Coma cada còup, èri convidat disabte passat demièg lu autors de la Librejado, que si tenia à Trets, dins lo casteu, coblada m’au 27ⁿ salon dei escrivans de Provença.

Una pichina fèsta dau libre per lo nombre d’autors e de visitaires, ben luènh, per exemple, dau Festival dau libre de Moans-Sartòu, ma interessanta parierament.
 

Segur, li a totjorn la fea ronhoa que vèn un pauc gastar la fèsta. À-n-un moment donat, una frema s’arrèsta au mieu taulier, si mete à fulhetar lo mieu obratge “Biais de dire”, n’en legisse divèrsi expressions, s’en va demandar au sieu òme se l’an ja dins la sieu biblioteca, s’entorna plena d’estrambòrd en mi diguent que va crompar lo libre. Lo duèrbe encara un còup, legisse una expression, e aquí patatràs! Li vèn la bofaïssa, mi fa remarcar qu’ai escrich “secar”, qu’en provençau s’escriu “seca” e que, doncas, lo mieu libre non es provençau ma occitan. Li expliqui que lo provençau es d’occitan (ò de lenga d’òc) en la remandant à cen que n’en di Frederic Mistral, e li fau remarcar que despí un quart d’ora, percorre l’obratge sensa minga dificultat per lièger cen que liège. Ma aquí torna pauar violentament lo libre sus lo taulier en mi diguent secament (es lo cas de lo dire!): “Je ne veux pas de cette graphie”. E s’en va embilada. D’encar’n pauc, mi faía una crisi cardiaca !
 

Urosament, n’i èra qu’una soleta coma ela! Perqué, justament, lo pròpri d’aquesta manifestacion es que lu responsables felibrencs que l’organíson convídon tambèn d’autors occitanistas. Aqueu 9 d’octòbre, per exemple, li èra finda Magalí Bizot-Dargent. D’alhors, si notava, coma cada an, la presença dau Majorau Reinié Raybaud, que despí un brave moment es publicat dins la revista “Lo Convise” en grafia occitana.
 

La Librejado, es un beu moment de convivialitat entre autors de lengas d’òc, que son conscients de charrar e d’escriure la mema lenga, e mai se lo vestit que li dónon sembla diferent.

De miliers de visitaires chasque an, e justament una capitada publica que fa fòrça dificila la gestion dau festenau màger dau libre, organisat per una comuna de pas manco dètz mil abitants, pròche de Grassa.

Pasmens un còp de mai es lo fach d'acolhir au mens mila personas chasque jorn, dau 2 au 4 d'octòbre, qu'explica l'anullacion, non vòuguda per leis organisators mai per lo prefèt deis Aups Maritimas.

Son arestat dau 18 setembre am'un plafon tant bais enebissiá la manifestacion, prevista sus tres jorns en octòbre. Pasmens quauquei eveniments e animacions seràn mantengudas, en particulier aquelei previstas dins lei collègis, e de taulas redondas. 

Chasque an lo festenau laissa una plaça vertadièra ais editors d'òc, e l'IEO 06 organisa una taula redonda. Ne'n resta ren per l'edicion avortada de 2020.

Ce que resta dau programa :
 

 

Vendredi

• Animations écoles, collèges et lycées de Mouans-Sartoux et Pays de Grasse
• 18h RASSEMBLEMENT DES COQUELICOTS avec le collectif mouansois
• 18h30 INAUGURATION DU M.U.R avec la streetartiste PARVATI et inauguration de l’oeuvre de JO DI BONA, proposé par Unwhite it [DERRIÈRE LA POSTE]
• 19h CONCERT LITTÉRAIRE Le roman d’Ernest et Célestine de Daniel PENNAC, par l’orchestre de Cannes PACA, dirigé par Benjamin LEVY, lectures par des comédiens de l’ERACM, en présence et suivi d’une dédicace du compositeur Karol BEFFA, offert par le département et l’ERACM

Samedi

• 11h30 Débat Je mange donc je suis avec Gilles PEROLE, Valérie SIMONET
• 14h Débat L’ écologie, une manière d’être au monde avec Noël MAMERE, Daniel NAHON, Pierre DUCROZET, LUMIA 
• Dédicaces
• 16h Débat Quel monde nouveau pour les femmes ? avec Elvire DUVELLE-CHARLES, Elisabeth NICOLI (éd. des Femmes), Anne-Gaël BAUCHER de l'association ALTER EGAUX
• Dédicaces
• 19h Lecture musicale “ Longue Haleine” par Magyd CHERFI et Samir LAROCHE au piano suivi de la dédicace de La Part du Sarrasin 

