Entre jue de guerro e breviàri d’amour, li aurié uno draio pèr entèndre la necessàri alterita ‘mé la counvivènci ?
 
« Es ce qu’ai imagina per mei licean après lou chaple de Charlie Hebdo ». Deidié Maurell, proufessour d’oucitan lengo d’O entre Ais e Vitrolo, nous avié deja acoustuma à de proujèt que devien faire parteja d’idèio de respèt.
 
Em’uno adaptacien dóu Pouèmo dóu Rose, de Mistral, avié reüssi uno bello capitado en 2014, pèr dire lou mounde de touto la Mediterranèio quand va de coutrìo .
 
A l’ouro d’aro, vaqui que preparo, encaro emé sei licean dei mumei vilo, uno meno d’aiòli onte fau mountar de jue video emé la fabricacien d’un filme e de beloio de la literaturo troubadourenco.
 
« Tout acò es en trin de prene, mai es encaro dificile de n’en parla claramen » que nous dis. « Mai Pèire Béziers vèn au licèu sestian Cezanne pèr nous ajuda a trabaia lei dialogue de ce que sera un o de filme».
 
L’ome dóu Théâtre du Maquis avié deja adata la Cansoun de la Crousado. Mai es pas lou soulet pèr pourtar pèiro au mount-joio que bastis Deidié Maurell sus lou camin de l’intercoumprenesoun.


Au coumençamen, li a Isabelle Arvers, uno critico d’art marsiheso especialisado dins l’inmateriau, e lou desviramen de jue eleitrouni, que n’en fai pièi d’obro. « Per lou moumen, lei jouine s’amuson à l’ourdinatour dóu CDI ‘mé de jue de guerro, uno escabrouso draio pèr crea un mounde apaisa ! Pamens es acò que faran à parti de la destrucien ».
 

Viren d’esquino sus lou calendié… jusqu’au 7 de janvié 2015. « Lou chaple de Charlie Hebdo es la causo, segoun ieu, la mai grèvo qu’es arribado dins nouasto soucieta, au mens pèr ma generacien, en Franço. E un cop que m’a faugu n’en parla en classo, ai agu de licean aràbi fouaço integra pèr me dire que la colo d’aquéu journau l’avié bèn cerca… Autant dire qu’acò m’a fa chifra. »
 
Au proufessour, la cabussado dins l’obro literàri li a toujour permés de remounta à flour d’aigo ‘mé de respounso. De vèire emé lou Pouèmo dóu Rose, qu’èro remounta de l’obro de Mistral em’uno brassado de resoun de viéure ensèn, en counvivènci.
 
Estou cop, coumo un rabaiare d’espoungo que cabusso prefound, nous a remounta lou Breviari d’Amor, de Matfre Ermengaud, e sei 36 000 vers « que parlon, à la fin dóu siècle trege, dei couneissènço d’aquéu tèms ».
 
« Dei 24 eisemplàri que n’avèn garda, un soulet s’acabo pèr un trata d’amour de la dono. Deis autre acò siguè escafa pèr uno Gleiso toujour à l’agachoun  ». La censuro es de tout tèms, e serié pas mau se lei liceans n’en prenien counsciènci.

Mai l’educacien à la Chivalarié d’Arnaud Guilhem de Marsan l’a remounta tambèn ; émé lou Sarrasin de la Cansoun de Rouland, que vòu empacha un coulègo de feni lou chivalié nafra  au noum dei principe de la Chivalarié ; o encaro lou papagai blasfematòri d’Arnaud de Carcassés…
 
De tout acò, se vei bèn, a un riche materiau qu’aro fau bèn agença. Em'aco, Deidié Maurell e sei licean sestian faran de filme pèr la cadeno internet YouTube.
 
« A Vitrolo, lou proujè s’endraio, e sera belèu diferènt » que dis. « Espèri que tout aquéu mounde que chifro toulerènci e alterita, liberta dóu blasfème e valour coumuno, partejara deman sus l’internet un biais de vèire e de viéure en demoucracìo que pertoucara d’àutrei jouine ei banlègo ».

Mai s’i vei ben pauc de veus , que vesèm pasmens a l’acostumada per carrieras ; e crèsi pas d’i veire lei gents dei dos dròlles, que benlèu son comerçants au quartier pròche, Belsunce, ont florís lo comèrci maugrabin de Marselha.

Es per sei vueges que nos ditz benlèu quauqua ren aqueu passa carriera. Gràcia an aquelei que li son pas nos parla dei biais diferents de pensar la Republica deis uns e deis autres.
 
