partager
Entrevistat per France 3 Vaquí dimenja 12 de setembre le Rector d’Acadèmia d’Ais-Marselha confierma ce que Aquò d’Aquí aviá ja anconciat : la “distribucion dins tota l’Acadèmia d’una brocadura titolada “Pourquoi étudier le provençal ?”. Rason dau Rector : “lei joines se questionan : perqué estudiar una lenga que l’entendi pas sovent dins la vida vidanta maugra que siegui Provençau ?” Lo Rector sembla pas faire cas de l’Aupenc d’Oc, mai sotalinha que : “lo provençau a desparéissut dins Var e deins Auteis Aups”. Ren tampauc sus leis Aups d’Auta Provença onte despuei d’an lo Consèu Despartamentau ne’n fa la promocion, maugrat l’absència totala de creacion de pòste d’ensenhaire.
Lo Rector pensa ligar lo desir d’aprendre la lenga amé lo besonh de ne’n ensenhar l’istòria e la geografia, “e ce qu’es la Provença d’ara”.
A costat d’aquò anoncia a France 3 lo restabliment dei ponchs opcionaus au bacheleirat, coma aperabans la reforma Blanquer dei licèus.
Mai per eu l’enveja d’aprendre la lenga deu pas venir amb aquel argument, mai amé la consciencia dei liceans que son d’un país : “an de se dire qu’es necite per bastir sa personalitat e sa compreneson de ce qu’es la region ont an crebat l’uòu”.
A vèire dins la realitat se lei mejans umans seguiràn la difusion d’aquela brocadura, es verai concebuda per un comitat d’ensenhaires bailejats par la conselhiera de l’Acadèmia Celina Marteau-Imbert.
Un solet candidat au capes d’occitan e degun admés
