Aquò d'Aqui


Lo dire d’Elie Lebre (14)

Comment un paysan provençal du XXème siècle disait son temps, les saisons, le bon sens... dans sa langue de tous les jours. quatorzième semaine.

Edité par l'Association pour l'Enseignement de la Langue d'Oc

L’agriculteur érudit et curieux Elie Lèbre (Cucuron –  Luberon : 1920-91) par bonheur rencontra l’occitaniste Madeleine Jaquier, et le fruit d’années de collectage nous a permis d’en savoir beaucoup sur la manière vivante et quotidienne de parler provençal.
 
Avec l’aimable autorisation d’Alain Barthelémy-Vigouroux qui a organisé la masse de notes et d’enregistrements issus de ce travail, nous vous en offrons un morceau chaque semaine, en vous recommandant d’acquérir le livre édité par l’Association Pour l’Enseignement de la Langue d’Oc .


















            partager partager

Amé Toscano lo Gelós castigat intra en scena


Reinat Toscano adapte pour la scène une histoire de mari jaloux puni qu’il avait déjà déclinée à partir d’un fragment d’une nouvelle médiévale perdue. L’auteur des Mathieu Sampeyre est un passionné du Moyen âge occitan.



Reinat Toscano en quête de moyen âge (photo MN)
Reinat Toscano en quête de moyen âge (photo MN)
« A vos que etz aysi dirai /unas paucas nòvas que ay/auzidas dire non a gayre/mas riman las vos vulh retraire » Aquélei quàuquei vèrs d’un tèxte perdut siguèron publicats per Renat Nelli fa quaranta ans, dins lo Tresòr Poetic Occitan.

« Auriáu trobat simpatic de saupre la seguida, alora l’ai escricha… » nos ditz Reinat Toscano, que publica amé son ostau d’edicien aqueu Gelós Castigat, en occitan e francés.

L’istòria es comuna e la trobam tant dins la literatura coma dins la cançon occitanas. Una frema deu suportar lei acusaciens sens fondaments de son òme, un senhor medievau. Tant qu’a faire, acordarà la veritat amé l’acusacien, gràcias a un faus capelan, joine e audaciós.

L’istòria, fòrça dialogada, Reinat Toscano l’aviá ja publicada sota mai que d’una forma, tres còups dins son recuèlh Pergamins. « Segur qu’es una istòria qu’aurai declinada meme en sciença ficcien ! » nos ditz.

Un autor que manda la man en tot

Un còup de mai retalhada, la vaquí lèsta d’èstre jugada. « Lo tèxte es cortet, la pèça pòu èstre montada per d’escolans au licèu, o per d’intermèdis dins d’àutreis espectacles » qu’espèra l’autor.

Per leis illustraciens, es estada messa a contribucien Valentina Schalckens, escolana de l’opcion Arts dau Liceu Raynouard de Brinhòlas.

Lo teatre li agrada segur, bòrd que, après Revira-Mainatge, sa recenta istòria fantasticò-poliçò-niçarda, Mistèri au comissariat es portada au pontin per lo Rodou Nissart dins mai que d’una manifestacien.

Reinat Toscano, qu’a publicat una trentena d’òbras amé son ostau Auba Novèla, s’assaja a tres genres :  fantastic, policier e istoric, sensa s’enebir d’òbras diferentas, coma aqueu « Secret de chin » onte un drama familiau rurau es vist amé leis uelhs dau chin d’ostau. E s’es pas manco enebit d’escriure un libre de cosina e una Gramàtica dau niçard.

Edat mejana, un veïcule d'imaginàri

Les illustrations sont de Valentine Schalkens
Les illustrations sont de Valentine Schalkens
Mai l’Edat Mejana es una epòca que li agrada fòrça. Aqueu professor d’italian a fargat sa tèsi sus lo tèma deis « Invectivas còntra la Glèisa » a l’Edat Mejana, e nada dins l’òbra dei trobadors Pèire Cardenal e Bernat de Ventadorn « coma dins aquela d’un molon d’autres, Occitans ò Italians, de Guinizzelli e Cavalcanti fins a Dante e Petrarca ».

Fa cinc ans nos aviá ofert un « 1209 lo fuèc e lo fèrre », evocacien druda dau chaple de Besiers, per son uechcenten anniversari,; una celebracien que s’èra pas facha, en França.

Puei, amé Beatritz de Mongalvanh, nos aviá congostats de la vida imaginària d’una libertina que sabiá viure, dins aqueu siècle de fuèc de de fèrre…

« l’Edat Mejana es un periòda important de la creacien occitana, normau de s’en preocupar, qu’es un polit sòcle per l’imaginari ».

De pantaiar una societat e seis usatges taus coma aurián poscuts èstre, segur qu’es una dralha atrivanta per un autor de ficcien.

Pour commander

Reinat Toscano – Lo gelós castigat, Auba Novèla, 36 p. ill. deValentine Schalkens. 5€, texte occitan et traduction française en regard. A commander à : Auba Novèla – 147 quartier La Roguiera – 83143 Lo Vau.

Dimanche 21 Septembre 2014
Michel Neumuller





1.Posté par DIGGI le 27/04/2017 18:05
Los libres de Reinat Toscano son de trobar a l'Espaci Occitan: http://www.espaci-occitan.com/botiga/fr/5_reinat-toscano

2.Posté par auba novela le 01/01/2020 11:34
e en cò de l'editor (toscanoreinat.chez-alice. fr)

Nouveau commentaire :


Copyright

Les articles diffusés sur Aquo d'Aqui.info sont protégés par la législation sur les droits d'auteur et le copyright. Il est interdit de les diffuser hors le site d'Aquo d'Aqui, sauf autorisation expresse de son créateur.

Recherche

Aquò d’Aquí en mai

Dison que...

La ruralité a forte identité, l'oubliée des blocs politiques

La décentralisation c'est le thème que les candidats les plus en vue de la présidentielle ont mis sous le tapis. Et pourtant, c'est là que se concentrent problèmes et frustrations.

Nous l'avons remarqué, durant la campagne pour l'élection présidentielle, la place et l'avenir des territoires, des pays, a été pratiquement absente, en tout cas dans la propagande des trois premiers candidats. Pourtant, la question du pouvoir d'achat, qu'ils ont tous abordé abondamment, dépend bel et bien de la place qu'on occupe dans le pays.



Copyright

Les articles diffusés sur Aquo d'Aqui.info sont protégés par la législation sur les droits d'auteur et le copyright. Il est interdit de les diffuser hors le site d'Aquo d'Aqui, sauf autorisation expresse de son créateur.