partager
Chausissètz lo Pòrt Vièlh de Marselha e lei pichòtei carrieras a l'entorn. Li mandètz quauquei centenaus d'oligans englés empegats
e 200 oligans russos que elei an rèn begut. Apondètz quauquei desenaus d'arlèris marselhés supausats "supporters" de l'O.M. Avètz avans organisat un Engletèrra-Russia de Copa d'Euròpa de Fotbal lo mai tard possible, a 21 oras, e auretz tot ce que vos fa besonh per metre en òbra una polida castanhada
que permetrà a totei lei cadenas de televisien de virar d'imatges espetaclos.
Accuser l'acool quand une marque de bière sponsorise l'Euro de football ?
Lei resultats an otrepassat totei leis espèrs. Quartier chaplat, de molons de nafrats, quauqueis uns a l'espitau, vint interpelaciens, dès comparuciens imediatas. Lei oligans russos an ganhat ; per la castanha
vau miès aguer tot son sen !
A si demandar se lei cataus de l'UEFA an pas vogut que tot aquò arrivèsse. O alòrs li manca de neuronas dins lo cabucèu. An chausit Marselha la ciutat que patisse lo mai deis "après matchs" destrucis dau tèmps dau Campionat de Promiera divisien. An chausit lei doas equipas mai provesidas en suportèrs maufatans. An chausit la pus marrida ora, leis Englés avien agut lo temps de cassular tota la jornada. Convèn d'apondre que l'esponsor òuficiau de l'Eurò es una cervesa danesa. Vai criticar puei lei chocatons !
Quauquei jorns pus tard, au meme endrech, la França a agut d’òbra per batre l'Albania. Lo Basco Deschamps, baile dei Blus, s'es planhut que lo pelenc de l'Estadi Velodròme (coma d’alhors aqueu de Lille !) èra d'un estat pietados, lei jugaires resquilhavon , si podié veire a la telé. Fau dire que l'estadi apartèn pas a l'O.M mai a la Comuna que li organisa d'espetacles e de concèrts per lo rentabilisar. Lei fans de musica matrasson lo dich pelenc. Paure fotbal e paurei aquelei que pagon pèr lo regardar. Lei sòus an gastat aquel espòrt. Donar de miliens ai jugaires pèr resquilhar sus de marrits pelencs a ges de sen.
Dins la mema jornada, Galés e Englés si son castanhats, luenh de Marselha dins lo Nòrd, seis equipas avien ailàs tirat la mema pola de qualificacien... Dempuei 120 ans Galés e Englés si rescontron au rugbì e lei soletas castanhadas si fan, entre jugaires, dins lo rectangle dau terren. Leis espetators elei fan fèsta ensèms.
Vaquì perqué prefèri lo rugbì.
A si demandar se lei cataus de l'UEFA an pas vogut que tot aquò arrivèsse. O alòrs li manca de neuronas dins lo cabucèu. An chausit Marselha la ciutat que patisse lo mai deis "après matchs" destrucis dau tèmps dau Campionat de Promiera divisien. An chausit lei doas equipas mai provesidas en suportèrs maufatans. An chausit la pus marrida ora, leis Englés avien agut lo temps de cassular tota la jornada. Convèn d'apondre que l'esponsor òuficiau de l'Eurò es una cervesa danesa. Vai criticar puei lei chocatons !
Quauquei jorns pus tard, au meme endrech, la França a agut d’òbra per batre l'Albania. Lo Basco Deschamps, baile dei Blus, s'es planhut que lo pelenc de l'Estadi Velodròme (coma d’alhors aqueu de Lille !) èra d'un estat pietados, lei jugaires resquilhavon , si podié veire a la telé. Fau dire que l'estadi apartèn pas a l'O.M mai a la Comuna que li organisa d'espetacles e de concèrts per lo rentabilisar. Lei fans de musica matrasson lo dich pelenc. Paure fotbal e paurei aquelei que pagon pèr lo regardar. Lei sòus an gastat aquel espòrt. Donar de miliens ai jugaires pèr resquilhar sus de marrits pelencs a ges de sen.
Dins la mema jornada, Galés e Englés si son castanhats, luenh de Marselha dins lo Nòrd, seis equipas avien ailàs tirat la mema pola de qualificacien... Dempuei 120 ans Galés e Englés si rescontron au rugbì e lei soletas castanhadas si fan, entre jugaires, dins lo rectangle dau terren. Leis espetators elei fan fèsta ensèms.
Vaquì perqué prefèri lo rugbì.
òrre democratic