Nos ditz que nòstra immigracien arabò-berbèra, despuei quaranta ans, l’avèm encofinada dins de ciutats HLM onte preferam pagar sei centres sociaus puslèu per assegurar una relativa patz publica, luega d’afavorisar sa promocien franca e vertadiera dins lo país. Despuei la supressien dau servici militàri en França, es un monde que se mescla plus tant au resta de la societat.
 
E que dire dei Jusieus marselhés, benlèu la premiera dei comunautats vertadieras, amé seis escòlas e sei luecs d’acampament. « Es que tre que lo monde saup que son Jusieus, a l’escòla publica leis auvàris s’endraian » que me ditz una istoriana israelita naissuda au Marròc, Marselhesa despuei leis annadas seissanta.

Adonc, incapabla d’integrar tant seis immigrats coma sei Jusieus, la Republica brama a l’ora d’ara que li fau gardar sei valors fondamentalas ! Bèl afaire.

Sa responsa es de desplegar l’armada davant leis escòlas confessionalas. De miliers de sordats. Pas mai tard que lo lendeman d’aquela decisien dau governament, un joine licean serà eu tuat davant son establiment public, dins lo ongenc arrondissament de Marselha. A còps de barra de fèrre serà estourbit sensa que degun policier siegue aquí present per empachar lo murtre.
 
Sa gestien de la crisi màger aurà fach auçar la popularitat de Hollande, Sarkozy e Valls, mai aurà pas desneblat la situacien d’una Republica que saup plus que fantasmar sa laïcitat.
 
Semblan tant pietadós ara, tot’aquelei deputats « republicans » que vesián, un an fa, coma un dangier màger per la Republica la charta europenca dei lengas regionalas. Chifravan aquela possibilitat de convivéncias regionalas coma un risc per l’unitat.
 
Vesèm uei qu’aquela s’èra degrunada despuei de temps. E que leis identitats regionalas, qu’elei acampan lo monde, li èran definitivament per ren. 

 

Lire aussi : Una pressa libra maugrat lei tuaires de tota sòrta ?

Lors de la mise en ligne de ces dessins de Racouchot, nous avons publié deux commentaires sur Facebook : l'un affirmait que le dessin était à côté de la plaque, c'est à dire qu'on attendait autre chose dans la période ; l'autre que le dessinateur relativisait mal à propos le terrorisme islamo-fasciste.

Nous entendons bien ces critiques mais n'y souscrivons pas. Le massacre de la population de Béziers par les croisés en 1209 est fondateur du crime pour cause de lèse religion. Il a été occulté en France autant que les autorités ont pu en cacher la portée.

On ne l'a pas officiellement commémoré en 2009 en France, pays pourtant prompt à célébrer tout événement historique.

Alors que les croisés mettent le siège devant la ville, exigeant qu'elle livre ses 200 cathares, celle-ci refuse. Sa garnison tente une sortie, qui tourne mal. Les croisés envahissent alors la ville, et la mettent à sac en passant les 20 000 habitants au fil de l'épée.

On prête au légat du Pape, Arnaud Amaury, la fameuse phrase : "tuez les tous, Dieu reconnaîtra les siens!"

Qu'il l'ait dite ou pas, dans les faits, c'est à un massacre consciencieux pour cause religieuse que l'armée de rapaces croisés animée par l'idéologie de l'Inquisition se livre.

Sa violence est destinée à mettre fin à une situation de tolérance alors exemplaire dans le monde.

Cet acte fondateur,une idéologie professant la mort pour ceux qui ne pensent pas comme il faut, trouve de multiples suites dans l'histoire, ainsi durant les guerres de religion en France.

L'islamo-fascisme fait de même. Le replacer par un dessin dans sa perspective historique n'avait rien d'outré. Et Racouchot a eu raison de suivre cette logique, quoique la proximité immédiate des massacres de janvier 2015 nous rendent ceux-ci particuliers.

Sièis oras petantas, me vaquí davant la Comuna sestiana, onte mon sindicat de jornalistas nos demanda de s’acampar. Li siam un milier e mai.

Aquò caufariá lo còr. Mai ieu que me senti coma anestesiat per la novèla despuei d’oras, me resvelhi tot d’un còp, e pas en causa dau freg ! Es que lo monde canta a se desgargamelar La Marselhèsa.

Es que s’avisan que cridon : « qu’un sang impuuur abreeuuuve nos sillons »?

M’èri promés de far silènci a respèct de la memòri dei dessinators qu’an fargat ma consciénçia, fa mai de trenta ans, mai s’endraia mau aquel afaire e pòdi pas m’empachar de cridar ai joines cantaires que son cara a ieu : « de qunte sang impur que volètz parlar ? volètz lo chaple d’una populacien ? cresètz qu’es lo mejan d’aparar la democracia ? » Elei m’agachan am’incredulitat .
 
Me fau traucar dins la molonada per rejonhe la pichona còla de jornalistas au centre de tot aqueu monde.

