Estudiar la toponimia d’un luec es coma jugar ai escondalhas .

E Gèli Fossat es un bòn jugaire, pron pedagogic, coma nos l’aviá fa legir li a dos ans am’un Les Noms de l’eau en Vaucluse, en cò de L’Harmattan.
 
Tòrna am’un segond librilhon, aqueu sus la Toponymie du pays d’Arles. L’obratge, en francés ditz, ben segur, un molonàs de noms d’endrechs en occitan.
 
Mai es pas tant simple.

« Li a fòrça trapèlas e faus amics », que nos avisa l’autor, « bòrd que quand lo sens premier es plus entendut, lei noms de luec son mai que d’un còp atrivats per de noms d’una forma vesina ».
 
Segur l’occitan se tròba dins la màger part d’aquelei noms d’endrechs onte marcham, laissam la veitura o que legissèm dins lo jornau… Pasmens…
 
Vaquí Verquières, la dòta en lenga occitana, que lo nom a caminat fin qu’a significar « bòna tèrra ».

L’explica nos vèn dau latin e de l’occitan.
 
Tot parier de l’Escampadou, que sèrv pèr escampar l’aiga après lo molin a Maussana.

O encara dei Segonneaux (Arle), que ditz, pròche dau Ròse, lo relarg onte s’espandís lo flume, aqueu que i laissarà de crements. Lo segonau es un terrenh restancat !
 
Mai amé La Gaze (Lei Santas) ò La Gaffe (Barbentana), lei causas s’embrolhan una briga : nos vèn segur dau latin vadum, passat a l’occitan gafa , per lo mejan de la germanisacion dau latin…
 
E nòstrei Guarrigues, se, segur, dison ben que i trobarem fòrça garrics , nos vènon pasmens de temps mai ancians, quand lei parlats dau Ligure utilisiavan aqueu mòt per dire lo plantum que cressiá sus lo rocàs.
 
Mai fin qu’ara siam totjorn dins lo ròdol de l’occitan.

Es pas lo cas amé La Galine (Sant-Romieg), que pasmens se trobariá pas mens occitan qu’aqueu nom de polalha.

Gèli Fossat nos sotalinha qu’una familha de proprietaris es ben presenta dins leis actes oficiaus tre lo sègle XIII : encara un German, Gailanus, que nos rementa qu’a l’edat mejana, la Provença èra sota admenistracion burgonda.
 
E, tot parier, podètz ben agachar la carta IGN, a Aureilles, veiretz pas que que siegue que ressembla a nòstre pavalhon auditiu.

Ges d’auricula aquí, mai simplament la piada dau proprietari d’una vilà romana, qu’eu benleu leis aviá ben desvelopadas leis aurelhas, Aurelius.
 
E es encara lo cas de Malhana. Mistral a viscut, se podem dire, sus lei tèrras d’un antic Mallius.

Se tot plen de mòts dau terraire devon un pauc ai lengas pre-latinas, coma Barbentane (la còla de Barbatus, main benleu l'autura pre latina "ber") n’i a quauqueis uns que li devon ren, coma nòstre brava Durença.
 
Ren de mai provençau qu’aquela ribiera ferotja que son nom pasmens deu ren a l’occitan : dreu qu’es pre latin mai atrivat per lo latin dur (que trobam encara dins Droma o Dordonha) e antia, que mai que d’un riu d’Auvernha se ditz Ance.
 
Enquistaire dei cartas, Gèli Fossat descava coma aquò mai de dos cents noms d’endrechs dau país que va de la Camarga a Tarascon.

E una dei rasons de se’n congostar, es ben qu’aquelei noms lei trobam quasi de’n pertot en Provença.

Toponymie du pays d’Arles, origine, évolutions et signification des noms de lieux ; Gilles Fossat, ed. L’Harmattan, (21,4/13,4) 105p. 12,50€. Lire aussi du même auteur, même éditeur : Les noms de l’eau en Vaucluse).

Après Orange, Gap et Nice, une calandreta a l’Isle-sur-Sorgue, en Vaucluse ? Autour de l’illustrateur Jean-Louis Racouchot l’association de préfiguration est née en août 2013. Elle va maintenant avancer sur le chemin de la création d’une école associative sous contrat.
 
