partager
Lei familhas de Jacques-Henri Lartigue e de Bibi Messager eron "en villégiature" en riba dau lau d'Annecy dins aquest estiu de fuec 1917.
Bibi e JHL faguèron coneissènça puei frequentèron (si dis ansin a Ròcabruna) avans de si maridar. Aprenguèri aquò en començant ma visita au Festenau de la Fotò en Arle ; la mòstra Lartigue n'es l'estèla la mai lusènta (li podètz plus anar, que s'acabava en setèmbre).
Lei fotòs blanc-negre de Lartigue mòstron la vida de lussi e de plaser de l'auta societat francesa deis anadas 20 e 30.
M'enverini encara, 96 ans pus tard, en aprenènt que de borgés fasién bombança en Annecy dau tèmps que 400 qms au nòrd de maluros crebavon dins lei trenchadas.
Per mi levar l'estomagada e prendre d'autor, anèri au claustre de Sant Trefume vèire la mòstra "Lei cosmonautes zambians". Dòna de Middel, naissuda a Alicante, faguèt de fotòs deis esfòrç dei Zambians per èstre lei promiers Africans per anar sus la luna.
Fusadas de fusta e òmes mau embraiats, la tèsta dins de bocaus... Es pas la promiera per bastir sa notorietat en ridiculisant lei negres.
Despichat, anèri au musèu Réattu vèire "Nuages" un fora-borra d'òbras que si vòlon òuriginalas. Pèr pas èstre en retard d'una mòda, lei plasticians dau segle XXI si congoston dau que que siegue.
Sadolat, ai arrestat 'qui mei rogasons fotograficas. En Arle èri un estrangier; lo derisòri e la derisien que raion d'aquelei mòstras m'avien gonflat.
Lei fotòs blanc-negre de Lartigue mòstron la vida de lussi e de plaser de l'auta societat francesa deis anadas 20 e 30.
M'enverini encara, 96 ans pus tard, en aprenènt que de borgés fasién bombança en Annecy dau tèmps que 400 qms au nòrd de maluros crebavon dins lei trenchadas.
Per mi levar l'estomagada e prendre d'autor, anèri au claustre de Sant Trefume vèire la mòstra "Lei cosmonautes zambians". Dòna de Middel, naissuda a Alicante, faguèt de fotòs deis esfòrç dei Zambians per èstre lei promiers Africans per anar sus la luna.
Fusadas de fusta e òmes mau embraiats, la tèsta dins de bocaus... Es pas la promiera per bastir sa notorietat en ridiculisant lei negres.
Despichat, anèri au musèu Réattu vèire "Nuages" un fora-borra d'òbras que si vòlon òuriginalas. Pèr pas èstre en retard d'una mòda, lei plasticians dau segle XXI si congoston dau que que siegue.
Sadolat, ai arrestat 'qui mei rogasons fotograficas. En Arle èri un estrangier; lo derisòri e la derisien que raion d'aquelei mòstras m'avien gonflat.
Robert Lafont cet intellectuel qui occupa le terrain social pour une renaissance occitane