L’avètz totei vist : lei papafars escrichs au futre : « siáu Charlie », lei candeletas atubadas dins la nuech freja, puei lei gredons brandussats ‘mé lei cartas de pressa. Vos diriáu pas mai.
 
Per una rason que m’escapa, lo monde, un còp qu’a assajat de cantar, sens èstre ben seguits, lo Cant dei Partisans, a demandat d’un biais morbinós que siegon messas en bèrna lei bandieras europenca, francesa e provençala dau pontin de la Comuna. Lei pompiers vendràn lèu va faire per lo drapèu blu-blanc-roge, que leis autres finalament comptavan pas tant per lei Sestians acampats.

Prefèri d’intrar en ieu, finalament, que de sueivre aquelei gènts que pegan totei sei fantasmes au moment que vivon.

Me pensi an’aquelei dessenhaires impertinents qu’an tant fach, sensa va saupre, per ma consciéncia. Wolinski e son agach triste e tot d’un còp gai sus la societat am’aquel erotisme assumit ; Cabu e son « beauf » que disiá tant ce que deviam pas devenir ; Charb que disiá pron ben l’ipocrisia de la societat que parla de libertat per l’aclapar…
 
Siam aquí, dins lo freg de la nuech, per aparar l’expressien libra, la libertat de la pressa, que la vòu rendre muda, aqueu movament islamista.

N’i a aguts d’autres. Me pensi que li a pas de siècles qu’un ministre coma Alan Peyrefitte podiá çaganhar un productor de televisien au telefòn, qu’un cantaire coma Joan Ferrat èra enebit d’antena per rason de lèsa-D’Ormesson, qu’un autre cantaire engatjat coma Beranger l’èra devengut perqué en 1968 lo poder l’aviá licenciat de l’ORTF…

E es que fau rementar pereu l’enebicien d’Hara Kiri en 1970 per « troble de l’òrdre public » amé son títol : « Bal tragique à Colombey… ». E meme ieu, dau temps de mon servici militàri, pas tant vièlh, m’èra enebit de me marcar an’un partit o meme an’ un sindicat estudiant, se l’èri pas dejà.

Après aquela virada forra-borra marcada per l’esmoguda, me vaquí tornat davant mon ordinator. A la televisien entendi la vòtz pomposa e plena de vueges dau president de la Republica. Ditz que fau aparar la libertat de la pressa. Siáu ben consènt.
 
Pasmens, es de me demandar : dins aqueu mestier, la màger part dei professionaus son ara en precaritat, quand s’endraian dins lo mestier, e per longtemps. E quand son pron ancians e adonc mai pagats, lei vaquí escobats, e un còp de mai precàris.

Lei jornaus va son plus, libres, levats de quauqueis uns que s’enebisson justament la libertat, per acampar ajudas publicas e publicitats privadas. Una ipocrisia dei gròssas.

Mon despiech màger es que Charb e Tignous aurián poscut va dire d’un trach tot aquò, e qu’ara, aqueu dessenh, jamai lo podrai agachar.
 
L’un dei signes lei mai escabrós de tot aquel afaire, que me fa pasmens sorrire, es que lei campanas parisencas de Nòstra Dama, leis an fachas clantir per de cròca-capelan coma Cabu e Wolinski… dins aquel autre monde que li cresián pas, devon s’estraçar dau rire !

Seriosament, se vòlon vertadierament aparar la libertat de la pressa, aquelei captaus que fan susvelhar lei jornalistes, benlèu que pòdon garantir sei mejans de viure per la Lèi.

E d’organismes que totei ne’n dison tant e mai sus lo sujèt uei, benlèu que podrián se’n donar lo mejan elei tanben.

Recebiáu adès un messatge de l’Agéncia Regionala dau Libre, de monde qu’eissugan una lagrema sus nòstrei dessenhaires ara nacionaus. Li dirai volontiers d’enfin d’aceptar de pagar l’abonament ai revistas en lenga nòstra, que lei vòlon ben qu’a gràtis. Nos assegurariá mai de libertat !
 
Aqueleis afogats d’Allah, fonduts que sabon ben ce que fan, son jamai que lei tuaires violents e finaus de la libertat de la pressa. Arriban amé de kalachnikov, après que la societat ague dejà fach ce que podiá per la rendre muda, aquela pressa libra.
 
Aqueu chaple que nos fa orror, se lo volèm conjurar lònga mai, faudrà donar, an’aquela pressa forastiera dau consensus, tot lo ventalh deis otís de la libertat : dau sosten morau ai mejans d’emplegar lei Cabu e autrei Tignous que nos mancan dejà.

Lire aussi : Una Republica que mai que d’un a fantasmat per carrieras