Patricia Jouve intervient en provençal dans les écoles de La Seyne (83), anime le Cercle Occitan de La Seyne, et désormais écrit – toujours en occitan - et peint des livres pour enfants. L’Aeloc publie son premier ouvrage, sur le thème de la nuit et des peurs qu’elle engendre chez les enfants.

 

Patricia, avec tes pinceaux tu as entrepris d’apaiser les peurs enfantines. De quoi s’agit-il ?

 

Pour les enfants, quand ils sont laissés seuls la nuit, s’endormir est difficile, et la peur de la nuit, de l’abandon, les travaille. Leur imagination va son chemin et ils pensent la nuit pleine de monstres. Des auteurs ont déjà proposé un personnage confronté à ces monstres, et qu’un humain rassure. Ce que font les parents et qui apaise leurs enfants, c’est justement, en racontant ce type d’histoire, de leur demander : « et à toi qu’est-ce qui te fait peur ? » En parler désamorce.

 

Disons le, tu as une expérience de ces peurs, car tu as longtemps été psychologue scolaire.

 

Mais oui ! Et j’ai souvent eu affaire à ces peurs de l’endormissement, ces monstres qui peuplent la nuit. Il convient d’en faire parler l’enfant. C’est l’essentiel ; dire que cela n’existe pas ne suffira pas, mais si l’enfant en parle, cela ira mieux.

 

L’Association pour l’Enseignement de la Langue d’Oc t’a sollicitée pour traiter ce sujet ?

 

C’est l’inverse, j’ai sollicité moi l’association, lui expliquant que je cherchais un média pour montrer ce travail. Eliana Tourtet (IEO, Librairie Occitane des Alpes) m’a conseillé de m’adresser à l’Aeloc. Nous nous connaissons avec l’Aeloc, car j’interviens en provençal dans les écoles... et j’y cherchais des livres qui parlent de ce sujet, en provençal, sans en trouver. Maintenant je pourrai y aller avec un support, et le livre sera comme une trace de mon passage, puisque je l’y laisserai.

 

Au niveau plastique, tu présentes un bois vert, qui emplit la page, la densité est de mise.

 

Comme enseignante j’ai recherché des supports artistiques à montrer sur ce sujet. Parfois c’était de l’aquarelle avec un motif traité avec des traits légers, parfois au contraire, avec une autre technique et une forte densité. J’ai choisi quant à moi de traiter ces peurs à l’aide de tons obscurs et j’ai voulu rendre l’inextricable de ces bois.

 

Car la forêt profonde est déjà un univers oppressant, et, contrairement à mes habitudes d’artiste peintre, j’ai essayé de faire le plus figuratif possible. Ce sera un bon support pour parler de ces peurs, et les apaiser.

L’an passat, a pauc près a la mema epòca, la pichona Emma, naissuda tròp lèu prematura èra a l’espitau amé sa maire quauquei setmanas , lo temps de s’afortir un pauc. « Un moment d’ ànsia per ieu de segur ! » rementa Patricia Jouve.

 

 

Era tant pichoneta l’Emma, que tot ce qu’avian tricotat, la familha, per ela era tròp grand. « Li faliá retornar lei manchas dos o tres còps e lei bonets èran tant larges que se deviravan tot solets de sa tèsta. »

 

En qualitat de mameta, Patricia Jouve, un dei pielons dau Ceucle Occitan de La Sanha, dins Var, aviá lo drech de l’anar veire, dins son pichòt liech, caufat per un lume a infrarotge. « M’avisèri qu’Emma portava de pichòtas bracieras e de bonets tot bèu just a sa talha. Li aviá meme a son costat una pèça crochetada de multiple colors que li serviá de dodon e une cubèrta facha de carrats, crochetada tamben. »

 

« Ai aprés qu’Emma deviá aquelei generosas donacions a una chorma de mametas de l’EHPAD a costat de mon ostau, que tricotavan tot l’an » Lei grands fasián de creacions minusculas, tan polidas lei unas que lei autres, per lei prematurs de l’espitau.

ocada per aquela iniciativa Patricia Jouve comença de portar de lana, en aquelei mametas que n’en demandavan, e de fotòs de la pichona Emma, vestida de totei sei creacions.