Dimanche

• 11h Débat À Monde nouveau, éducation nouvelle ? Avec Philippe MEIRIEU, Jean-Pierre JAUBERT, Jean-Charles HUVER
• 14h Débat Nouveau monde ? Avec Elvire DUVELLE-CHARLES, Christophe SEMPELS, Jean VIARD, Karine LAMBERT*, Gilles VANDERPOOTEN, Gilles CLEMENT
• 17h GRANDE LECTURE D’ARIANE ASCARIDE Les grandes écrivaines lues par Ariane Ascaride Les 40 ans de la bibliothèque des voix avec les éditions des Femmes

Nous vous avions parlé du concours de la « Capitale de la biodiversité » qu’ont lancé l’Arpe Paca et l’association Plante  & Cité en juin dernier.
 
Le résultat est tombé cette semaine. Miramas (13) sera cette capitale provençale, pendant que Strasbourg remporte, elle, la palme nationale.
 
La ville cheminote (sa gare de triage est un nœud ferroviaire important depuis longtemps et la ville a été construite autour sur le modèle des cités ouvrières, délaissant le « Vieux Miramas » à l’écart sur son rocher) entre Istres et Salon a renoncé aux pesticides dans ses espaces verts depuis deux ans.

Elle n’utilise plus que le désherbage thermique et l’arrachage. « Ce travail manuel valorise les agents auprès des habitants » précise le communiqué.

Mais le jury a aussi décerné un « coup de cœur » à Mouans-Sartoux, proche de Grasse (06).

Là c’est la mise en place d’une régie agricole biologique, par la municipalité d’André Aschieri, « en lien avec la politique globale de préservation des terres agricoles » qu’a voulue valoriser le jury.
 
Soutenu par le gazier GrDF, ce concours fait confiance à un comité de chercheurs, urbanistes, naturalistes et spécialistes de la nature en ville, qui décerne les prix.

Ceux-ci seront remis à Paris le 24 novembre prochain, en présence de la présidente de l’Agence Régionale Pour l’Environnement, Annabelle Jaeger.

Sembla que siegue una premiera en França, Moans Sartòu emplega un païsan dins lo quadre de la foncion publica territoriala. Sébastien Jourde vèn dei Charentas, e a 35 ans arriba per desvolopar un domèni que la comuna a crompat l’an passat, Auta Comba.
 
« L’emplegam sota l’apelacion « emplech agricòla », gràcia a nòstra regia agricòla” que nos ditz Sèrgi Rodrigues, lo director dau cabinet d’Andrieu Aschieri, lo premier cònsol ecologista de la ciutat pròcha de Grassa. Aqueu foncionari de categoria C segur pòrta pas de gravata, mai de bòtas, e l’ordinator es mens important per eu que lo motocultor.
 
Sota lei quatre sèrras comunalas lei liumes créisson. « Son per la cantina e tótei son biò » sotalinha Daniel Le Blay, l’ajonch delegat au Desvolopament Duradís. « L’idèa de mestrejar tot ce qu’intra dins la sieta deis escolans nos vèn de la crisi de la « vaca caluga », a partir de 1995 » nos ditz ; « e coma deguna societat de restauracion escolària nos podiá assegurar una norridura biò, nimai la regionalisacion dei provesiments, avèm decidit de se cercar d’àutrei mejans de norrir en seguretat nòstreis enfants ».

L’Agenda 21, valent a dire l’ensèms de la politica de desvolopament duradís, precisa tot aquò, qu’engatja la comuna. Mai, se totara trenta tonas de liumes seran produchas a Auta Comba, es pas pron per provesir la cantina de tot ce que s’i manjarà.
 
« Se cercam ara un productor de farinas biò tant locau coma serà possible » nos ditz encara Daniel Le Blay, qu’a ja trobat lo mejan de provesir la cantina amé d’uòus e de polets. Moans Sartòu va prestar una tèrra aigada a un productor de polalhas, que sa practica serà subretot la cantina escolària.
 
E coma la comuna es jamai en manca d’imaginacion, li aurà una innovacion m’aqueu norrigatge.  Lei norrigatges de galinas ermàsson una tèrra m’una rapiditat pas possibla. Alora, lo norriguier a concebut un polalhier montat sus ralhs. Chasque jorn anarà quàuquei mètres mai luenh per pas escanar tot lo temps lo meme endrech.

Leis uns gàrdon son ostau a vendre, esperant que son prètz créisse, leis autres cèrcon de crompaires que vendrién d’Anglatèrra onte li a encara un pauc de sòus, lei tresens vòlon pas de lotjaments sociaus au sieu, e lei darriers si demàndon onte passa lo « 1% lotjament » que leis entrepresas pàgon e si tradutz pas en lotjaments convencionats per sei salariats. Vaquí la Provença d’ara, onte un trabalhaire pòu plus lotjar sa familha.
 
