partager
Lei mila titòls ja en linha lei podètz adonc crompar tre ara ; per lei doas mila autres faudrà anar a l’Enclos Del Telh, ostau comunau onte la Comuna lotja l’associacion, que fuguèt premier un ostau d’edicion.
A la librariá trobarètz de libres mai que tot en lengadocian, puei en auvernhat, bòrd que lo Cantal vesina lei doas varietats, enfin d’autrei dialèctes de l’occitan coma lo provençau o lo gascon.
L’istòria regionala es ben representada dins lei seccions, coma la poèsia, e tot un ensems d’obratges sus lei trobadors o lei catares, mai oblidatz pas tanpauc lei CD o lei DVD que n’i a a bòudre, tau coma la literatura enfantina.
Enfin, se lo locau de 40 m2 pròche dins lo meteis ostau acampa encara de monde per una conferència, serà dins quauque tèmps. Mai a la librariá, amé Catarina, trobarètz de gel, segur. “E lo monde es pregat de pas jaissar sus lei libre, eh!” que galeja.
Mai seriosament, vos fau saupre que lei taulas de libres prepausadas ais eveniments, lei aurètz pas, segur, avans un moment. Alòr vos fau sostenir l’associacion, e per aquò crompar sei libres.
Tres libres classics de la literatura mondiala en occitan