Le quatuor Drailles, Patrice Gabet est le second à g. (photo XDR)
Aquelei que dansaràn disabte 17 de decembre au Palais dei Congrès de Dinha auràn la bèla escasença de descubrir un ensems de musicas trads que bailèja Patrici Gabet. Sei classas de Dinha e Manòsca acampan chascuna una desena de musicians. « Mai que d’un es violonista, mai s'i tròban tanben còntrabassa, oud, flaüta e mandolinas… Fau dire que tot aquò s’es endraïat am’un atalhier de danças dei Balkans que nos a creat una anciana dansairitz bulgara, Maya Nihneva. »
Es benleu la reson que farà d’aqueu balèti dinhenc, donat dins l’encastre dau Telethon lo 17 decembre, un « Balèti multicolora dei Balkans e d’Occitània » coma va ditz l’aficha.
Patrici Gabet, eu, es Provençau d’adopcion. Nos vèn de Normandia e es arribat en Provença Auta après un bestorn per lei còlas d’Aveiron, ont’a començat per faire pastre. Es coma aquò qu'a perseguit lo mestier amé lei fedas a Carmejanas, pròche de Dinha. « A trenta ans ai repres lo violon e descubèrt la musica dau país ». Ne’n deven afogat, e treva la musica deis ancians, aquelei qu’animavan de balètis sensa se faire conéisser delà d’un ceucle locau, coma Emili Escale, de Molinas en Champsaur, urosament enregistrat. « Ai fòrça escotat Michèu Favre, qu’a collectat aquela memòria, que resta païsan dins la vau de Jabron, e qu’a creat de grops coma Drailles. »
Es benleu la reson que farà d’aqueu balèti dinhenc, donat dins l’encastre dau Telethon lo 17 decembre, un « Balèti multicolora dei Balkans e d’Occitània » coma va ditz l’aficha.
Patrici Gabet, eu, es Provençau d’adopcion. Nos vèn de Normandia e es arribat en Provença Auta après un bestorn per lei còlas d’Aveiron, ont’a començat per faire pastre. Es coma aquò qu'a perseguit lo mestier amé lei fedas a Carmejanas, pròche de Dinha. « A trenta ans ai repres lo violon e descubèrt la musica dau país ». Ne’n deven afogat, e treva la musica deis ancians, aquelei qu’animavan de balètis sensa se faire conéisser delà d’un ceucle locau, coma Emili Escale, de Molinas en Champsaur, urosament enregistrat. « Ai fòrça escotat Michèu Favre, qu’a collectat aquela memòria, que resta païsan dins la vau de Jabron, e qu’a creat de grops coma Drailles. »
Una tradicion de collectatge per faire entendre la musica aupenca
Aquelei musicas, fa temps que de monde lei fan entendre, amé sei particularitats. De còlas coma Les Beaux Alpins, ou lo Rigodon Sauvage, an rabalhat lei tradicions despuei leis annadas 1970. Aquela òbra se desplega encara a l’ora d’ara, e lo Conservatòri d’Auta Provença li pòrta pèire.
Patrici Garbet, après lo « Balèti multicolora », lo podretz retrobar a La Mota dau Caire, lo 20/12 (entrada liura), per acompanhar lo cantaire Renat Sette, que deja mai que d’un aurà entendut, lo 3 a Manòsca, per chantar de Novès aupencs. « N’i a de contemporanèus pereu, coma aquelei dau poèta Gui Matieu, mes en musicas ».
Una musica de liames entre passat e creacion d’uei.
Patrici Garbet, après lo « Balèti multicolora », lo podretz retrobar a La Mota dau Caire, lo 20/12 (entrada liura), per acompanhar lo cantaire Renat Sette, que deja mai que d’un aurà entendut, lo 3 a Manòsca, per chantar de Novès aupencs. « N’i a de contemporanèus pereu, coma aquelei dau poèta Gui Matieu, mes en musicas ».
Una musica de liames entre passat e creacion d’uei.