Patricia Jouve intervient en provençal dans les écoles de La Seyne (83), anime le Cercle Occitan de La Seyne, et désormais écrit – toujours en occitan - et peint des livres pour enfants. L’Aeloc publie son premier ouvrage, sur le thème de la nuit et des peurs qu’elle engendre chez les enfants.

 

Patricia, avec tes pinceaux tu as entrepris d’apaiser les peurs enfantines. De quoi s’agit-il ?

 

Pour les enfants, quand ils sont laissés seuls la nuit, s’endormir est difficile, et la peur de la nuit, de l’abandon, les travaille. Leur imagination va son chemin et ils pensent la nuit pleine de monstres. Des auteurs ont déjà proposé un personnage confronté à ces monstres, et qu’un humain rassure. Ce que font les parents et qui apaise leurs enfants, c’est justement, en racontant ce type d’histoire, de leur demander : « et à toi qu’est-ce qui te fait peur ? » En parler désamorce.

 

Disons le, tu as une expérience de ces peurs, car tu as longtemps été psychologue scolaire.

 

Mais oui ! Et j’ai souvent eu affaire à ces peurs de l’endormissement, ces monstres qui peuplent la nuit. Il convient d’en faire parler l’enfant. C’est l’essentiel ; dire que cela n’existe pas ne suffira pas, mais si l’enfant en parle, cela ira mieux.

 

L’Association pour l’Enseignement de la Langue d’Oc t’a sollicitée pour traiter ce sujet ?

 

C’est l’inverse, j’ai sollicité moi l’association, lui expliquant que je cherchais un média pour montrer ce travail. Eliana Tourtet (IEO, Librairie Occitane des Alpes) m’a conseillé de m’adresser à l’Aeloc. Nous nous connaissons avec l’Aeloc, car j’interviens en provençal dans les écoles... et j’y cherchais des livres qui parlent de ce sujet, en provençal, sans en trouver. Maintenant je pourrai y aller avec un support, et le livre sera comme une trace de mon passage, puisque je l’y laisserai.

 

Au niveau plastique, tu présentes un bois vert, qui emplit la page, la densité est de mise.

 

Comme enseignante j’ai recherché des supports artistiques à montrer sur ce sujet. Parfois c’était de l’aquarelle avec un motif traité avec des traits légers, parfois au contraire, avec une autre technique et une forte densité. J’ai choisi quant à moi de traiter ces peurs à l’aide de tons obscurs et j’ai voulu rendre l’inextricable de ces bois.

 

Car la forêt profonde est déjà un univers oppressant, et, contrairement à mes habitudes d’artiste peintre, j’ai essayé de faire le plus figuratif possible. Ce sera un bon support pour parler de ces peurs, et les apaiser.

Robèrt Lafont, Jan-Bernat Plantevin, Pèire Pessemessa, Patrici Gauthier, Andrieu Neyton, Felip Martel, Claudi Barsotti, Jan-Marc Courbet entre autres siguèron premiats a Ventabren per lo Grand Pres Literari de Prouvenço aquelei ultimeis annadas, per una distincion qu’onorèt per premier còp Joan Proal en 1961. Puei, puei… l’iatus de 2020, puei 21, puei 22… la pandemia aviá trencat lo fieu sang e òr. Aurián poscut crèire a la fin de l’aventura, bòrd que la còla associativa se disiá alassada . Fins finala non ! Vaquí adonc lo Grand Premi un còp de mai remes, coma d’acostuma an un òme qu’a d’un costat fargat una òbra literari, d’un autre latz qu’a fa per lo partatge de la lenga nòstra.

 

Silvan Chabaud, nòstei legeires lo conéisson, que siguèt entrevistat aquí mai que d’un còp, per la sortida de sei libres, per lei concerts de son grope de ragamuffin, o per sa tèsi sus Bellaud de la Bellaudièra.

« S’acontenta pas d’un saber esctrech, que sa premiera aventura comença amé lo ragamuffin en 1999 amé de gropes de musica moderna » a dich per lo presentar Felip Martel, un entre sei mestres a l’Universitat Pau Valery onte ara ensenha Silvan Chabaud. Amé son grope Mauresca Fracàs Dub a cantat la fèsta, « e tanben de problemas de societat bòrd que son engatjats ».