« J’ai évidemment commencé à en parler chez moi, sur les marchés, à la mairie, entre amis, de façon basique, et j’ai rencontré beaucoup de sympathie » nous explique JL Racouchot.
 
Réunions publiques, flyers, contact avec d’autres associations…avec deux autres membres particulièrement impliqués, il va maintenant déployer l’éventail des actions propres à séduire quelques jeunes parents.
 
« Nous allons commencer par le début, c’est-à-dire ouvrir une section de maternelle, puis au fur et à mesure que les calandrons grandissent, ajouter une nouvelle section. Mais il faut pour cela qu’au moins trois parents se disent intéressés. S’il y en a plus, c’est évidemment beaucoup mieux ».

La Calandreta (une variété d’alouette, en occitan) désigne une école associative bilingue. Si le français occupe cinquante pour cent du temps scolaire, l’autre moitié se déroule en provençal, et en immersion.
 
« Le linguiste Claude Hagège et quelques autres nous l’apprennent depuis longtemps : l’enfant qui acquiert tôt une seconde langue deviendra plus aisément plurilingue. Quand votre univers quotidien crédibilise la langue que vous apprenez, c’est bien sûr encore mieux, encore plus facile. Ici le provençal facilitera les choses ». JL Racouchot, lui-même enseignant, fraîchement retraité, est intarissable sur le sujet.
 
A la calandreta, l’expérience des autres structures similaires le montre, on fait venir des intervenants extérieurs, depuis le musicien jusqu’au paysan provençalophone…et pour le plaisir des jeunes écoliers, histoires, anecdotes, jeux et chansons les mettent sur la voie d’un futur succès scolaire auquel n’avaient pas pensé les parents, au départ juste désireux que leurs enfants aient du provençal dans l’oreille.

Reste donc au projet à trouver ses premiers parents, puis un local avec l’aide de la Commune, et à recruter un enseignant. Ceux des calandretas sont formés par un centre spécialisé, Aprene, à Béziers. L’école, elle, est associative, laïque, bénéficie du réseau d’une cinquantaine d’établissements similaires entre Bordeaux et Nice, et elle est de statut privé sous contrat avec l’Education Nationale.
 
« Nous recherchons pour ce projet des parents dont l’enfant est âgé de moins de deux ans et demi, afin qu’il ait l’âge requis pour une petite section de maternelle quand nous aurons créé en pratique l’école », précise le président de l’association de préfiguration.
 
Avis aux crèches de la région de l’Isle sur la Sorgue…

Pour tout contact : tel. 04 90 38 21 58 et jlracouchot@gmail.com .

Aquela rintrada escolaria es pas sensa noveutats dins l’Academia d’Ais-Marselha. Premier lo rector a chanjat. Bernat Dubreuil arriba après Jan Pau de Gaudemar, ara en principe retirat, e pasmens dejà au menistèri de l’Educacien, onte conselharà lo menistre.
 
Bernat Dubreuil de tota evidencia conèisse pas bèn encara la problematica de l’ensenhament de l’occitan. Sembla pas còntra pasmens. La setmana passada aviá tengut la tradicionala conferencia de pressa de rintrada e Aquò d’Aquí li a demandat se, en 2013, acampariá lo Consèu Academique de la Lenga Regionala.*
 
Nos respondèt que « òc, crèsi…supausi qu’es una d’aquelei consèus academiques que tractan de tèmas qu’avèm en chantier ? » L’Acadèmia s’es d’efècte engatjada dins de concertaciens per prevenir leis abandons d’escolaritat, o la santant deis escolans…
 
Aquò dich, a vist son conselhier que li a dich « que la situacien èra satisfasenta ». Es lo solet de o saupre, estènt que l’estatistica es pas coneissuda per lei associaciens que participan dau CALR.
 
L’an passat, siguèt pas acampat aquel organisme qu’avisa lo Rector dei demandas, mai tanben receu l’estatistica de l’ensenhament de la lenga d’òc entre leis Aups e la mar.
 
