Aquò d'Aqui



Vous pouvez aussi désormais écouter certains articles !

En cliquant sur la pièce jointe du premier paragraphe des articles concernés, vous téléchargerez un fichier sonore, en fait le même article, mais lu à voix haute. L'initiative nous vient d'un constat : certains abonnés ont hélas une vue déficiente.

Voici un bon moment que nous y pensions; enregistrer certains articles et les proposer sur notre site web, faire entendre à celles et ceux qui souhaitent avoir la langue dans l'oreille, savoir comment on la prononce. Mais c'est un abonné de notre mensuel, devenu mal voyant, qui nous a incité à sauter le pas.














            partager partager

La seguretat deis escòlas am’un dispositiu mau-segur


Tout le monde y pense en cette rentrée, mais comment s’assurer que le terrorisme ne touchera pas les établissements scolaires ? L’insécurité ne se résume pas à ce risque, loin de là, et le Rectorat tente de mettre en place un dispositif qui devra essuyer des plâtres, y compris en matière de psychologie enfantine.



Aquò se veirà pas davant leis escòlas, que lei còlas policièras seràn "mobilas" (photo MN)
Aquò se veirà pas davant leis escòlas, que lei còlas policièras seràn "mobilas" (photo MN)
Segur que lo problèma màger dau Rector de l’Academia. d’Ais-Marselha serà la seguretat deis 452 514 escolans deis establiments dau premier e dau segond degrat d’aquelei despartaments deis Aups, autas e bassas, de la Vauclusa e dei Bocas-dau-Ròse, coma dei personaus d’aqueleis escòlas, collègis e licèus onte 6 600 novèus ensenhaires trabalharàn en 2016-2017.
 
A Crestian Estrosi, lo president de la Regien Provença, que disiá la velha que 30% dei licèus avián pas de « referents seguretat » (una conferéncia de pressa dau 29 d'avost onte siguèt pas convidat Aquò d’Aquí), Bernat Beignier a indirectament respondut que chasque director d’escòla publica aviá donat son n° de telefonet personau. Un biais de demorar conectat d’un biais permanent amé l’informacien seguretaria.
 
Se lo rector crèi pas a « l’eficacitat dei velhas estaticas » davant leis escòlas, li agrada mai de veire lei còlas mobilas en mesura d’intervenir quatecant onte que siegue. Aquò dich, ne’n sabèm pas mai sus la realitat d’aqueu dispositiu, senon qu’un comandant de poliça, Teiriç Laumonerie, baileja per lo Rectorat tota la seguretat.
 
« Lo terrorisme, segur, nos ocupa, mai l’ ànsia perceptibla dei mestres tanben » nos vèn lo policier. Se l’intrusien de calachnicovistas afogats de Dieu, chascun li pensa, es premiera aquela de parents maucontents que fa lo quotidian dei mèstres d’escòlas provençaus coma dau referent rectorau de seguretat. Lo fenomèn es una realitat de chasque jorn, e leis establiments escolaris son pas un sanctuàri onte lei ensenhaires serián intocables.

Volontat de se rassegurar

Lo Rector d'Ais-Marselha, Bernard Beignier, espèra dins lei còlas mobilas, un personau sensibilizat e un referent de seguretat (photo MN)
Lo Rector d'Ais-Marselha, Bernard Beignier, espèra dins lei còlas mobilas, un personau sensibilizat e un referent de seguretat (photo MN)
Se d’assais de seguretat mobilizaràn totei leis establiments, tres còps dins l’annada, ce que fa debat es l’explicacien que deu èstre donada a chasque escolan, comprés aquelei dei classas mairalas . « Sensa donar d’ànsia » precisa lo Rector. Mai lo pretzfach ne’n serà fisat ai mèstres, que son pas preparats per aquò e qu’an pas totjorn fach d’estudis de pedopsiquiatria.

« L’i a de país onte aquò se fa despuei d’annadas, coma Israël » sotalinha segur Bernat Beignier, mai onte li son acostumats.
 
E encara, se, per ce qu’es de la setmana escolària, aqueu dispositiu es au mens establit, degun sembla saupre ce que se debanarà lei miegjornadas setmanieras d’animaciens peri-escolàrias, am’un personau pas tant sensibilisat.
 
La volontat de rassegurar es benlèu l’element lo mai important d’aqueu dispositiu rectorau.

Ansin, quand leis adjonchs dau Rector dison que « lo personau d’acuelh, segur son pas abilitats a furnar dins lei saquets, mai pòdon enebir l’intrada au monde que laissa pas sa carta d’identitat ».
 
Segur qu’aquò maucorariá un Kouachi o un Merat, bèn acompanhats e bèn equipats per chaplar una cort de recreacien !

Dimanche 4 Septembre 2016
Michel Neumuller




Nouveau commentaire :


Copyright

Les articles diffusés sur Aquo d'Aqui.info sont protégés par la législation sur les droits d'auteur et le copyright. Il est interdit de les diffuser hors le site d'Aquo d'Aqui, sauf autorisation expresse de son créateur.

Recherche

Aquò d’Aquí de mars et avril
Dison que...

Interdit de parler breton et de cracher dans la soupe agro industrielle

Quand une journaliste dénonce l'agro industrie, ce lobby joue contre sa vie. Quand elle dénonce en breton, l'Etat la laisse face à ces harceleurs.

La journaliste d'investigation diffuse ses reportages via une radio bilingue bretonne

A nouveau des criminels en puissance ont déboulonné les écrous de l’auto de la journaliste Morgan Large, à Glomel, une bourgade bretonne de 1350 habitants où cette journaliste bilingue d’investigation vit et travaille. Journaliste, bretonne parlant breton, enquêtant sur les dérives de l’agro alimentaire : il serait difficile de croire que ces qualités n’ont rien à voir avec ces actes, qui mettent sa vie en danger et ont pour but de la faire taire.




Copyright

Les articles diffusés sur Aquo d'Aqui.info sont protégés par la législation sur les droits d'auteur et le copyright. Il est interdit de les diffuser hors le site d'Aquo d'Aqui, sauf autorisation expresse de son créateur.