 

Autor d’una tèsi de referencia sus « son vesin » Belaud de la Belaudiera, de Grassa, quatre siecles après sa vida gargantuesca, Silvan Chabaud a pas limitat son pretzfach a la coneissénça d’aquel autor màger de la lenga d’òc. A tanben produch nòu CD amé Mauresca, escrich e publicat de recuelhs de poesia en òc a partir de 2012, en particular Montar, Aubres, e en 2022 Peiras sècas.

 

Naissut Varés, a fa seis estudis a Montpelhier « perquè voliáu faire d’occitan e qu’au mieu èra pas possible », la tòca dins leis universitats provençalas es ailàs pas de preparar lo monde a ne’n faire son mestier.

A l’ostau la bibliotèca aviá de libres en occitan e lo joine Silvan lei vesiá coma de causas fantasticas : « de libres plen de promessas, que portavan lo sageu. E per ieu aquelei libres que podiáu pas encara legir, avián un perfum de mistèri e fabulos. » sabiá pas que seis escrivans seriá un jorn sei professors : Felip Gardy, Gerard Gouiran, Florian Vernet e d’autres.

 

Un còp a l’universitat, pasmens, comença per faire la fèsta, e de causas seriosas per faire viure l’occitan… de musicas ! Ja èra influenciat per lo Massilia Sound System, e amé d’autres crear Mauresca Fracàs Dub, per eu siguèt «  una part de mon aventura, essenciala per ieu e, cresi, per tota una generacion. »

 

A Ventabren, a la fin de sa dicha, Silvan Chabaud a tanben rendut omenatge au trabalh particular deis editors d’òbras en occitan : « a cadun sa part ! Elei, a còntra suberna de tot, li fau èstre au corrent de tot, tant dau mercat dau libre coma dei politicas de subvencions »

L’autor de L’òrra istuèra d’un hilh de Gelòs aviá crebat l’òu en 1964, e aprés l’occitan amé sei grands. Tre 1992 publiquèt sei premierei novelas dins la revista Reclams, que ne’n serà puei un fidèu contributor. Amé L’òrra istuèra d’un hilh de Gelòs (1996) tracta de la joinessa e de la mòrt d’un joine, amb una varietat de testimònis dau monde de son quartier. Son realisme s’afortis dins lo racònte d’una corta vida que se debana dins de luecs conéissuts de l’escrivan, amb una finessa psicologica. Publicarà puei Arantxa, un roman, e Isabèu de la Valea, un recuelh de novelas, que farà seguir per Las Tortosas, dins un genre fantastic, Dazibao e La guèrra de Bamboliva.

 

La màger part de seis personatges son en rompeduras amé son mitan, sa familha, e seis òbras alternan entre umor e istòrias sornas. A part seis òbras a agut un percors de traductor, en particular d’Amélie Nothomb e d’Albert Camus.

 

Eric Gonzalès es mòrt a Benevent-L’Abadiá, en Cruesa, a l’atge de 59 ans, lo 26 de mai passat.

Granda dòna, tant discrèta coma prolifica, la comediana e autora de teatre Aneta Clément nos a laissats lo 27 de mai. « Sa vida siguèt creativa qu’es pas de crèire » escriu son enfant Julian. Naissuda en 1940 estudiava l’art dramatic au Conservatòri de Montpelhier avans que de seguir lei cors de Charles Dullin a Chaillot (Paris) e de jugar dins lei cafè-teatres. Vaquí qu’en 1960 fa ce que degun fasiá : jugar en occitan ! Dins la pèça de Robèrt Lafont Lo pescar de la sépia. Puei au Théatre de l’espérance ; enfin au Teatre de la Carrièra la vaquí jugant una tiera lònga de creacions en occitan. Au cinema la veirem dins lei filmes de René Allio, en particular Les Camisards (ròtle d’Isabeau) en 1972.

