Li grand founciounàri deurien bèn se faire acoumpagna per èstre segur de pas dire publicamen de contro-verita. Coumo per eisèmple afierma que dins Var lou prouvençau es mort, à l’escolo.

 

Pamens l’avié ansin declara à France 3, la televisioun regiounalo de Prouvènço lou Reitour d’Acadèmi d’Ais-Marsiho : “ lou prouvençau a despareissu dins lou Var e lis Autis-Aup”, coumo l’a difusi l’emissioun en lengo nostro Vaqui lou douge de setèmbre passa.

 

Coume s’agis dóu Reitour d’Acadèmi, poudèn bèn pensa que voulié parla d’uno desparicioun de l’ensignamen. Es aqui que fau rementa que pamens li cours de prouvençau eisiston bèn entre lou flùvi Var e Santo Baumo.

 

Eric C. serié bèn estouna de saupre que si cours de Cuers coume de Touloun eisiston pas, e pas mai l'escolo bilinguo de la ciutat ; e qu’à Ièro Natalio B. ensigno pas lo prouvençau au licèu, qu’à Sièis Four lou coulègi fa pas classo pleno de prouvençau, e qu’à Draguignan Agnès C. n’en fa pas mai au coulègi. Coumpletan lou tablèu disènt qu’à Aups tambèn s’ensigno la lengo nostro, qu’à Mountaurous fa d’an qu’un proufessour cerfica ensigno l’óucitan-lengo d’O, coumo dison li tèste óuficiau, au licèu dóu Muei tout parié, e meme qu’à Faiènço se duerb aquelo rintrado un cours ei licean, que soun sege en segoundo, ce qu’es pas tant mau.

 

Em’acò segne Reitour, vous auren servi de bono infourmacioun. Poudèn vous recoumanda de n’en parla à voste coulègo de l’Acadèmi de Niço. Espèri que per delicadesso ja vous aura fa passa un bihetoun emé la bono infourmacioun.

 

Coume acò, lou cop que vèn, à la televisioun, vous enganarés pas, e lou mounde varés que li agrado tant d’aprendre la lengo dóu païs, se veira simplamen recouneissu. E acò, sabès, es pas pus mau.

Toótei leis indicators fan vèire que la populacien d’orticultors s’envielhisse. Mens d’esplechas, mens d’ectaras, mens de diversitat de flors e plantas… L’essenciau se tròba dins lo Var onte se prodúson premier de flors copadas, e onte se son debanadas fa gaire leis Assisas de l’Orticultura, a Tolon.
 
Lei professionaus demàndon un Plan d’Avenir per sa professien. Lei 1700 trabalhaires dins 800 esplechas s’amenúson a cha pauc alòr que – per un còup – se díson mai competitius que leis Olandés, amé sa chifra d’afaires de 150 M€ (en França per la soleta flor copada).

Sa premièra empacha es la pressien foncièra dins un despartament onte la vila crèisse totjorn que mai, premier en riba de mar, onte se tròbon la màger part dei fèrmas orticòlas. Lei professionaus fan coma pòdon en reaccien, e an dubèrt un « relarg aparat », pròche de Tolon, a La Crau : 12 ha qu’a crompat Tolon Provença Mediterranèia, l’intercomunalitat dau relarg de Tolon.
 
La vòlon reproductibla, aquela iniciativa, leis orticultors varès. Avís a tótei lei premiers cònsols que son pas lèsts de laissar manjar son espaci!
 
E, tot parier qu’amé lo vin o lo fromatge, vòlon una Indicacien Geografica Protegida (IGP) « Flors dau Var », am’ un reglament francés que rendriá obligatòri de mencionar se lei flors que se cròmpon son d’origina.

Ecrit avec les suggestions de Reinat Toscano selon les parlers varois.

Èra avant Calendas tot just. « Siam anats au Fòrt Napoleòn, e mai que d’un niston nos es vengut cercar per aprofiechar nòstreis activitats de sensibilisacion » nos vèn Patricia Jouve. Aqueu cepon dau Cèucle Occitan de La Seina aviá plantat cavilha pròche dau betlèm, mai prepausava pas de santons.
 
« Avèm fach de juecs de dets, de juecs dansats… tota la tiera deis activitats de sensibilisacion a la lenga. E a bèn anat ! una capitada, leis enfants, venguts vèire lo betlèm , volián pus partir».
 