Puèi li a Moans Sartòu, benlèu la comuna qu’a mai obrat per lo lotjament sociau despuèi vint ans, mai sensa qu’aquela òbra siegue reconeissuda. « Aviam tant fach d’ostaus en accession a la proprietat, que finalament eriam ben en dessota dei 20% que la Lèi SRU demanda mai que còmpta que lei locacions» reconeisse Maria-Loïsa Gourdon. Aquela elegida locala es tanben delegada a l’Abitat de la Comunautat d’Aglomeracion Pòle Azur Provença.
 
Vaquí adonc la comuna en recèrca de terrens per bastir d’ostaus a logar en HLM. Mai ges de grands ensèms dins aquela polida comuna de pas mai de dètz mila abitants. « S’agisse de mestrejar la demografia, que volèm pas èstre mai de 12 000 en 2025 » nos ditz.
 
Avuèi, vaquí lei premiers programas a mand d’èstre bastits. Amé d’arrendaires sociaus coma Erilia, Logis Familial, l’Ofici Public d’HLM d’Oèst Var, ò encara ICF, la societat HLM dei caminòts. « Per élei fau ben vèire que d’operacions seran sensa rentabilitat perqué tròup pichonas » nos ditz de son costat Daniel Le Blay, l’ajonch delegat de Moans a l’Urbanisme. « Per assegurar l’equilibri, li fau poder donar mai que d’un programa, l’un mai rentabla que l’autre ».

Au totau, son 380 lotjaments que seran bastits dins la ciutat per 2015. Ges de banlega, que Moans negòcia a cha pauc un terrenc, o un tròç de carrièra, a de proprietaris locaus. « Nos a caugut fòrça concertar amé lei gents dau quartier tanben » assegura Maria-Loïsa Gourdon. Leis HLM seran doncas esparpalhats dins la comuna.
 
E ara ? Anar mai luench ? Un estudi ditz que benlèu 600 lotjaments son possibles amé lo foncier disponible. Mai Moans vòu pas faire de lotjaments per n’en faire, maugrat que la Lèi SRU li obligarié. Vòu assegurar la mixitat sociala, « mai tanben la mixitat dei foncions, de pas oblidar que fau de servicis, de comèrcis amé leis ostaus », aponde Maria-Loïsa Gourdon.
 
Per aquò un organisme regionau serà sollicitat. L’Establiment Foncier Regionau fuguèt creat fa dètz ans per « portar » d’operacions foncieras. Cròmpa lo terren, puèi la comuna lo remborsa pauc a cha pauc, si fa l’ostau.

Reinat Toscano a rédigé les notes lexicales que vous pouvez découvrir en cliquant sur les mots en rouge.

Amé lei cronicas de Ribon Ribanha (una referènci a la frasa de Frederic Mistral : « La gardaren riboun-ribagno, nosto rebello lengo d’O ! ») L’IEO 06 fa legir niçard e provençau chasque jorn. Aquela riquessa la faliá bèn estampat un jorn. Es fach, amé aquelei cronicas simplament titradas « Ribon Ribanha – cronicas d'ancuei per deman ».

Devon mai que mai a Ana Maria Milardi, qu’assegura lo gròs travalh dau site. E l’enjuec, es lo president de l’IEO 06, Joan Pèire Baquié, que nos lo ditz :

« Popularizar la lenga occitana dins la sieu diversitat d’aquí : niçard, provençau-maritime, mentonasc, vivaro-aupenc e mai lu parlar d’en Val Ròia : brigasc, saorgin... èra una premiera tòca. Èra finda, un biais de valorizar lo travalh d’escritura d’aquelu que, despí d’annadas, participan ai uech cors de lenga de l’IEO-06.

« Avèm vorgut faire òbra collectiva e portar la nòstra pèira au clapier. Quaranta-doi autors diferents si son mandats a l’aiga. Ancuei vos prepauam la version papier dei cinquanta-cinc premiers tèxtes retenguts embé la sieu adaptacion francea. Si siam dich que toi aquestu tèxtes cortets porrion servir de lectura ò de document de travalh en aquelu que s’interessan a la lenga nòstra : pichoi e grands, escolans de collègis, licèus, adults que trevan lu cors publics. »

Amé 135 paginas, l’obratge serà vendut 12€. Serà presentat au Festivau dau libre de Moans-Sartòu.

