partager
Mauresca : "ton identité c'est le poids de tes actions" (photo XDR)
D’una bèla factura, cantat en occitan, francés subretot, amb una briga d’anglés e d’espanhòu, « Riòta » es lo cinquen òpus dau grope montpelhierenc. Entre chi na na pon electric e reggae despaïsat la còla es sus lo pontin ara despuei quinze ans.
L’i espandís son discors sus l’identitat (« es lo pes de nòstreis accions »), lo temps dei « mauvaises idées », aquelei de l’extrèma drecha, e la relacion au Miegjorn (Miegjornau) que mescla lo cinèma de Pagnol, lo biais de viure d’Al Andalús, la resisténcia de Jan Moulin, cantats dins una chavana de guitarra, bassa e de batariá, o fau dire, mai qu’atrivanta.
Lo CD arriba a l’ora que la senèstra cocha lei Ròms dau temps que lo FN s’alestís a governar.
Es una mena de bram avertissèire au moment que la societat vira tota entiera ais idèas aièr combatudas per lo Maquis Montaigne, qu’amolonèt en Cevenas d’Alemands antinazis e d’Espanhòus antifranquistas.
E per nòstreis musicians, èstre d’aquí, es d’èstre passat mèstre dins l’art dau reciclatge. Vaquí nòstre onor.
« Riòta », lo títol de l’album, en occitan, tracta pas tant de la revòuta que dau debat e de la querèla. Un debat que se pòu menar dins lei concèrts que Mauresca donarà lèu. Un dei venents serà a Montaren e Sant Mediers (30) per la Fèsta dau Céser , lo divendres 23 de mai a 19 h 45 (10 €).
L’i espandís son discors sus l’identitat (« es lo pes de nòstreis accions »), lo temps dei « mauvaises idées », aquelei de l’extrèma drecha, e la relacion au Miegjorn (Miegjornau) que mescla lo cinèma de Pagnol, lo biais de viure d’Al Andalús, la resisténcia de Jan Moulin, cantats dins una chavana de guitarra, bassa e de batariá, o fau dire, mai qu’atrivanta.
Lo CD arriba a l’ora que la senèstra cocha lei Ròms dau temps que lo FN s’alestís a governar.
Es una mena de bram avertissèire au moment que la societat vira tota entiera ais idèas aièr combatudas per lo Maquis Montaigne, qu’amolonèt en Cevenas d’Alemands antinazis e d’Espanhòus antifranquistas.
E per nòstreis musicians, èstre d’aquí, es d’èstre passat mèstre dins l’art dau reciclatge. Vaquí nòstre onor.
« Riòta », lo títol de l’album, en occitan, tracta pas tant de la revòuta que dau debat e de la querèla. Un debat que se pòu menar dins lei concèrts que Mauresca donarà lèu. Un dei venents serà a Montaren e Sant Mediers (30) per la Fèsta dau Céser , lo divendres 23 de mai a 19 h 45 (10 €).
Mariana Flores premiada dau prèmi Gabriel Dussurget
L'informacion de Provença Aups e Còsta d'Azur