En linha lo diccionari provençau francés dau Creo Provença

Lei legeires dau mesadier Aquò d'Aquí va sabian despuei dos mes, mai ara es oficiau, lo Centre Regionau d'Estudis Occitan de Provença Aups e Còsta d'Azur a mes en linha son pròpri site web.

E la bòna nòva es qu'es tant simple coma ben fach. L'ergonomia èra au rendètz-vos. Siguèt desvelopat per lo president dau Creo Provença, Miquèu Arnaud. 

Entre lei diferentei partidas per conéisser lo CREO e seis activitats, lo mai utile a chascun serà sensa dobte son diccionari en linha. Aqueu tanben foncciona ben, maugrat que son desvelopaire nos avisa qu'es "encara en desvolopament, et que de l'oc au francés marcha a 100%, mai que dau francés à l'occitan-provençau, leis intradas se faràn a chapauc."

E d'ajustar que de discutidas son a l'òrdre dau jorn amé lei Instituts d'Estudis Occitans deis Aups e deis Aups Maritimas, per ajustar tre que possible lei lexics en Vivarò Aupenc e Niçard.

A veire aquí.

E de notar per fins que, se lo CREO de'n pertot es una entitat regionala deis ensenhaires de la Felco, en Provença es diferent, qu'es l'otís màger de projects culturaus de l'IEO.