 

Puei en 1988 la vaquí creant la companhiá Gargamèla amb Joan Hébrard, onte metrà en scèna, escriurà, cantarà e contarà… es que entretemps s’endralhava dins un percors de contaire, tant en Africa coma au sieu. Amb aquò jugarà dins Euròpa tota per mostrar coma lo teatre en lenga autoctona pòu èstre creatiu.

 

De la lònga tiera de seis òbras, direm ren que L’estrange estrangiér (2007), Medea, Julia, Maria e las autras  (2010) o La fabuleuse histoire de Ramon de Perilhos (2001) entre trenta autrei. Lo monde podrà ne’n legir mai amb Clara d’Anduze, o Aquí, ailà, La glaça e lo solelh o encara L’Estrangier, seguit de Saisons de femmes (avec C. Bonafé)

Lo 7 de junh de 1974 l'armada preniá lei claus deis darriers ostaus e fasiá córrer leis darriers estajants dau vilatge de Bròve (Var aut) après li aver copat lo telefòne, l'aiga e lo lume. (De) rason d'Estat, lo platèu de Canjuers deviá èstre liberat de tota anma umana per laissar plaça ai canons e ai carris d'assaut . "Polygone de tir". 35 000 ha vuejats de tota vida umana. Bròve ambe sei 3 000 ha d'espaci comunau auriá pogut èstre sortit dau projècte sensa empacha per lo plan de poligòne de l'armada. Pas ren de faire! Defòra! L'Estat aviá promés de relotjar lo monde dins un barri de Selhan (la Beguda) renomat per l'ocasion Bròve de Selhan. A l'ora de garçar lei darriers pastres, forniers e autrei païsans defòra, leis òbras èran pas acabadas. Avers e familhas se trobèron sens un teulat sus la testa. Cadun se despatolhèt coma poguèt.

 

En 2005 cinc enfants dau país creèron l'associacion deis Ancians e amics de Bròves, ara son mai de 150 sòcis de contuniar de faire viure lo sovenir dau vilatjon. Cada an, per Pandecosta, s'amassan a la capèla de Sant Roman per partejar un repais sortit de la biaça. 

La memòria d'aquesta violença d'estat es encara viva e crema encara leis uelhs quora leis ancians, que rescontrèri a Bargema mi còntèron leis darriers jorns au vilatge. Fins a la fin, an cregut que l'armada li laissariá seis ostaus, seis jassas, que la vida contunariá tant pasibla e urosa coma foguèt de sempre. Fins a la fin pensèron que l'Estat fariá repè davant tant d'absurditat e d'inutilitat. O faguèt pas.

 

Pas luenh de cinquanta ans après, avèm pas oblidat.

Ne'n parlam as Ais dimars 30 de mai davant lo libre ?

L’ongena jornada de mobilizacion còntra la Lèi sus lei retiradas, lo dijòus 6 d'abriu, a acampat entre sièis cent mila e dos milions de manifestants dins una cinquantena de vilas francesas. Una particularitat d’aqueu movament es que, d’ un latz lo monde manifesta mai dins de regions determinadas, e d’un autre latz que la mobilizacion es fòrta dins de vilas mejanas. A vèire lei cortegis onte mai que mai de retirats venon sostenir lei trabalhaires, se pòu comprendre que la proximitat juega per lo nivèu chifrat d’aqueleis acamps contestaires.

 

Amb aquò se’s vist que lei regions Bretanha, Occitanie e lo Vau de Lere son aquelei onte s’acampan lo mai de manifestants. Fau vèire que dins lei Pireneus Atlantics per exemple, li a agut fins qu’a 2,04 % de la populacion dins la carrièra segons un comptatge fach durant tot lo mes de març. A contrariò a Niça « solament » 0,5 % de la populacion deis Aups Maritimas avian manifestat dins la mema pontannada … ce que fa pasmens ja cinc mil cinc cents personas, es a dire una manif ja onorabla.

 

Lei medias importants (es a dire que siegue son publics, siegue apertenon a de gropes capitalistics) dison a chasque jornada que lo monde manifestant son totjorn que mens. Pasmens, sus lo terrenc, nòstrei legeires que nos parlan despuei Foish, Nime o Tolon nos dison lo contrari. Es una marca d’aqueu movament d’amplor jamai vista despuei 1995 que provoca una batèsta mediatica.

