partager
Lo pati a l'UMP e sei situaciens pagnolescas esconde la lucha contra lo "kyste" (paraula de menistre) dei manifestaires en lucha per empachar la costrucien de l'aeropòrt a Notre Dame des Landes. Aquela idèia d' aeropòrt vèn de Jean-Marc Ayrault dau tèmps qu'èra cònso de Nantes.
D'aeopòrt ni a un pròche Nantes, moderne, operacionau, que bastarié per aquela regien de l'Oest dins l'avenir, tengut còmpte de la reculada economica, e de l'estabilisacien dau trafic aerian. Mai Ayrault vòu son cap d'òbra. Pompidou faguèt lo Centre Beaubourg, Mitterand la piramida dau Louvre, Ayrault farà Notre Dame.
Ayrault mi fa pensar au senator Edoard Soldani, cònso de Draguinhan dins leis anadas 70, quora l'armada voguèt s'agantar lei 36000 ectaras dau Plan de Canjuèrs, reiaume de la feda e de l'anhèu brotard.
Edoard aurié poscut empachar l'istalacien de l'artilharié a portada de canon de la costiera, mai eu s'èra pensat que aduerrié richessa per Draguinhan e glòri per eu.
i siam entornats a la bèla epòca de la SFIO : "c'est pas cher et ça peut rapporter gros" disié una autra gaucha. Leis estèlas de promiera grandor dau partit bailejon sa principautat per seis interès e per son prestigi personau. Aviam pas votat per aquò.
Robert Lafont cet intellectuel qui occupa le terrain social pour une renaissance occitane
