partager
Fau pas vos privar dau libre de Galtier, Le trésor des jeux provençaux, mai amé l’òbra de collectatge de Joan-Luc Domenge, podrètz dire vertadièrament qu’avètz dins la bibliotèca un treròr. Lo tresen libre es a mand
de paréisse, coma d’acostuma ais ediciens Cantar lou païs, sota lo bailatge de Patrick Meyer. Fau pas chanjar una còla que marcha tant ben!
De sotalinhar que se volètz pre-crompar lo libre en soscripcien, vos en costarà pas mai que 26€ en luec dei 32€ que costarà puei. Avètz fin qu’au 30 de novèmbre per vos decidir.
Publicat en 2017 lo premier libre, èra puslèu per interessar lei mai pichons ai juecs de mans o de natura. Ideau per sei gents que vòudrián faire passar d’un biais ludic la cultura nòstra a sei pichons.
Ne’n avèm aquí un exemple amé lo juec de man : vos fau catilhar
la man dau pichon e recitar o cantar “Guerin – guingaio / Martin de la paio / Un escudeloun /Plen de peissoun / Tubo, tubo / Sauto la belugo”.
Juecs de ròtle e preguièras per rire
E n’i a com’aquò 340 paginas ! Entr’autrei per sovetar la bòna annada : “Bouan jour! / Vous souvetan en tóutei bouano annado / Mestresso, mèstre, acoumpagnado /De tant que lou bouan Diéu voudra.”
O encara per se trufar d’un joinet que tuba
per se faire mai grand : “Vé leis estron fumon !”, aquela rabalhada de Rose Salle, una cantarèla de vilatge qu’aviá ja porgit a Joan-Luc Domenge una bòna part de son òbra de collectatge.
Lo segond libre, publicat l’an passat, èra mai fach per leis enfants mai grand, mai o mens de dètz-doge ans. E lo tresen, nos ditz l’editor Patric Meyer, “serà puslèu
per dire lei juecs de ròtle, lei preguièras seriosas o per de rire, o encara lei gròs mòts”.
E quora s’agis de cantar, lei transcripciens musicalas li son, e per lo son, podrètz segur ne’n cercar sus lo site Cent chansons de Provence, dau mume Patrick Meyer.
Juecs popularis amé referèncias seriosas
Totei lei tèxtes son escrichs en francès, mai totei leis exemples elei son en provençau, traduit.
Ceriesa sus lo pastis
, coma per tot bòn obratge aurètz lei referencias dau monde qu’a passat l’informacien a Joan-Luc Domenge, e tota mena de referèncias.
Un tresòr, que vos disèm !
A ma main droite j’ai un rosier ; Jean-Luc Domenge (le monde surréaliste du floklore enfantin en Provence, tome III). Col. Contes et chansons populaires de la Provence, vol. 11. Partitions Marlène Nabeth et Florian Mesureux, 300 p. ill. Par Michaël Crosa.
Felip Gardy lauréat du Grand Prix littéraire de Provence 2025