partager
Joan-Pèire Spies, le president de l'IEO 06 (photo MN)
L’Institut d’Estudis Occitans deis Aups Maritimas a decidit de racampar fòrça per lo Congrès dau Forum d’Òc, que se debana a Marselha disabte 12 de març.
« Porgerem un sostèn e un encoratjament dei grands a la còla que s'es estransinada a organizar una manifestacion coma lo Congrès, » escriu Joan-Pèire Spies, le president de l’IEO 06. Una còla d’organisators qu’« a mandat de letras, rescontrat de monde, trobat un finançament... »
E, se lo baile nissart evoca la necessitat de far veire ais elegits que Provença fai avans am’unitat, sotalinha pereu qu’aqueu congrès serà un moment unic per escambiar, entre Avinhon e Menton !
« De gènts faràn part de la sieu experiéncia, de la sieu estratetgia dins l'accion, dei sieus succès ò dei sieus dificultats » que ditz. E « aquò dona totjorn d'idèias ò fa nàisser de reflexions. Sensa parlar de l'encoratjament que ressentèm de si pas sentir solet dins lo nòstre cantonet, constatar que n'i a d'autrei que fan tot per si metre au servici de la nòstra lenga e de la nòstra cultura milenàrias e de toi aquelei que li si interessan. »
Pasmens, coma lo CD13, que convida aqueu Congrès, vòu ne’n assegurar la seguretat, es aqueu diluns 7 de març que faudrà se faire conéisser, amé nom e numerò de veitura.
L’IEO rampèla adonc lo monde par se faire marcar, e ajusta que lo viatge serà pagat per l’associacion. Per aquò es d’escriure leu a segretariat.ieo06@yahoo.fr
Aquela seccion de l’IEO es la mai nombrosa de l’Institut en Provença, e desvolopa una bèla activitat, entre eveniments publics, edicion e vida culturala.
« Porgerem un sostèn e un encoratjament dei grands a la còla que s'es estransinada a organizar una manifestacion coma lo Congrès, » escriu Joan-Pèire Spies, le president de l’IEO 06. Una còla d’organisators qu’« a mandat de letras, rescontrat de monde, trobat un finançament... »
E, se lo baile nissart evoca la necessitat de far veire ais elegits que Provença fai avans am’unitat, sotalinha pereu qu’aqueu congrès serà un moment unic per escambiar, entre Avinhon e Menton !
« De gènts faràn part de la sieu experiéncia, de la sieu estratetgia dins l'accion, dei sieus succès ò dei sieus dificultats » que ditz. E « aquò dona totjorn d'idèias ò fa nàisser de reflexions. Sensa parlar de l'encoratjament que ressentèm de si pas sentir solet dins lo nòstre cantonet, constatar que n'i a d'autrei que fan tot per si metre au servici de la nòstra lenga e de la nòstra cultura milenàrias e de toi aquelei que li si interessan. »
Pasmens, coma lo CD13, que convida aqueu Congrès, vòu ne’n assegurar la seguretat, es aqueu diluns 7 de març que faudrà se faire conéisser, amé nom e numerò de veitura.
L’IEO rampèla adonc lo monde par se faire marcar, e ajusta que lo viatge serà pagat per l’associacion. Per aquò es d’escriure leu a segretariat.ieo06@yahoo.fr
Aquela seccion de l’IEO es la mai nombrosa de l’Institut en Provença, e desvolopa una bèla activitat, entre eveniments publics, edicion e vida culturala.
Le GPS en occitan
