partagerra fa un mes qu’a sorgit lo coronavirús o, coma dison desenant lo COVID 19, un micròbe tan pichon que vos dintra dins l’organisme maugrat lei masquetas que totei mai o mens començan de se crompar.
Effet d'aubaine pour certaines sociétés, provocateur d'individualisme, il peut être combattu et prévenu
A la farmacia dau quartier aièr, li an demandat se ne’n avian encara. “Eh! Non, e pas mai de desinfectant per lei mans, que totei d’un còp se son amolonats sus lei resèrvas. Mai avèm encara de masquetas quirurgicalas : aquelei son pas a 0,25€ mai a 1€, e encara de colègas parisencs lei vendan a 9€, bòrd que lei fabricants an quatecant
aumentat sei prètz...Es la lèi dau mercat monsur!”
Adonc, lo coronavirús fa respelir quauqueis entrepresas, mai comença d’afèblir la convivència ; de ciutats italianas son isoladas, e la distancia de seguretat seriá de dètz mètres, aquò farà pas aisat lei charradissas, lei potons sus la gauta
desaparéisson e lo monde lèu se tocarà plus la man…
Mai coma va ditz lo professor marselhès Daidier Raoult, un cacheton de chloroquine, que còsta ren, pòu sonhar la malautia. Segur que fariá pas l’afaire dei societats dau sector ! Pas besonh de pagar un brevet...
Aquò dich, en França se ditz pas fòrça lei caracteristicas dau coronavirús, pasmens de lo conéisser, es ja ne’n combatre l’efect. Adonc, vaquí ce que nos dison de Catalans trabalhant dins d’estructuras culturalas onte reçaupan de publics.
- lo micròbe podriá pas resistir a la calor, se nos ensuca en ivèrn es pas d’asard ! A 27 ° crèbariá. Adonc, de bèure caud seriá un acte de prevencien : tè, tisana, dau !
- quand se pausa sus de metal podriá viure fin qu’a doge oras. Adonc, méfi ! Fau s’avisar que tota rambarda d’escalier de luec public, tota man correnta es una fònt de risc, tanben lei ponhadas de botigas ...o de veitura. Netejatz lei a l’ostau e netejatz vòstrei mans defòra.
- tanben sus lei vestits demòrariá viu doge oras, adonc fau ne’n faire de bugadas
, e per lei vèstas, lei pausar sus lo radiator podriá èstre una solucion.
- Pasmens sus la peu, lei mans, lo coronavirús viuriá pas mai de dètz minutas...un temps cortet que fau subretot pas se tocar boca e nas, nimai leis uelhs ! Que sembla que son tanben una pòrta d’intrada. Encara un còp, sabon e desinfectants seràn mobilitzats sensa relàmbi
!
Esperant que degun mai siegue tocat per aqueu novèu malastre, vos disi quand mume que fau pas renonciar ai relacions socialas...Aièr èri au Cafè Provençau d’Ais-de-Provença, e amé lei colègas, èriam pas, segur, a dètz mètres leis uns deis autres!
Un outil précieux pour soutenir qui apprend le provençal