 

E tanben una tension monumentala entre policia e manifestants, policia e chormas radicalas, e tanben entre chormas radicalas e manifestants, coma a Foish per l’ongena jornada, onte una còla jugava la provocacion am’una deputada PS e son entorn. Tot bèu just elegida còntra una candidate LFI, la PS Martine Froger siguèt estat escarnida per una part dei manifestants, li demandant de quitar lo passa carrièra, apielant sa demanda de crits.

 

Après onge jornadas de manifestacion e una opinion publica encara defavorabla a la Lèi, la premiera ministra a demandat que siegue pas « umiliat » lo monde sindicau, per sa desfacha. E semblava pas d’umor ! De son costat, e despuei la China, lo president Macron a negat que lo país patesca una crisi democratica, coma l’aviá dich lo pòrta votz de l’intersindicala Laurent Berger. Emmanuel Macron demora drech dins son biais de pensar que siguèt elegit amb un programa e que, barlinga-barlanga , l’aplicarà.

 

La crisi democratica, segons lei sindicats, es naissuda dau biais d’adoptar la Lèi, sensa vòt dau Parlament, mai amb una dispausicion particulara de la Constitucion, l’article 49.3

 

Justament, lo Consèu Constitucionau deu dire son avejaire lo 14 d’abriu. De vèire ce que ne’n sortirà. Esperant aquò l’intersindicala a ja cridat an’una dogena jornada, lo 13.

Clara Ponsatí au país, puei arestada e detinguda, enfin liberada e tornada au Parlament Europenc… Un còp d’assai per testar la justicia espanhòla ?

 

Pasmens elegida au Parlament Europenc (Junts per Catalunya), adonc gausint de l’immunitat parlementari, Clara Ponsatí siguèt estada arrestada aqueu dimarç 28 de març per la policia autonomica de Catalonha, a Barcelona, alòr que tornava au país que se’n en èra exilhada a la fin de 2017, perseguida per la Justicia espanhòla.

 

La deputada independentista catalana tornèt au sieu per « plantar cara », es a dire tenir tèsta, an aqueu aparelh judiciari que condemna lo monde per seis idèas politicas, e son biais de lei prepausar.

 

Acusada de « desobeïssença » donava rendètz-vos a la pressa catalana a son sèti, lo collègi dei jornalistas de Catalonha, per una conferéncia de pressa. Un còp defòra, un responsable dei « mossos », la policia catalana, li fasiá menar davant un jutge, aqueu qu’a perseguit amb testarditge lei bailes catalans independentistas après son referendom dau premier d’octòbre de 2017.

 

Amb aquò, lo jutge èra davant un problèma : segur auriá vòugut encarcerar l’ex ministra catalana de l’Educacion, coma l’aviá fach per la màger part dau monde catalanista que siguèron presentat a son Tribunau Superior de Catalonha.

 

Mai teoricament aparada per son estatut d’immunitat parlementari, Clara Ponsatí deuriá pas èstre empresonada, e pas manco retenguda. Verai son immunitat l’apara de l’aparelh judiciari tant en Espanha coma dins lo rèsta de l’Union Europenca. E, circonstància agreujanta, dimècres 29 de març deuriá sèire au Parlament a Brusselas onte se debanarà una sesilha plenièra. Amb això, la Justicia espanhòla li auriá enebit d’exercir son mandat electiu : una causa grèva que podriá entraïnar una condamnacion per la Cort Europenca de Justicia.

 

Ja l’ex president de la Generalitat de Catalunya, Carles Puigdemont, eu tanben amenaçat d’èstre arestat se voliá tornar en Espanha, a demandat d’un biais oficiau a la presidenta dau Parlament Europenc, la Maltesa Roberta Metsola, de garantir lei drechs de sa collèga Clara Ponsatí. La deputada, verai pòu pas èstre detenguda a part s’es presa en flagrant delicte.