 

Un an après, un autre moment d’ànsia arriba encara, aqueu generau, emé la terribla malautiá que nos tòca e que tòca encara mai aquelei fremas de l’EHPAD, «  tant fragilas vuei coma l’èra ma felena aièr ». Coma se parla de lònga a la television dau manca de mascas per lei sonhants e per lei vièlhs deis EHPAD, e que se dona tamben sus la telaranha de modèls de mascas de cordurar en teissut, Patricia comença de cordurar, « per aparar la penuria, fauta de mielhs. »

 

« Ai agut l’idèia de ne’n faire per elas que m’avián tant sensibilisada » nos vèn encara. « Per aquelei mametas, ben mai vièlhas que ieu, que passan son temps a tricotar de vèstits per de pichòts tan fragils coma elas son ».

 

« Ai sortit toei meis toalhons , de totas colors per n’en cordurar. Un escambi, un just retornament dei causas, e que me fai plaser de donar coma ai recauput. »

 

Chasca setmana, a l’Ostau dei retirats, davant la pòrta, leis emplegats pòdon rabalhar un saquet de masquetas, fachas de l’ostau, e made in solidaritat !

 

Mentre leis artistas expausats a la Borsa dau Trabalh de La Sanha de Mar, au Salon de l'Amicale des Beaux-Arts, faudrà comptar amé Miquèu Tournan, que prepausa seis esculpturas : Joan de la Luna e Estrange Delugi, coma sei telas, amé Drailhas. 

L'animator dau Còr dau Ceucle Occitan de la Sanha manejava lei pincèus per exprimir tot ce qu'a dins l'arma.
 

Patricia Jouve, tanben cantairitz dins lo mume còr, e professora dau Ceucle Occitan ais atalhiers de lenga d'Òc dau dimars (18h Ostau dau Patrimòni) ja la sabiam plasticiana. Es amé plaser que mirarem sei telas Ramieras, Bòscs,  e Estelan d'auceus.

Fin qu'au tres de mai a la Borsa dau Trabalh.

Ives ne’n es pas segur : « d’acòrd, per lei garròtas, li son, parier per lei tartifles … Mai après…  AI pron manjat de favas  ! » Lo biais de dire es de circonstàncias ! Se lèva, e bòla a la man, se’n vai un còp de mai se faire servir una culhiera d’una autra sopa.
 
« Ne’n avèm preparat sièis, totei diferentas, totei tradicionalas de Provença e deis Aups, mai trobaretz pas aquí de pisto, que siam pas en seson ». Patricia Jouve, qu’organisa la serada amé d’autreis afogats dau Ceucle Occitan de La Seina, totara a laissat de papiers ; e de gredons ai seissanta personas que son vengudas dins aquela sala dei fèstas dau Mille Club, per manjar e s’amusar.
 
Un amusament fòrça simple ; se trata de tastar lei sopas, de devinar seis ingredients, puei de participar ais animacions, totei ligadas a la tematica de la sopa : provèrbis, cançons, istorietas…
 
E marcha ! L’i a de monde. « Es un autre biais de faire nòstrei charradòcadissas, d’acamps en convivéncia, onte chascun mena son istòria, son poèma, sa galejada, sus un tèma ». S’agís aquí d’aprene o de se rementar de vocabulari tematic. « Dins aquela sopa, l’i aviá ? » que demanda Patricia Jouve…  « du céleri ! » clama un que li aviá agradat la sopa d’espèuta. « Se ditz « l’ api  » que sotalinha la bailessa. 

E tota la tiera dei lieumes li passarà : peses , céses pòrris, castanhas , fenolhs… es pas de crèire ce que podián li gitar, nòstrei grands, dins l’aiga a bolhir. « E aquí, l’ aiga bolida  ; mai li mancariá pas una briga d’alhòli, de còps ? », que romega un pauc Rotland. La sopa dei paures, emblematica, se fai segur amé d’aiga, d’alhet e de sauvi . Mai au sieu, li an sempre ajustat lo resta de l’alhòli dau dinnar. Alòr per eu es pas una pura aiga bolida.
 
