Mille excuses...

Un petit retard pour la réception de notre mensuel n° 300. Désolé et aidez nous à faire mieux.

Qu'il est difficile de tenir la gageure! Un numéro par mois, de bonne qualité, dans les temps. Cette fois-ci nous n'y arrivons pas vraiment.






            partager partager

Leis escolans sàbon pas reconéisser ço que mànjon a la cantina


L'étude des médecins de l'Asef laisse entendre qu'elle est représentative de l'alimentation dans les cantines en France. Son échantillon est toutefois limité à la Provence urbaine. Elle souligne que les écoliers méconnaissent l'origine des aliments conditionnés, ou simplement cuisinés. Elle aurait gagné à s'intéresser aux pratiques dans les écoles où la cuisine fait un travail pédagogique.



Oh! dure réalité les enfants: c'est bien de là que viennent vos panés (photo MN)
Oh! dure réalité les enfants: c'est bien de là que viennent vos panés (photo MN)
Nòstrei nistons, lo mai dau temps, pòdon pas reconéisser lei lieumes dins sa sieta a la cantina de son escòla. Segon l’enquista de metges de l’associacion sestiana Asef (Association Santé Environnement France, que rèsta en veritat qu’en Provença), 30% deis escolans reconéisson lo pòrri, e pas mai la figa o l’aubricòt. E 10% pas mai reconéisson la bleda-raba. Una cachòfla o una pera li son desconeissudas, au mens per la màger part.
 
Lei resultats d’aquel estudi menat dins una vintena d’escòlas son espantants. Avèm ja ausit dire que totplen d’enfantons sabién pas que lei peissons de la mar son pas cairats e tot semenats de chapladura fregida … Mai ara fau ajustar que sàbon pas mai que lei trufas sèrvon a fabricar lei chips, nimai que lei pastas, que s’en congóston, son fachas amé de blat, e pas mai que la pera es una frucha puslèu qu’un lieume.
 
Tóteis aquélei donadas son consinhadas dins l’estudi de l’ASF « L’assiette des enfants », qu’a fa conéisser sei resultats a la fin de mai 2013.

Lei biais regionaus de s'alimentar ignorats per l'enquista

Pâtes et steacks hachés d'origine inconnue entre 3 et 10 ans...(Asef DR)
Pâtes et steacks hachés d'origine inconnue entre 3 et 10 ans...(Asef DR)
Un còup enquistat dau costat d’aquela associacion, li fau pasmens reprochar una generalisacion, e ben saber qu’es pas una enquista estadistica am’un escapolon representatiu. Se 910 escolans siguèron ben pertocats per questionaris dins 20 escòlas, fau saber que la màger part siguèron localisats dins Bocas de Ròse, am’una populacion urbana ò que viu dins de ciutats pròchas de vilas grandas. Una sola escòla varesa un pauc aluenchada respondèt.
 
Lei biais regionaus de s’alimentar siguèron tambèn ignorats. S’i parla ben de chapladís Parmentier mai l’Alhòli es completament ignorat per lo questionari, onte se parlapas de pompas d’òli, de dòba e tóteis àutrei plats que, un jorn o l’autre, aquélei familhas an ben degut cosinar ò tastar, quand rèston en Provença.

Dau costat de Niça, faudrié sacher s’aquélei jóineis escolans se podrién pas sovenir dei bledas-rabas. Mai ò mens aquel estudi siguèt fach per « pegar » ai costumas alimentàrias generalas que seis autors an poscut pensar qu’èron aquélei de tótei lei Francés.

Sabon pas d'onte venon lei nuggets

Mirabeau en 2011, les légumes proviennent d'un groupement de paysans locaux, à qui la mairie confie un repas hebdomadaire (photo MN)
Mirabeau en 2011, les légumes proviennent d'un groupement de paysans locaux, à qui la mairie confie un repas hebdomadaire (photo MN)
Urosament qu’existisse pas encara completament aquela mena d’uniformitat. Per exemple, leis assais que de comunautats fan per gardar ai nistons lo gost dei lieumes semblèron ignorats per l’enquista dei metges de l’Asef.
 
Fau citar, per exemple, la tièra d’escòlas en Leberon, onte lo Pargue Regionau afavorisa lei fornissèires locaus que cultívon directament. En 2001 Aquò d’Aquí aviá entreprés un reportatge a Mirabèu, que vos prepausam aquí.
 
Aquò dich, inquieta de saupre que leis escolans, que li agrada tant lo cambajon, sàbon pas que vèn dau pòrc, ni que lei nuggets (que tótei sabon çò qu’es, sembla) vènon dei polets. Mens de 50% lo sabién dins l’enquista de l’Asef.

Article écrit en graphie classique avec les suggestions de Reintat Toscano

Dimanche 16 Juin 2013
Michel Neumuller




Nouveau commentaire :


Copyright

Les articles diffusés sur Aquo d'Aqui.info sont protégés par la législation sur les droits d'auteur et le copyright. Il est interdit de les diffuser hors le site d'Aquo d'Aqui, sauf autorisation expresse de son créateur.

Recherche


300 ! un dossier spécial Catalogne à l'heure décisive

Dison que...

1851 : defendre la Republica en provençau

L’historien Renat Merle nous rappelle que la résistance au coup d’Etat du 2 décembre 1851, fut le fait de ruraux qui parlaient occitan. Les meilleurs défenseurs de la République française. Avis aux Républicains amnésiques de 2017.

1851 : defendre la Republica en provençau
A la fin de l’an 1848, un aventurier politic, Louis Napoléon Bonaparte, es estat elegit president de la Republica, amb lo prestigi de son nom e l’adesion de l’immense monde rurau, que portava seis esperanças de dignitat e de progrès.

Mais dins lei fachs, lo President bailejava la Republica dau partit de l’Òrdre, valent a dire la Republica conservatriça, aquela dei Gròs.
 

Copyright

Les articles diffusés sur Aquo d'Aqui.info sont protégés par la législation sur les droits d'auteur et le copyright. Il est interdit de les diffuser hors le site d'Aquo d'Aqui, sauf autorisation expresse de son créateur.