partager
Afogat d'opera, mi ploravi dimècres davant lo 11 de la Grand Carriera de Draguinhan. Avieu l'estomagada a la sortida de l'Hôtel des Impôts ente m'èri fach cascalhar lo portamoneda e pèr mi defugar avieu partit en romavagi a l'ostau ente Lily Pons era naissuda en 1898.
Andrieu Abbe
Pour commémorer 1914 préférons Lakmé au son du canon...
Lily siguèt la granda soprano deis anadas 30 e 40 tant en Euròpa qu'en America ente s'èra maridada. Que tristum de m'avisar que sus l'ostau mairau dau 11, ges de lauva onorava la granda Lily, sa maire corduriera e son paire òubrier d'imprimarié.
L'enciana carriera deis aristocratas e dei borgés a encuei perdut tot son lustre e totei sei comerçants an plegat botiga.
Ges de carriera Lily Pons e ges de monument a sa glòri a Dragui, mai una sala dau teatre municipau es a son nom. Pas la granda de 800 fautuelhs mai la pichòta de dessota de cent cadieras. Que vergonha !
Joffre a son baloard, eu que mandava a la mòrt de miliers de joines embraiats de roge per d'òujetius qu'encuei encara escapon ais especialistas d'estrategié militari. M'agradarié qu'en 2014 pèr lo centenari de la Granda Guèrra, la placa d'aquel arlèri siguesse leveda e que si li metèsse aquela au nom de la granda Lily Pons.
L'enciana carriera deis aristocratas e dei borgés a encuei perdut tot son lustre e totei sei comerçants an plegat botiga.
Ges de carriera Lily Pons e ges de monument a sa glòri a Dragui, mai una sala dau teatre municipau es a son nom. Pas la granda de 800 fautuelhs mai la pichòta de dessota de cent cadieras. Que vergonha !
Joffre a son baloard, eu que mandava a la mòrt de miliers de joines embraiats de roge per d'òujetius qu'encuei encara escapon ais especialistas d'estrategié militari. M'agradarié qu'en 2014 pèr lo centenari de la Granda Guèrra, la placa d'aquel arlèri siguesse leveda e que si li metèsse aquela au nom de la granda Lily Pons.
Aviá crebat l'uòu dins una ciutat que se rementa pas pron d'ela (photo XDR Archives)
òrre democratic