 

Amb aquò la Justicia espanhòla èra davant una escomessa  : menar Clara Ponsatí a Madrid per la presentar au jutge Llarena, De la Cort Suprema d'Espanha, ce qu’auriá dubert, per de mes e de mes, una batalha juridica europenca amb condamnacion de l’Espanha e afeblissament de sa notorietat democratica, o laissar liure la deputada e crear un precedent.

Quauquei jorns aperavans Marta Rovira, ela exilhada en Soïssa e encartada a l'Esquerra Republicana de Catalunya, aviá criticat lo referendom de 2017 qu'aviá pasmens sostengut a l'epòca. Un virafàcia viscut en Catalonha coma un biais d'escapar an un procès, per poder tornar au sieu sensa risc.

Fins finala es aquela solucion sàvi qu’a chausit la Justicia espanhòla, de liberar Clara Ponsatí. Interessant bòrd que farà un precedent… Lo còp venènt, Carles Puigdemont au sieu ?
 

 

 

Traça son camin d’un biais puslèu discret lo Renat : ja fa vint ans vos convidiá au mitan d’un pasturatge perdut de la còla de Lura per vos parlar de Joan dei Pèiras, e cantava acompanhat de doas pèires calcari ben blancas, que picava l’una còntra l’autra e pas mai.

 

A la prima de 2022, après – enfin ! - la parentèsi pandemica, l’avèm vist dins un jardin privat sestian, amé sa complicia la contrabassista Christiane Ildevert per un « Dialogues avec l’oiseau » que fasiá la part bèla a l’òbra de nòstrei trobadors, per un public destriat.

 

E vaquí ara que, de cotria amé l’actor Vincent Siano -ja autor de tèxtes per lo Dialogues avec l’oiseau - nos prepausa encara un d’aquelei format pichons per dire, aqueu còp, jòias e penas dau boscatier, discret trabalhaire dau bòsc, precari, mai liure… Li entendratz lei poemas de Guiu Matieu e de Joan-Ives Roier, se volètz ben, dins aqueu Bouscatier révolté, aqueu divèndres 24 mars à Barjols (centre Elias a 21h), puei lo 2 d’abriu a Cogolin (83) per 18h, e lo 10 a Pernas (84), au Théâtre des ânes.

 Ecoutez cet article : 

E, parlant de Joan-Ives Roier, fau saupre que lo poeta de Forcauquier, l’autor dei sonets dei Tèmps passats (ed. Jorn 2005) es una fònt d’inspiracion màger per l’artista. Am’eu ja aviá fargat l’espectacle Balat, fa sièis o sèt ans… e a l’ora d’ara es a aliscar lo trabalh de mai que d’un an, un CD que deu sortir en meme tèmps que l’Aquò d’Aquí venènt, La vida fins finala, « una frasa que per ieu diu tot » sotalinhava per nosautres Renat Sette, fa ja dètz mes, alòr que trabalhava a la maqueta d’aqueu disc que voliá sòbri, fargat amé son collèga guitarista sarda Gianluca Dessi.

 

Renat Sette, ne’n parlarem mai, de son percors, de sei projects, de son biais de vèire e, mai que tot, deis inspirators d’aquel actor culturau occitan, semenaire de granas de cultura, tant preciosa coma populari.

Lire aussi : Paroles Serge Bec et musiques Renat Sette

Lire aussi : Renat Sette, Feliu Chabaud e Crestiana Ildevert "per l’exemple"…e per l’escòla de Pehonko

Siáu abituaa de viatjar, rotlar, menar. Mai d’un viatgi la setmana fau la rota de Gap a Marselha. Per vos dire que la coneisso pron. Me fai dròle de plus menar mon autò, de plus me manjar de kilometres, de plus perdre tan de temps en viatgi. Es estranh de regretar çò que, en temps normau, vos pesa. Es ben aquò, lo temps es pas ben normau.