Un còp lei ventres ben tiblat s, lo monde s’acampa per escotar d’istòrias. Coma aquela, a faire rire lei pèiras, de la galina que persuada lo lop de manjar sa sopa deliciosa en luec de sa persona !  O dau mòrt que voliá pas morir… Puei tota una tiera de provèrbis e autrei galejadas son lançats en canonada per Patric, Monica e Crestian : « La sopa fai lo sordat », « dins lei vielhs pòts si fan lei bònei sopas », « pitança fa manjar pan », que mai que d’un còp dison un doble sens coquinàs.
 
Enfin tot s’acaba en cançons amé lo còr dau Ceucle Occitan.
 
« La tòca èra segur de ben s’amusar ; mai am’aquò de ben se rementar que nòstra lenga fai nòstra cultura, » resuma Patricia, « e de faire provision de vocabulàri per parlar, coma devèm faire provision de lieumes per coinar la sopa ! » 

« Segur que m’agradarié d’èstre coumo un relais, entre leis ancian que parlavon mai o mens chasque jour la lengo, e nouastreis enfant que l’entendoun pas. Mai fau pas desespera. Per eisèmple, ai Chantié CNIM, ounte trabaïi, sian quauquei trentenàri qu’avèn entendu lou prouvençau, nistoun, e que serian lèst a oubri un cours. Mai coumo faire ? » Ulisse Gaiga es engeniaire mecanician, e paire de douas pichouno qu’aurién pau l’astre d’aprendre la lengo dóu païs , se li avié pas de cours d’oucitan a La Seino.
 
Es passa per aqueu dei Cigaloun Segnen, Ulisse. Lou vièi groupe assouciatiéu a creba l’iòu en 1933. « Nouastre cours se debano cado dimècre, entre 16h30 e 18h, a l’escolo dei Collines de Tamaris, dóu caire dei Sableto » que nous dis soun animatour principau, jaque Garnier.
 
« L’i fèn l’estudi de tèste, de Mistral o de Roumanille, e lou mounde que vèn lou fa despièi de tèms. » Mai la colo felibenco assajo de manteni lou biai varès de parla. E, moussu Garnier n’en es bèn segur, « charran lou prouvençau lou mai parla a l’ouro d’aro ! »
 
L’ourari, pamens, es pas bèn adaptada au mounde que travaïo, e beleu qu’Ulisse anira vèire un pau dóu cousta de l’Oustau dóu Patrimoni. Aqui, troubara Patricia Jouve, qu’animo un atalié d’oucitan. « Puleu qu’un cours, fem de jue de role, s’amusan bèn a parla ! ». Lou Ceucle Occitan de La Seina beilèjo un cours de lengo despièi d’anado tambèn. Jusqu’aro èro un proufessour d’oucitan-lengo d’O (l’apelacien ouficialo de l’Educacien Naciounalo) que l’asseguravo. 

Mai despièi la rintrado, a l’Oustau dóu Patrimoni, entre 18h e 20h, si parlo mai, si fa men de gramatico. « Un cop inventan uno telefounado entre nous, un autre cop tiran un papié d’un capèu e sian mège o mecanician… Alor fau inventa un persounage, uno persounalita. Mai que d’un coup nous fa une bèlo partido de rire ! »
 
Dins l’un coumo dins l’autre cas, uno deseno de persouno trèvon aquelei cours. « Semblo pas facile de faire mai, aro que touto la soucieta parlo autro causo » regrèto Jaque Garnier. « Fau inventa de biai d’atriva lou mounde » penso Patricia Jouve ; « un pau de fèsto fa pas de mau, e beleu que lei Seinen n’an envejo. Alor… »
 
« Serié pas mau se lo journau dei Chantié assegurié uno presenço de la lengo » se dis de soun cousta Ulisse. « Lei jouine travaïre veirién qu’es drudo , e coumo ieu, aurién belèu l’envejo d’ana furna dóu cousta dei cours de prouvençau dóu relar . »

Assajatz un pauc ambé vòstrei nistons, e veiretz ben : fau durbir la man e mostrar totei lei dets. Per çò qu’es dau poce : « Aqueu cultiva l'ortolalha», puei dau guinhaire  : « Aqueu la rabalha », puei dau det dau mitan : « Aqueu fa la sopa », puei dau det de l’anèu : « Aqueu se la manja tota »…e d'una votz tota jangoleta, diretz per lo nanet : « E per ieu, l’i a pus ren alòr ?! » Lo dròlle s'espetarà de rire, resultat garantit.
 
