 2000, ai mai vist fa gaire a la telé «  Parìs brula ti »  ? (1966) de René Clément pèr lo cinquième còp. Lei stars dei doas ribas de l’Atlantica li son en abonde, aquò pòrta tòrt a l’intensitat dramatica dau filme, mai lo publique revés seis idòlas emé plesir. 
Quand lei French Lovers èron occitans


Copyright

Les articles diffusés sur Aquo d'Aqui.info sont protégés par la législation sur les droits d'auteur et le copyright. Il est interdit de les diffuser hors le site d'Aquo d'Aqui, sauf autorisation expresse de son créateur.