Me manca Sisteron, son rochàs per clusa , que li fai tan fred coma a Gap de matin amb un pauc de nebla o de vapor que monta de l’aiga. Aquesta valeia de Durença, que regardo lo matin, quand passo lo pònt de l’autòrota, ses isclas, plus bàs, amb les piboras que verdean, Ganagòbi en cima, lo Manòsca des platèus, lo chantier d’Iter de nuech amb totei sei lumes…

Tot lo monde, e la tele e la radio, vos parlan des aucèus que chantan ; des passerons, des petits coma disem a Lens - lo país d’onte sòrto, dins lei Baronias. Quand siam de la campanha, coma ieu, se pensam un pauc, qu’an jamai ren vist. E es ben aquò. Lo monde sabon plus ni veire ni escotar. Encar mens s’arrestar per escotar e veire. Un passeron en vila, o un pijon, una colomba, totes son la libertat viva. E la nòstra de libertat es coma en gabinhòla . De ma fenestra veio un pit(r)e-rós ( un rigau per les provençaus, un pitron coma lo jornau dau tan regretat Han Schook de Diá) que ven manjar lei brisas de pan que jito davans. Veio mai de charboniers , de jaliers , d’ aiaças , de còps de bòbas (de pupudas coma dison en Ardecha). Negre, blu, blanc, orangi, lo son.

Agusa ton cant

« Agusa ton cant pichòt saralhier  » disiá la chanson de J-M.Carlòtti. Aqueste matin, l’ai pas vist, l’ai entendut. Pan-pan-pan, fai son bec sus un fraisse . Es un pic, mai un pigralier lo vert, n’es un rotgi. Una bèutat.

Vos devetz sovenir dau « Woody woodpecker » de nòstra enfança, la mieuna prumiera, lo dessenh animat. Es eu ! Regardo sus internet una fotò d’aqueste pigralier « épeiche » que lo dison en francés. Aquèu que tròbo es estat fotografiat en Finlandia. Pas de confinament per les passerons.
«  Ai en ment un passeron… »

 

“C’est un véritable linguicide, et le ministre Jean-Michel Blanquer est un fossoyeur. Même l’enseignement immersif est considéré comme anticonstitutionnel par le ministre. C’est tout à fait insupportable et nous allons nous révolter”.

 

Ambiance! Le député européen François Alfonsi est particulièrement remonté, à quelques jours d’une manifestation qui doit faire date. Un collectif de 37 associations de défense et promotion des langues minoritaires en France appelle à Manifester le samedi 30 novembre à Paris, sous les fenêtre de M. Blanquer, ou du moins dans le quartier de son ministère.

 

“L’Etat crée une agrégation de langues régionales, pendant qu’il réduit à rien le coefficient de celles-ci au baccalauréat” renchérit Paulin Reynard, pour souligner, dixit François Alfonsi, “ce qui constitue un véritable linguicide! Avec les méthodes d’un totalitarisme”.

 

Le député européen s’était rendu à Aix-en-Provence hier lundi pour clamer avec le collectif “Pour que vivent nos langues”, que l’hostilité ministérielle entrainerait une réaction. La manifestation parisienne de samedi mettra en présence Breton, Basques, Corses, Occitans, Alsaciens, etc. et de la rencontre fermentera probablement un mouvement coordonné en vue de faire plier le ministre “linguicide”. “Elle sera fondatrice d’un mouvement propre à faire reculer le ministre” selon M. Alfonsi, “malgré le rouleau compresseur du jacobinisme, que nous ne supportons pas”.

 

La réforme dite Blanquer, engagée en 2019, vise à privilégier un ensemble d’enseignements fondamentaux, et à laisser les autres dans un corpus d’options, où l’enseignement des langues régionales à la part du pauvre. Le coefficient attaché à la matière ne pourra représenter au plus qu’1% de la note du bac, et l’élève qui choisit cette option ne peut en prendre d’autres. Autrement dit, choisir le corse ou l’occitan au bac, c’est choisir sciemment de renoncer aux points qui attirent les lycéens. Ceux qui apprécient la matière en sont éloignés s’ils veulent maximiser leurs chances d’obtenir l’examen.

 

Or, si les lycéens volontaires se détournent de leurs langues, le vivier des futurs enseignants de ces mêmes langues se vide. “M Blanquer nous propose un enterrement, et s’étonne qu’on ne veuille pas mourir!” image M. Alfonsi.