D’aqueleis istorietas, de devinalhas per la marmalha, n’auretz tot plen a la mòstra que lo Ceucle Occitan de La Seina consacra ai juecs d’enfants e ai joguets tradicionaus, a l’Ostau dau Patrimòni, dau 21 de novèmbre a la fin dei vacanças escolàrias de Calendas.
 
« Nòstra generacien, encara, fabriquèt, una partida de sei joguets, coma aquelei batèus fachs amb un cruvèu de nòse, o la rusca d’un pin… » Tricia Jouve e Cati Nicodèmi se son ben regaladas a faire de baudufas e a destraucar lei vièlhei titès e tarraietas de pichonas quand an alestit aquela exposicion.
 
« Lei sòcis de La Respelido de la Valeto nos an passat de livres, e segur l’obratge classic de Carle Galtier, « Le trésor des jeux provençaux » a ben ajudat ».

Patric Bobbio, dau Ceucle, a segur donat la man per alestir tot aquò, e Miquèu Tournan  a obrejat tota una tiera d’instruments de musica que chascun podrà faire, amb un tròç de canissa, de pèira, o qué que siegue que podretz trobar dins la natura.

Aquelei, se pòdon utilisar, l'avèm fach! e lei siblets siblan.

E d’animaciens de previstas cada dimècre. Enfantons, faudrà pas eisitar a venir !

« L’Institut d’Estudis Occitan nos a ben ajudadas, ambé d’ancians manuaus de sosten pedagogics que, son estats editats per lei mèstres deis annadas 1970 » nos vèn Patricia Jouve.

A l’epòca dei premiers cors d’occitan a l’escòla, de trobaires coma Danieu Daumàs o Florian Vernet, avián creat d'aisinas per lei mèstres, e ara podrián encara servir.

Mai segur, que dins la cort de recreacion, d’autrei juecs se faguèron, tau coma la marèlla o un juec de garçon que mai que d’un fugissèt : « Cridar seba ! »

Vos parlam segur d’un temps que leis afogats de Nintendo e autrei PS4 pòdon pas conéisser…

E per elei, es temps de saupre coma èra agradiu de jogar ambé de companhs pusleu qu’ambé sa consòla.
 
« Alòr lei joguets costavan quasi ren » repren Patricia Jouve.

« E mai, bilhas o quilhas se podián fabricar per de pichons gaubiats qu’aprenián ansin de tecnicas que li fasiá conéisser un pauc de fisica… e s’enriquir d’una bèla imaginacion ».

« Jeux et jouets provençaux d’autrefois ». Maison du Patrimoine du 21 novembre (inauguration) jusqu’à la fin des vacances scolaires de Noël (et plus si affinités du public !). Animations tous les mercredis après-midi pour les enfants accompagnés.

Ai vacanças de Pascas, s’avètz mens de dotze ans, podretz anar escotar Patricia Jouve contar en provençau a la bibiliotèca Andrée Chédid, ambé sa colèga Caterina Nicodèmi.

Mai fins qu’ara es subretot per sei cants qu’aqueu pielon dau Ceucle Occitan de la Seina s’es facha conéisser.

Au començament de mars encara, a la glèisa de Berta, fasiá clantir de cants de fremas amb un de sei gropes, Marombrina.

" Siam quatre que recampam de cançons d’a passat temps, dau Piemont o dau Lemosin, que dison la condicion feminina. E mai que d’una seriá d’actualitat, coma aquesta que nos parla dei fremas picadas  ! »

De cantar ne’s afogada despuei l’escòla normala, ont aquela anciana mestressa de mairala, trevava l’atalhier d’occitan dau cantaire Danieu Daumàs. « De cors que fasiá  ambe sa guitara ».

