La mitat presonièra

La statistique nous dit froidement la part émergée d'un quotidien d'entravées. La moitié féminine de la population n'est pas libre de ses mouvements.

Fa tot bèu just una setmana dimècres 17 d’abriu una joineta siguèt violada dins un trin regionau entre Ais e Marselha, dins un vagon onte li aviá d’autrei viatjaires. Sensa ren dire mai avans que l’enquista n’en digue mai, fau quand muma rementar que la tiera comença de pas s’acabar jamai.
 






            partager partager

Chaple a Prads


Entre blagues pourries et ameublement du vide informationnel , le grand absent du paysage médiatique, près du Vernet, ce 24 mars, c'étaient les gens qui ont une connaissance intime du pays.



L'airbus de Germanwings a tombat sus de robinas de la comuna de Prads, entre Dinha e Barcelona (Barcelonnette).

Lo biais lo mai aisat per si rèndre sus lo luec dau chaple ente 150 personas an perdut la vida, es d'anar en partènt dau Vernet em'un 4X4 au pas de Mariaud e d'aquì caminar vint minutas sus de marridei dralhas.
Chaple a Prads

Le rôle et la manière de travailler des chaînes d'informations doivent changer

Es l'enfant de Maurici Lombard que va diguèt lo lendeman de matin sus l'antena de RMC a JJ Bourdin. Lei Lombards sabon de que parlon.

Menon sei vacas e sei fedas pasturar sota aquelei robinas. Frequènti la bastida Lombard dempuei mai de quaranta ans e conoissi un pauc lo ròdo.

Guton, l'ainat dei fraires Lombard, mi li avié menat. Gaire de quartiers dins leis Aups son tant esconduts, tant aluenchats dei rotas e dei GR dei caminaires.
 
De colhonadas se n'es dichas sus lei cadenas d'infò tota la santa jornada. Sus una s'es afortit tota la vesprada que Meolans era lo vilagi lo mai pròche.

Perqué Meolans, vesin de Barcelona, au mens a 30 qms au nòrd dau luec de l'acidènt? Vai comprendre. L'error es umana, si pòu concebre.

Mai restar enganat doas, tres, quatre oras de tèmps sènsa que degun bolegue de l'equipa dei jornalistas de la cadena, aquò mi tafura.

Lei gendarmas èron renduts sus lo luec en alicotère miech ora après la casuda, mai aquò BFM e ITele v'an pas sachut e an afortit que degun encara avié trovat lo dich luec.

An tapat puei coma an poscut lo vueje de l'informacien emé d'imagis aerians deis Aups clafits de nèu... Lo ròle e lo travalh dei cadenas d'informacien duvon chanjar.

Si pòu pas continuar ensin. Lei jorns d'auvaris fan de lònga lei memei cagadas, emé de "directs" vueges de sèns e paurei d'informaciens.
 
Un umorista en pana d'ispiracien a mandat sus la tela, una ora pas mai passat lo drama, una blaga sinistra mesclant lo chaple d'aquel airbus e aqueu deis alicotères dau filmagi de TF1 en Argentina.

Lo drech de galejar a prepaus de tot, de si garçar de tot e de totei, a menat dins aquela androna de la vergonha e de l'indecènci.

"L' esprit Charlie est mort" diguèt l'umorista quora s'aviset que sa blaga fasié rire degun e bramar fòrça monde… Se l'esprit Charlie es aquò, que si pèrde, mi pènsi.
 
Francés Balique, lo cònso dau Vernet, a aculhit lei familhas dei mòrts de l'airbus, au mai pròche dau luec dau drama. Èra una pichòta ajuda per aquelei que duvon viure un tau dòu.
 

Mardi 31 Mars 2015
Andrieu Abbe




Nouveau commentaire :


Copyright

Les articles diffusés sur Aquo d'Aqui.info sont protégés par la législation sur les droits d'auteur et le copyright. Il est interdit de les diffuser hors le site d'Aquo d'Aqui, sauf autorisation expresse de son créateur.

Recherche

Voici Aquò d'Aquí de mai
Dison que...

Lei recalius de Notre Dame coma nos questionan

Notre-Dame de Paris fait aussi partie du patrimoine occitan. Notre patrimoine immatériel fait-il partie de celui de la France, M. Macron ? Si oui, que ne décidez-vous de le revitaliser, avec la même autorité ?

L’incèndi qu’a devastat per partida la Catedrala Notre-Dame de Paris diluns 15 d’abriu vèrs lei sèt oras dau vèspre questiona tota la França sus la plaça restanta dau religiós dins la societat dau siècle XXI, sus lo suenh portat per leis autoritats au patrimòni materiau e sei trias de finançament, mai tanben sus lo biais de l’intelligentsia de considerar que tot ce que se debana a Paris merita la prioritat de la Nacien.
Lei recalius de Notre Dame coma nos questionan


Copyright

Les articles diffusés sur Aquo d'Aqui.info sont protégés par la législation sur les droits d'auteur et le copyright. Il est interdit de les diffuser hors le site d'Aquo d'Aqui, sauf autorisation expresse de son créateur.