partager
Eri tancat lo 29 de decèmbre davant ma televisien per veire la partida de rugbì dau Top 14. USAP Perpignan contra ASM Clermont.
Des signes visibles contre l'uniformisation
Per un còp la trasmissien èra a gratis, sus C8, de costuma cau èstre abonat a Canal+ pèr seguir lo Tòp 14. Si jugava la sardana "la Santa Espina" (mi sembla, pas segur) dau tèmps de l'intrada dei jugaires de Perpinya vestits dau malhòt "colector" coma si ditz : sanc e aur emé au damont un triangle blu, lei colors dau drapèu catalan que vesèm d'en pertot per carrieras dau Principat de Catalonha. Mi cresieu sus un pelenc de Girona, Lleida o Barcelona,mai non, eriam sus l"estadi Giral dins lei Pyrénées Orientales.
L' USAP an perdut pecaire mai emé onor. Clarmont an mai de sòus que lei cans an de nieras graci a Michelin e si crompon lei melhors jugaires.
Lo patriotisme catalan de l'USAP a ges d'equivalènt en cò dei uech equipas occitanas dau Tòp 14. Pasmens, vesèm ara de polidei marcas "d'occitanitat" que vesiam pas encara li a mens de dès ans. A Tolosa e Castres, d'annadas en annadas lei drapèus mé la Crotz de Venasca son de mai en mai nombros au mitan dau public e mai d'un còp ai ausit cantar "Aquelei montanhas".
A Tolon, avans l'intrada dei jugaires dau RCT, si canta la "Coupo Santo" au mitan dau terren, mai lo monde esperon lo "Pilou- Pilou", especialitat tolonenca, qu'un Tolonenc pintat a la maori brama dins un micrò.
Leis uns diran qu'aquelei marcas son ren de mai que de folclòre regionau per faire polit. Leis autrei, ne'n fau part, sabon que son una volontat de gardar nòstre eime dins una França e una Europa que s'uniformison.
L' USAP an perdut pecaire mai emé onor. Clarmont an mai de sòus que lei cans an de nieras graci a Michelin e si crompon lei melhors jugaires.
Lo patriotisme catalan de l'USAP a ges d'equivalènt en cò dei uech equipas occitanas dau Tòp 14. Pasmens, vesèm ara de polidei marcas "d'occitanitat" que vesiam pas encara li a mens de dès ans. A Tolosa e Castres, d'annadas en annadas lei drapèus mé la Crotz de Venasca son de mai en mai nombros au mitan dau public e mai d'un còp ai ausit cantar "Aquelei montanhas".
A Tolon, avans l'intrada dei jugaires dau RCT, si canta la "Coupo Santo" au mitan dau terren, mai lo monde esperon lo "Pilou- Pilou", especialitat tolonenca, qu'un Tolonenc pintat a la maori brama dins un micrò.
Leis uns diran qu'aquelei marcas son ren de mai que de folclòre regionau per faire polit. Leis autrei, ne'n fau part, sabon que son una volontat de gardar nòstre eime dins una França e una Europa que s'uniformison.
Aquò d’Aquí appelle à votre générosité pour franchir un cap difficile