Ambé Marombrina vèn de sortir un segond CD, e quand lo grope fa pauseta, ela canta sus un projècte instrumentau, Largada , dau nom de la còla « ventosa » acampada per Miqueu Tornan ambé de musicians de tria . 

Elei tanben avián gravats un CD ben facturat en 2012. Ambé Miqueu Tornan,

« fa ben vint ans que se trobam de cotria dins de gropes vocaus ! » aviá agut creat Escanceus, fa quauqueis ans.

E encara lo duò vocau occitan Jòia. E, se cantar es un mejan de far conéisser la lenga de son país, es tanben per aquela que se ditz « cantairitz dau dimècres », un biais « de se levar l’ ansia e d’escampar lei auvàris ».

Deu anar fòrça, bòrd que la viatz sempre sorrire.

Article écrit en provençal maritime avec les suggestions lexicales de Pèire Brechet.

Avec Aucelon dau Viatge, les quatre chanteuses de Marombina font évoluer leur pratique du chant vers un son plus brut. Fini l’écho plus ou moins présent dans leur premier album Cants occitans a cappella.
 
Et elles résistent toujours autant à la mode du trémolo dans le chant occitan. Tant mieux ! L’émotion n’a pas besoin de ces artifices vibratoires, soi disant traditionnels, pour s’exprimer.
 
Le mieux est encore de s’en rendre compte, lors du prochain récital de ce quatuor féminin, à La Seyne.

Le samedii 7 mars à 15h30 à l’Eglise St-Jean de Berthe, Danièle Collombon, Patricia Jouve, Sylvie Aligro et Danielle Franzin y feront entendre ce chant d’oiseau voyageur. L’entrée est libre.
 
Amours, rebellions, destins, joies…Le groupe se veut le reflet « d’une tradition vers un ailleurs ». Soulignons que Marombrina est un des noms provençaux pour dire « reflet ».
 
Si Damase Arbaud et ses collectages forment une bonne partie de leur répertoire, sacré ou profane, elles mettent aussi leur polyphonie au service de créations plus récentes, avec leurs propres arrangements. 

Au començament de la guèrra que se disiié pas encara granda, li aviá segur de monde pacifista que reguinhàvon a tuar de gents de l'autra man dau Ren. Mai èron tant nombrós a s'enanar amé la flor au fusiu » nos ditz Jan-Jaque Murat, dau Ceucle Occitan de la Seina. « Lei Niçards èron pas lei darriers mentre aquélei, beleu perqué èron francès despuei pas manco cinquanta ans .».

 

Aqueu Jan-Jaque Murat, que mai que d'un lo díson Jaque de Niça, bòrd que l'i a crebat l'uòu, trabalha amé d'àutrei per una mòstra de l'Ostau dau Patrimòni de sa ciutat. Per lei Jornadas dau Patrimòni, aqueu servici comunau, alestisse tota una exposicion amé l'ajuda de tres associaciens.

 

«Donam la man, segur, especialament per descavar tot ce qu'es escrich, o cantat, en lenga nòstra » ajusta Jaque de Niça.

 

Segur qu'amé l'afaire dau XVⁿ Còrs, evocar l'annada 1914 serà pas un afaire pichonet. L'istorian Claude Chanteloube a ben ajudat lo Ceucle Òc a presentar sei pròprei trabalhs an aqueu prepaus.

Lo Cirdoc, a Besiers, pereu, a ajudat, qu'es una bèla jaça documentària. En particulier an provesit en tèxtes d'epòca, coma aquélei cants patriotics editats per lo Felibritge.

 

E lo Ceucle a poscut desnisar quàuquei perlas, coma aquela cançon en francés, escricha per una maire de sordat dins Var Aut. O encara coma aquela dei Garanciers, fornissèires dau roge dei bralhas soldatescas, a partir de la garança que se cultivava dins la Vauclusa.

 

L'occitan èra present dins la propaganda, coma am'aqueu « Pichoun Poucet e l'ogre aleman », una tièra de caricaturas de l'ilustrator Jan. O am'aquéleis autras que devèm a William Padden.

