partager
Les techniques "massives" de procréation assistée expliquent pour partie la croissance de la gémelité (photo XDR)
Alora qu’en 1975 9,3 dròlles que crebàvan l’uòu
sus 1000 èron de bessons en França, èron 17,4 en 2011. Quasi lo doble. Ais USA es tot parier : 9,5 en 1975, e 16,9 en 2011.
Aquela auça seriá deguda a l’assisténcia a procreacion d’un latz , e de l’autre a l’atge mai avançat dei maires, segon Gilles Pison, un cercaire de l’Ined qu’a publicat amé de collègas olandès, un estudi estatistic sus lo fenomène dei naissenças de bessons per la revista Population and Development.
Se lei naissenças de bessons èron importantas au moment de la premièra guerra mondiala, seriá per la reson qu’an aquela epòca l’atge mejan dei maires èra mai aut qu’en temps de patz. Puei aquel atge mejan aviá diminuit, de 29 ans e mièg en 1918 a 26 ans e mièg en 1970. E leis naissenças de bessons avián diminuit pereu .
E l’estudi ramenta que sabèm qu’amé lei fremas de mai de 45 ans que fan d’enfants, lo nombre de bessons a doblat. Aquélei naissenças se fan mai sovent amé l’assisténcia medicala a la procreacion.
Es aquela qu’auriá cambiat la situacion. Seriá responsabla de la mitat dei bessons, que ditz l’estudi francò-olandés. Es que la quantitat d’embrions que son intrats dins l’utèrus dei candidatas a la maternitat a una responsabilitat dins l’auça de gemelitat.
Pasmens, dins de país taus que lo Japon o lei País-Bas aquela creissença s’es arestada après que lo nombre d’ovocits siguèt diminuit per lei còlas de metges especializats.
« Aquela creissença de gemelitat es tambèn un problèma de santat publica » segon Gilles Pison, « bòrd que fan créisser tambèn lo risc de diabèta gestacionau e de depression pòst-natala…Mai pereu per lei pichons, que la mortalitat enfantila es mai granda am’élei ».
Aquela auça seriá deguda a l’assisténcia a procreacion d’un latz , e de l’autre a l’atge mai avançat dei maires, segon Gilles Pison, un cercaire de l’Ined qu’a publicat amé de collègas olandès, un estudi estatistic sus lo fenomène dei naissenças de bessons per la revista Population and Development.
Se lei naissenças de bessons èron importantas au moment de la premièra guerra mondiala, seriá per la reson qu’an aquela epòca l’atge mejan dei maires èra mai aut qu’en temps de patz. Puei aquel atge mejan aviá diminuit, de 29 ans e mièg en 1918 a 26 ans e mièg en 1970. E leis naissenças de bessons avián diminuit pereu .
E l’estudi ramenta que sabèm qu’amé lei fremas de mai de 45 ans que fan d’enfants, lo nombre de bessons a doblat. Aquélei naissenças se fan mai sovent amé l’assisténcia medicala a la procreacion.
Es aquela qu’auriá cambiat la situacion. Seriá responsabla de la mitat dei bessons, que ditz l’estudi francò-olandés. Es que la quantitat d’embrions que son intrats dins l’utèrus dei candidatas a la maternitat a una responsabilitat dins l’auça de gemelitat.
Pasmens, dins de país taus que lo Japon o lei País-Bas aquela creissença s’es arestada après que lo nombre d’ovocits siguèt diminuit per lei còlas de metges especializats.
« Aquela creissença de gemelitat es tambèn un problèma de santat publica » segon Gilles Pison, « bòrd que fan créisser tambèn lo risc de diabèta gestacionau e de depression pòst-natala…Mai pereu per lei pichons, que la mortalitat enfantila es mai granda am’élei ».
Ecrit avec les suggestions lexicales de Reinat Toscano.
Mancariá vint-e-quatre miliens de m3 d’aiga a la Provença
