partager
Denis Roux (photo MN)
Avèn coustumo de nous souveta bèn ritualamen à la debuto de chasco annado uno « Bono annado, (bèn) granado e (bèn) acoumpagnado ! ». Quant de cop l’avèn emplegado, aquesto espressioun, subretout iéu à moun age, e d’un biais tout machinau…
Une bonne année "en bonne compagnie", ou "longtemps en compagnie". Un souhait de longévité que la perte du provençal nous ferait comprendre a minima
Mai, i a quauqui tèms, me venguère a me pausa la questioun de soun sèns, perqué deviéu trata di fèsto calendalo nostro e de si dicho davans uno colo de jouine que li couneissien mau.
Verai, quand deguère ié la revira, demourère un pau nè , que doas interpretacioun se presentavon à ieu e que sabiéu pas qunto causi ! Gis de proublèmo, segur, pèr « Bono annado, (bèn) granado… », tout lou mounde coumprèn bèn que aqueste souvet a degu naisse, i a bèn de tèms, dins uno soucieta essencialamen ruralo, ounte lou gran èro la vido e la riquesso, pas mai, pas mens.
Mai quand arribère à « (bèn) acoupagnado ! », me troubère en balans entre, d’un caire, en bono coumpagno, coume forço, e noun di mèndre, lou pensavon (lou pode dire car faguère un pichot soundàgi vers d’ami saberu ). Et, de l’autre caire, amé un mouloun d’autri boni causo, qu’acò se poudié tambèn lougicamen afourti. D’aiours veguère qu’uno dono, sus un site de la telaragno, disié, pèr eisèmple, que s’agissié d’un vot de bono santa. Adounc, sabènt pas coume trenca, presentère à-n-aqueli jouine li doas interpretacioun sènso ana cerca mai liuen.
Aquesto pluralita de sèns, pamens, noun bastavo pèr me garanti la tranquilita e tant me tafuravo la questioun que faguère lo gèste decisiéu… d’ana cerca dins Lo Tresor dóu Felibrige. L’aviéu pas fa avans. Perqué ? Negligènci puro, tout simplament.
L’entrado acoumpagna d’aquèu cap d’obro me faguè bèn chifra , d’abord que lou sèns proumié d’accompagner es inmediatamen segui de lou de retourner. Alor de qunte retour poudié s’agi, senoun de lou de noumbrousis annado ? D’aiours li Grè de vuèi dison, entre autri souvèt pèr la debuto de chasque an nòu, « Khronia polla ! », que vòu precisamen dire « Noumbrousis annado ! ». E uno anglicista, me faguè remarca, à-n-aquèu moumen, qu’au Reiaume Uni dison « Many happy returns ! » pèr souveta un bon anniversàri. Lou coumparatisme, de segur, es sèmpre uno bono causo.
En countuniant la recerco, finiguère pèr trouba d’autri varianto que me faguèron lume e afourtiguèron aquelo darnièro interpretacioun. Pèr eisèmple, en Lengado, apoundoun « … e de plan d’autras acoumpagnadas ! ». De son cousta, un coulègo me signalè que se troubavo egalamen en Provènço l’espressioun « … e longo-mai acoumpagnado ! ».
N’en councluse que, à la debuto, i’ a qu’uno souleto bono esplicacioun, qu’es un vot de longo vido e que nousautre, Prouvençau de vuèi, l’avèn quàsi tóuti óublida. Mai fau pamens recounèisse que la reculado generalo de la lengo nostro, se es uno pèrdo catastroufico, nous pourgis, paradoussalamen, la poussibilita de faire uno leituro pluralo de nosti vièii dicho en nous durbènt l’imaginacioun interpretativo, à la coundicioun que fugue couërènto amé sa letro. Mai pèr iéu la toco idealo sara toujour de bèn saupre faire couëisista li doas atitudo, sènso sacrifica l’uno à l’autro, e subretout de countunia de cerca e de coumprèndre… « et en même temps », coume dis l’autre.
Verai, quand deguère ié la revira, demourère un pau nè , que doas interpretacioun se presentavon à ieu e que sabiéu pas qunto causi ! Gis de proublèmo, segur, pèr « Bono annado, (bèn) granado… », tout lou mounde coumprèn bèn que aqueste souvet a degu naisse, i a bèn de tèms, dins uno soucieta essencialamen ruralo, ounte lou gran èro la vido e la riquesso, pas mai, pas mens.
Mai quand arribère à « (bèn) acoupagnado ! », me troubère en balans entre, d’un caire, en bono coumpagno, coume forço, e noun di mèndre, lou pensavon (lou pode dire car faguère un pichot soundàgi vers d’ami saberu ). Et, de l’autre caire, amé un mouloun d’autri boni causo, qu’acò se poudié tambèn lougicamen afourti. D’aiours veguère qu’uno dono, sus un site de la telaragno, disié, pèr eisèmple, que s’agissié d’un vot de bono santa. Adounc, sabènt pas coume trenca, presentère à-n-aqueli jouine li doas interpretacioun sènso ana cerca mai liuen.
Aquesto pluralita de sèns, pamens, noun bastavo pèr me garanti la tranquilita e tant me tafuravo la questioun que faguère lo gèste decisiéu… d’ana cerca dins Lo Tresor dóu Felibrige. L’aviéu pas fa avans. Perqué ? Negligènci puro, tout simplament.
L’entrado acoumpagna d’aquèu cap d’obro me faguè bèn chifra , d’abord que lou sèns proumié d’accompagner es inmediatamen segui de lou de retourner. Alor de qunte retour poudié s’agi, senoun de lou de noumbrousis annado ? D’aiours li Grè de vuèi dison, entre autri souvèt pèr la debuto de chasque an nòu, « Khronia polla ! », que vòu precisamen dire « Noumbrousis annado ! ». E uno anglicista, me faguè remarca, à-n-aquèu moumen, qu’au Reiaume Uni dison « Many happy returns ! » pèr souveta un bon anniversàri. Lou coumparatisme, de segur, es sèmpre uno bono causo.
En countuniant la recerco, finiguère pèr trouba d’autri varianto que me faguèron lume e afourtiguèron aquelo darnièro interpretacioun. Pèr eisèmple, en Lengado, apoundoun « … e de plan d’autras acoumpagnadas ! ». De son cousta, un coulègo me signalè que se troubavo egalamen en Provènço l’espressioun « … e longo-mai acoumpagnado ! ».
N’en councluse que, à la debuto, i’ a qu’uno souleto bono esplicacioun, qu’es un vot de longo vido e que nousautre, Prouvençau de vuèi, l’avèn quàsi tóuti óublida. Mai fau pamens recounèisse que la reculado generalo de la lengo nostro, se es uno pèrdo catastroufico, nous pourgis, paradoussalamen, la poussibilita de faire uno leituro pluralo de nosti vièii dicho en nous durbènt l’imaginacioun interpretativo, à la coundicioun que fugue couërènto amé sa letro. Mai pèr iéu la toco idealo sara toujour de bèn saupre faire couëisista li doas atitudo, sènso sacrifica l’uno à l’autro, e subretout de countunia de cerca e de coumprèndre… « et en même temps », coume dis l’autre.
Aquò d’Aquí appelle à votre générosité pour franchir un cap difficile