 

Amé JJ Murat, Patricia Jouve, Catarina e Crestian Nicodemi e Estève Berrus, un autre pielon dau Ceucle Òc seinenc a rabalhat mai que d'una informacion sus aqueu començament de granda guèrra. E Patric Bobbio s'es mai ocupat de n'en saupre mai sus lei nistons que, clandestinament, an marchat amé la tropa.

« Es pas de crèire, mai que d'un a trichat sus son temps, en generau que volién venjar un oncle, son paire...Puei avèm lo cas de Louis Arbaud, dau Lavandor. Eu avié seguit son mèstre d'escòla, e avié capitat de s'engatjar a Tolon am'eu. Siguèt nafrat tre lo 6 de setembre, mai diguèt qu'èra pas greu e s'entòrnèt combatre ».

 

Traire la veritat dei jornaus que n'en fan de tonas amé la propaganda serà una polida òbra per lo Ceucle Occitan de La Seina, segur.

 
Ouverture de l'expo, Maison du Patrimoine, 83 La Seyne, le 17 septembre, jusqu'en novembre 2014.

 

 

« Serà pas lo paradis de la lenga occitana, mai au mens aquelei que la parlan saupràn que lo drech de parlar una lenga regionala es reconeissut en França coma v'es pertot per l’Europa, e seràn mens vergonhós de la parlar » que nos ditz Patricia Jouve.
 
La cantairitz dau grope Trelutz s’es acampada ambe d’amics dau Ceucle Occitan de la Seina per evocar la Lèi parlementària que votèron lei deputats quauquei jorns aperavans.
 
« Segur, mai fau dire qu’aquò serà pas grand causa se desvolopèsse pas l’ensenhament de nòstra lenga, ara que passa plus per la transmission familiala » qu’ajusta Esteve Berrus, un autre cepon dau Ceucle seinenc.
 
Dau temps que l’aiga trombèja au defòra dau Restau rotier en aqueu començametn de fébrier,  lo cafè afavorisa la paraula conviviala d’aquelei afogats , Patricia repren : « òc, e mai que lo Parlament ne’n debate , aquò pòt conscientisar mai que d’un ; que de parlar la lenga de son país es una forma de libertat ».

De son costat Joan Jaque Murat i vòu veire d'ara en davans un espèr, que d’escòlas consentiràn a d’animacions escolàrias se quadre legau i a. Pantaia pas ni mai : « la Carta es un començament, en veritat lei directors d’establiments escolàris esperaràn lei decrets e lei circulàrias d'una reglamentacion novèla, çò qu'es encara una etapa de ganhar! …»

 

Es ben aquò finalament que sentan, aquelei partejaires de cultura nòstra, la necessitat de veire la lenga occitana totjorn que mai ensenhada.

E per aquò faire pas pron de la Carta, faudrá encara una lèi quadre. Mai a La Seina « La demanda locala es coma trobar de professors d’occitan. Fau faire legir au monde lo preambule de la lèi de modificacion constitucionala. Li durbirà la vista » qu’ajusta Patric Bobbio, un autre sòci.

 

Ensenhar, sariá lo mejan de « partejar la lenga », un leitmotiv per Esteve Berrus, que se reconéis pas dins lo biais de considerar l’occitan coma un « patrimòni ».

Per eu, « un patrimòni es bòn per lo musèu, e una lenga, ela, es facha per escambiar ».

Una paraula que fa assentir totei. Fau pasmens rementar que la prepausicion d'una lèi que permetrà a la França de ratifiar la Carta Europenca dei Lengas Minoritàrias, s'acompanha de dos apondons que limitan lei possibilitats d'emplegar la lenga dins la vida publica.

Ben talament que mai que d’un i veson una contradicion d'ambe lei quite objectius de la Carta.

 

« Es necite de far saupre dins lei carrieras que l’occitan, o se volètz lo provençau, es ben une lenga… que mai que d’un pensa ara qu’es un patoès… o una marca », dirà Esteve.

"Sensa reconeissença oficiala e garentidas legalas coma volètz que cambie ?"