partager
La torre CMA-CGM de Marselha (photo MN)
L’arquitècta irakò-britanica Zaha Hadid es mòrta aièr a Miami, ais Estats-Units, d’una bronquiti, per ce que ne'n sabem.
Aviá crebat l’uòu en 1950 a Bagdad.
Après seis estudis a Beirót, la vaquí a Londras per aprendre l'arquitectura.
Aviá creat son agènci en 1980 avans que de concebre de bastiments « gestuaus », que se podián reconéisser de’n pertot au monde.
A Marselha, a l’auba dau sègle vint-un, siguèt la creatritz de la torre de veire de la companhia de fret maritima CMA-CGM, que créissiá alòr dins l’òrdre dei societats màgers.
Seis òbras son reputadas fòrça caras, emblematicas d’un temps de prosperitat dau capitalisme.
Recentament aviá degut renonciar a bastir l’Estàdi Nacionau de Tokyo, que son chantier èra devengut fòrça carivent, am’un budgèt dau doble que previst.
Aviá crebat l’uòu en 1950 a Bagdad.
Après seis estudis a Beirót, la vaquí a Londras per aprendre l'arquitectura.
Aviá creat son agènci en 1980 avans que de concebre de bastiments « gestuaus », que se podián reconéisser de’n pertot au monde.
A Marselha, a l’auba dau sègle vint-un, siguèt la creatritz de la torre de veire de la companhia de fret maritima CMA-CGM, que créissiá alòr dins l’òrdre dei societats màgers.
Seis òbras son reputadas fòrça caras, emblematicas d’un temps de prosperitat dau capitalisme.
Recentament aviá degut renonciar a bastir l’Estàdi Nacionau de Tokyo, que son chantier èra devengut fòrça carivent, am’un budgèt dau doble que previst.
Ana Maria Poggio la frema qu'animava l'occitanisme provençau
