partager
« Me siáu sempre laissat menar pèr la vida, e un jorn siáu estat aspirat de l’autre costat dau miralh » resuma Vincent Zanetti, per explicar, se se pòu, coma aquel enfant de borgés soisse es vengut un dei griòts màgers de la confrariá Dòsònia.
Convidat a parlar de son camin artistic, qu’es segur tanben un camin de vida, lo musician jugaire de Djembé veniá de capitar de bèus moments de gràcia dins un concèrt de son duò Kala Jula, que mena amé lo guitarrista Samba Diabaté. Tot aquò segur ai Targas Musicalas de Correns (83) que vènon de plegar sa vintena edicien, dau 2 au 4 de junh.
« Musicas pantaiadas, frontieras escafadas » èra lo titre dau debat d’aquela edicien, e Vincent Zanetti, pereu cronicaire dei musicas dau monde a la Radiò Soissa Romanda Espace Deux, li a contat son caminament tant musicau qu’espirituau, fins qu’a devenir una referéncia per son instrument.
Convidat a parlar de son camin artistic, qu’es segur tanben un camin de vida, lo musician jugaire de Djembé veniá de capitar de bèus moments de gràcia dins un concèrt de son duò Kala Jula, que mena amé lo guitarrista Samba Diabaté. Tot aquò segur ai Targas Musicalas de Correns (83) que vènon de plegar sa vintena edicien, dau 2 au 4 de junh.
« Musicas pantaiadas, frontieras escafadas » èra lo titre dau debat d’aquela edicien, e Vincent Zanetti, pereu cronicaire dei musicas dau monde a la Radiò Soissa Romanda Espace Deux, li a contat son caminament tant musicau qu’espirituau, fins qu’a devenir una referéncia per son instrument.
Vincent Zanetti, chasseur initié et artiste "qui se laisse porter" (photo MN)
« Naissut dins una familha borgesa soissa, quatren enfant e solet qu’a refusat d’aprendre lo pianò, siguèri afogat
pèr lo Djembé que m’es arribat pèr asard. De fiu en cordura me vaquí au Mali, onte de me vèire jugar dins lei vilatges, lei caçaires de la confreria Dòsònia me l’i fan intrar après qu’una enfant autista muda ague començat a parlar pèr lo premier còp, e pèr dire que valiá la pena de m’entendre. »
Lei caçaires Dònsòs son una nòva familha pèr sei novicis. L’iniciacien escafa aquelei de totei lei diferéncias, e Vincent Zanetti l’i serà pas vist coma blanc. « Lo president dau Malí ne’n devendriá sòci que me deuriá lo respècte coma ancian», que sotalinha lo jugaire.
« Tot aquò m’es arribat pèr accident. Un eveniment ne’n a entrinat un autre. Me siáu contentat de seguir lo provèrbi african : « se dins un vilatge viés lo monde tèsta en bas, tu tanben marcha sus lei mans ! ». Lo monde jugava de Djembé, ai jugat de Djembé, e vaquí »
Kala Jula, son duò, vòu dire : « lo caminament de la sageta »… Ben vist pèr un caçaire-jugaire, e tanben pèr un percors de vida.
Lei caçaires Dònsòs son una nòva familha pèr sei novicis. L’iniciacien escafa aquelei de totei lei diferéncias, e Vincent Zanetti l’i serà pas vist coma blanc. « Lo president dau Malí ne’n devendriá sòci que me deuriá lo respècte coma ancian», que sotalinha lo jugaire.
« Tot aquò m’es arribat pèr accident. Un eveniment ne’n a entrinat un autre. Me siáu contentat de seguir lo provèrbi african : « se dins un vilatge viés lo monde tèsta en bas, tu tanben marcha sus lei mans ! ». Lo monde jugava de Djembé, ai jugat de Djembé, e vaquí »
Kala Jula, son duò, vòu dire : « lo caminament de la sageta »… Ben vist pèr un caçaire-jugaire, e tanben pèr un percors de vida.
Pierre Langevin, musicien de la rue au Sahara