 

Même si la réforme mettra environ deux ans à rendre ses effets néfastes, le temps que les élèves se découragent vraiment, déjà les conséquences sont palpables, souligne Paulin Reynard. Le jeune homme , baile des jeunes du Félibrige s’est retrouvé au centre de la révolte en Provence, et il peut affirmer que “à Carpentras par exemple, où deux lycées enseignaient la langue, la dotation horaire ne permet plus que de l’enseigner dans un seul, et les autres doivent donc faire deux kms à pied pour prendre leur cours...Rapidement ils ont jeté l’éponge!”.

Une mort annoncée et voulue par “un Etat où une bonne part du personnel politique se retrouve dans un courant hostile à la diversité linguistique” affirme François Alfonsi. Car depuis 1994 et la modification de l’article II de la Constitution, “la langue de la République est le français”, ce qui devait lutter contre l’anglais mais ne sert qu’à étouffer l’expression des langues ...de France.

 

Une vingtaine de parlementaires français ont toutefois signé l’appel à manifester, et, François Alfonsi en est persuadé, naîtra de là un mouvement propre à gagner l’opinion publique. “Nous sommes en Europe, où la diversité est possible sinon valorisée, et nos langues appartiennent à l’Europe, la France n’a pas à détruire ce patrimoine européen”.

 

Pétition en ligne "Pour que vivent nos langues"

La reforma Blanquer a paralizat lo monde ensenhaire, e sembla que per lo biais dau politic se reviscola. De totei lei regions manifestan a Paris lo 16 de novèmbre, que l'avètz prepausat amé lo deputat europenc François Alfonsi.

 

Segur es politic au sens de vida de la ciutat, e fin qu’ara nos an prepausat ren que lo mesprés dei lengas qu’èron pas aquelei de la cultura borgesa parisenca. Quand au ministèri de l’Educacien Nacionala tastoneja entre una politica de dubertura e de sarradura. Lang aviá començat de liberalisar una briga ais annadas 80, mai lei vielhs demons l’i son sempre. Blanquer, qu’aima pas lei lengas regionalas, s’es atacat frontalament a l’opcien, ce que fa de mau ais país occitans, bòrd que l’ensenhament public de la lenga èra desvelopat mai que lei parents de liceans que fan l’opcien son pas tant mobilizats coma aquelei de l’ensenhament bilingüe. Leis elegits li an demandat de metre la lenga regionala au nivèu dei lengas ancianas, per ne’n gardar lo coeficient. S’i es refusat, lo ministre, e per aquò la lenga regionala comptarà desenant per tres còps ren au bachileirat. Am’aquò mesuram la rigiditat de l’Estat, e son ideologia : una lenga, un pòple, un Estat.

 

Dins son imaginàri mentau, li a l’idèa que totei s’integraràn au mitan e ais idèas de la borgesia parisenca, e que per chascun ren pòu se debanar fòra de la Capitala.

 

Siatz en poncha dins lei debats legislatius favorables ai drechs dei lengas minoritàrias, mai sempre vos acaratz a mai o mens dos tèrç dei deputats. Pensatz qu’exista la possibilitat de vèire un jorn evoluir aqueu rapòrt de fòrças ?

 

Lo problèma es lei partits nacionaus, que lei deputats sovent li vènon per tenir un marroquin, se vèson adonc mai Francés que tot Francés. Ieu siáu fidèu ai gents de ma circonscripcien, puei a la Bretanha, puei a la França, e enfin a mon partit. Mai per mai que d’un entre mei camaradas es l’invèrse. Per elei la prioritat es son partit, puei la França, e l’ultima serà lo monde dau sieu. Adonc son mai atentius a ce que ditz son partit qu’a ce que dison lo monde de la basa. Am’aquò segur que la fractura entre elegits e populacien serà duradissa e se regrandirà. Lo sistèma deuriá laissar lei populaciens localas gestionar seis afaires dins un cèrt nombre de domènis, coma fan dins la màger part dei país dau monde.