Quauquei vitras esbrigadas e un grafiti quasi escafat, leu escrich per anonciar l’òbra d’un Front de Liberacien Nacionalista de Provença (ce que se pòu devinar amé lo sigle, leu marcat), e dos policiers que canejan la lèia d’accès au Centre Fiscau d’Ais-de-Provença, vaquí ce que se podiá veire detz oras après qu’una bombeta ague petada dins la nuech de dimars a dimècres 22 de janvier 2014.
Despuei la prima de 2013, aqueu grope, se s’agis ben dei memei desconéissuts, aviá pas fa parlar d’eu. Veniá de faire petar una tiera d’engenhs davans lei vitrinas d’agèncis bancaris, o de viatges, dins lo Var Aut e centrau, amé de slogans per dire que la Provença èra una mena de colonia.
Dins l’après dinnada, es lo Partit Occitan qu’a condemnat aquela accien « que mete tanben en dangier de fonccionàris e una populacien pròcha » qu'a dich dins un comunicat.
Aquel eveniment, mai d’un observator l’aurà sotalinhat, s’es debanat a l’intrada d’una jornada importanta per lei regionalistes, bòrd que deviá s’i debatre a l’Assemblada Nacionala de la signatura de la Charta Europenca dei Lengas Regionalas. E se degun a encara parlat de provocacien, l’idèa grelha.
Despuei la prima de 2013, aqueu grope, se s’agis ben dei memei desconéissuts, aviá pas fa parlar d’eu. Veniá de faire petar una tiera d’engenhs davans lei vitrinas d’agèncis bancaris, o de viatges, dins lo Var Aut e centrau, amé de slogans per dire que la Provença èra una mena de colonia.
Dins l’après dinnada, es lo Partit Occitan qu’a condemnat aquela accien « que mete tanben en dangier de fonccionàris e una populacien pròcha » qu'a dich dins un comunicat.
Aquel eveniment, mai d’un observator l’aurà sotalinhat, s’es debanat a l’intrada d’una jornada importanta per lei regionalistes, bòrd que deviá s’i debatre a l’Assemblada Nacionala de la signatura de la Charta Europenca dei Lengas Regionalas. E se degun a encara parlat de provocacien, l’idèa grelha.