Segur que la necessitat de la concertacien nacionala « Refondem l’Escòla », lo gròs afaire dau Govèrn, occuparà bèn lo Rector e que la lenga occitana serà pas per eu una prioritat. Leis associaciens d’ensenhaires, de parents e de promotors de la lenga auràn belèu interès de pas se far oblidar dins aqueu contexte.

D’autant mens qu’au moment que lo Rector presentava lei condiciens d’aquela rintrada, apreniam que lo pòste d’animatritz pedagogica de provençau de la Vauclusa veniá d’èstre divisat per dos.
 
L’Academia, dins aqueu despartament, aviá endraiat li a tres ans una politica favorabla a la l’ensenhament de la lenga regionala. Un mieg-pòste siguèt confiat a Aneta Cottin, que desvelopava tot aqueu temps la pratica dau provençau dins leis escòlas de Vauclusa, onte se creava un malhum de mèstres valènts.
 
Au Consèu Academique de la Lenga Regionala, justament, s’i defendèt l’idèia de far passar la vitessa superiora an’aquela experiença. Lo Felibrige e l’Associacien per l’Ensenhament de la Lenga d’Òc, particularament, s’èron batuts fermes per far passar, en 2010, aqueu mieg-tèmps en tèmps complet. Mai aqueu aurà pas durar mai qu’un an.
 
Se consolaràn pas, leis aparaires de la lenga occitana en Vauclusa, de saber que lo pòste amé descarga excepcionala de provençau es pas solet de cabussar. Aqueu de sciénças auriá tot parier perdut de plumas.
 
« Deu èstre malaisat de gardar sei pòstes a descarga per l’Inspector d’Academia, que lo govèrn li reprenié cinc pòstes de mèstres d’escòla a la rintrada » nos dison en perfiech anonimat dins l’Admenistracien.
 
Fau dire que chasque còp qu’una rintrada se debana amé de pèrdas de pòstes, la questien se pausa per un Inspector d’Academia, de sacher se pòu gardar sei « pòstes a descarga », d’animators, alòr que manca d’ensenhaires de terrenc. Ansin, l’animatritz de provençau, despuei quauquei jorns, deu s’entornar a l’escòla ont es estacada, pròche de Vaison, la mitat de la setmana, en luec de sostenir lei setanta ensenhaires que dònon un ensenhament en lenga nòstra, e d’assegurar lo liam amé de professors de colleges que recebon leis escolans en seisenca.

« Lo solet mejan d’acabar am’aquela precaritat sarié de crear un pòste de conselhier pedagogique, qu’aqueu pòu pas èstre desbolonable » aponde Mirelha Combe.
 
L’Associacien per l’Ensenhament de la Lenga d’Òc qu’avem questionat, nos precisa que laissarà pas descréisser lei condiciens dau progrès de l’ensenhament de la lenga d’òc en Vauclusa. « Avem déjà escrich ais autoritats nòstre opausicien, fins qu’au Menistre, e s’arrestarem pas aquí » nos precisa Mirelha Combe, la presidenta, e l’AELOC va contuhnuar de menar la batalha tant que faudrà emé sei partenaris, la FELCO e leis associaciens occitanistas e mistralencas.
 
Aqueu resultat se pòu calcular : 821 escolans avián una iniciacien de lenga nòstra en 2008 dins la Vauclusa ; après dos ans de trabalh de dòna Cottin alòr a mieg temps, en 2010 èron 1577, e cent de mai l’an d’après. S’avem ges d’estatisticas per l’annada 2012, es perqué siguèt pas acampat lo CALR, onte se parteja aquela informacien, mai nòstrei contactes nos dison qu’aviá encara creissut, lo nombre d’escolans pertocats, que sarien ara pròches de 1700… en rason justament dau passatge d’un mieg temps a un temps complet d’animacien pedagogica, que segur aprofichèt ai mèstres.
 
Aquò aurà pas durat.
 
 
*Le décret du 31 Juillet 2001 définit le Conseil Académique des langues régionales, qui ne sera appliqué dans l’Académie d’Aix-Marseille qu’à partir de 2005, réuni par le recteur Jean-Paul de Gaudemar…qui était à l’origine de ce décret.