Despuei 2005 e la Lèi Oudin Santini, es possible ai collectivitats localas de consacrar un per cent de son budget d’aiga e d’espurgacion an aquelei projèctes d’ajuda au Sud. E l’Agéncia de l’Aiga es encargada de butar a la ròda, que paga 50% dei projèctes e mai 80% deis estudis prealables. « Siam 50 en Provença e cada encargat de mission tèn un budget de 1,2 M€. Fa 80 M€ » ditz Nadou Cadic, lo delegat regionau.
 
Grassa organizèt un viatge d’estudi en 2007, puei son, en quauqueis etapas, vint una perforacions que foguèron efectuadas per una ONG partenària de la Ciutat, Aquassistance. « Es l’associacion que trabalha en generau ambe la Lionesa deis Aigas, nòstre delegatari per la distribucion e l’espurgacion deis aigas a Grassa » que ditz Patrick Bernard, lo capolier dau servici deis aigas de Grassa. E d’ajustar que « nòstre budget d’aigas es pichon, 7000 € aperaqui, mai aqueu de la Lionesa es dètz còps mai gròs au nòstre, e un apondon au contract l’engatja coma nautrei a consacrar un per cent dau budget en d’activitats de solidaritats dins lo domeni de l’aiga ».
 
E mai d’un còp, leis elegits locaus pòdon entraïnar d’autrei budgets, coma o a fach Grassa. « Un èuro engatjat ne’n pòu  levar tres autrei », nos ditz la conselhiera regionala Joëlle Faguer (EELV). Vicepresidenta delegada a la Solidaritat Internacionala, cèrca lo mejan politic de mutualizar totei aqueleis accions entre « collectivitats e ONG que fan quauqua ren dins una mema encontrada ». Se tracta d’optimizar l’argent public e d’afavorizar de projèctes encara mai chanuts. En decembre de 2010, lo Conseu Regionau votèt un fons de 200 k€ per n’apondre un tot parier de l’Estat. Es possible d’i posar.
 
Mai aquelei projèctes an besonh d’èstre ben evaluats puei. « Es aquò que manca a l’encaminament, se rementam encara dei projèctes danés deis annadas nonanta, ambe de sistèmas de pompatges qu’ara marchan plus per manca de seguiment » remembra Andrieu Huber, un agronòm provençau qu’obrèt a l’Agéncia de l’Aiga Ròse-Mediterranèa-Corsega avans que de menar de projèctes « solidaris » au Cameron. « Ben tròp d’ONG fan de comunicacion e dison que fan ambe la populacion locala africana, per vendre son biais de far, puei i a de decepcions » que nos dirà puei en defòra dei conferéncias.
 
Mai lo pensament dei cònsols qu’èran venguts a Manòsca èra alhors. « Coma far acceptar a mei ciutadans de consacrar d’argent an aquò, mentre que d’ostaus de ma comuna, aluenchats, an pas encara l’aiga correnta ? » que ditz un de la Vauclusa rurala.

Levat que l’urbanisme deuriá pas autorizar de bastir s’es pas possible d’assumir puei, l’Agéncia de l’Aiga pòu sotalinhar que pòu consacrar 90 € l’an a cada abitant rurau de la Region. Mai tanben pòu dire qu’en França 60% dei gents son favorables an aqueleis accions. « Son jamai dau meme òrdre de còst » contèsta Anna Maria Duval, « ren de comparable entre lo còst dei gròs d’un malhum d’aiga o d’espurgacion au nòstre e lei 5000 € e pas mai que pòdon donar d’aiga en de miliers d’Africans ». L’escala es diferenta.
 
Mai leis avantatges, elei, son pas totjorn ont leis esperan. Es verai que, coma o ditz Laurent Tessier, de l’ONG Eaux Vives, « la comuna se deu demandar çò que ganhariá an una accion de solidaritat internacionala ». An aquò Alain Meunier, cònsol adjonch dau Luc, pòu respòndre que per sa comuna, lo projècte d’ajuda a l’aiga en Africa endraièt una tiera de contactes entre lo cap dau vilatge, sei grops culturaus, e leis escòlas de sa ciutat varesa. « Degun que coneis pas ara lei problèmas de la populacion d’Africa dins la joina generacion » que ditz.
 
Pòu èstre tanben l’ocasion d’afortir totei lei liames dins la comuna, coma o ditz Jean-Jacques Cozzari, lo cònsol delegat ais Aigas de Moans-Sartòu (06). « Son leis associacions de la comuna o que son pairinejadas per una d’aquelei que pòdon prepausar un projècte, puei de comission d’elegits en rescòntres regulars, aqueu es partejat amb una gròssa partida deis abitants ».