Lei sòcis dau Cèucle, amb aquò, se son avisats qu’a La Seina, li aviá pas encara d’escòla que prepausava de provençau. Mai vaquí qu’amb un premier contacte, la còla pedagogica de l’Escòla de Sant-Exupéry a semblat bèn favorabla, a Mar Vivo.
 
Ailàs, per lo moment sembla pas possible. «Siam un pauc victimas de l’esparpalhament d’activitats de mai que d’una escòla. E l’Acadèmia a crenta per leis ensenhaments fondamentaus, coma aprendre de legir » vèn lo director de l’Escòla Elementària.« Ambé l’anglés ja es pas ganhat de faire una autra lenga ».
 
L’inspectritz de l’Educacion Nacionala dau relarg de La Seina Sud nos pareisse reticenta de son costat.« Se fa pas de provençau sota escampa que restatz en Provença ! » que vèn amb assegurança. « Es pas dins lei prioritats despartamentalas, e lo projècte deuriá èstre solide per passar ».

Per una escòla que vòudriá far intrar la lenga regionala dins son projècte pedagogic, quauqueis etapas se deuràn passar, nos ditz. « Es bèn la còla pedagogica que bastís lo projècte ; lo conseu d‘Escòla pòt èstre, eventualament, consultat. Mai la decision serà a la discrecion de l’Inspector d’Academia ».
 
E d’ajustar, que de tot biais ren se podriá endraiar avant la fin de l’annada escolara. Un projècte, per aver quauqua possibilitat de se veire adoptat per l’Academia dins Var, aurà d’èstre bèn alestit, e lei etapas pòdon devenir d’empachas se l’Admenistracion es pas favorabla. Aquela prendrà l’avejaire d’un encargat de mission Lenga Regionala que li es estacat, e segur aqueu de l’Inspector dau relarg onte vòu crebar l’uòu, lo projècte.
 
L’expèriença dau departament pròche dei Bocas-dau-Ròse nos fa veire pasmens, qu’ambe una còla de parents d’escolans favorablas, una associacion que baileja l’afaire e de mèstres que tròbon un interés pedagogic a l’ensenhament de l'occitan, aquò se pòt faire aisat. Li a entre Aubanha e Arle, un vertadier malhum de vint-e-sèt escòlas que tres oras d'occitan per setmana se mènan despuei vint ans. Lo nivèu escolar generau se ne'n tròba milhorat.
 
Aquò dich, la còla pedagogica, dins Var, garda lo drech d’organisar la venguda d’un intervenent d’occitan tres còps l’an. Mai qu’aquò devriá èstre agradat per l’Academia.

« Me siáu regalat am’aquela estudi, en fin de còmpte lo mai dificíle èra de trobar l’editor, e coma lei regionaus èran pas interessats, ai mandat lo manuscrich a L’Harmattan, que m’a sonat quinze* jorns après ».
 
Documentalista dins un establiment escolari d’Arle, es pasmens per lei aigas dau despartament d’a costat, que Gèli Fossat s’es apassionat. Ven tot bèu just de publicar en francés « Les noms de l’eau en Vaucluse – Toponymie et hydronymie ».
 
Lo librlhion prefaciat per lo sociolinguista Jan-Claudi Bouvier e per Michel Tamine, de la Societat Francesa d’Onomastica, es una vista ordenada de totei lei noms de l’aiga au nòstre.
 
« Ai començat per lei noms de rius, puei ai alargat an’aquelei mòts que son en relacion amé l’aiga » que nos ditz l’autor, un dei pielons de l’IEO en Arle.
 
Segur qu’una gròssa mitat de totei lei noms de l’aiga nos venon directament de l’occitan, en Vauclusa. Que siegon  lei fònts, amé sei biais de lei qualifiar : « Font Bonne » ò « Font Puden », ò «  Font Sec » (a Bolèna) quant se pòu desinhar que per l’abséncia d’aiga…ò que siegon tot parier per lei gorgs : « Gourfaraud » que ditz lo nom de son proprietari, ò « La Grand Tine » (Le Crestet), au lengatge bèn imajat ; o encara dei gafas coma «  Le Gaf  de la Molle » (Bolèna).

Se totei aquelei nos venon dau latin, de còps que li a mesclat de galés, fau dire que lei faus amics son legion ! Amé la paraula « Aygues » per exemple, que lei cartas geograficas ne’n son claffidas. En veritat, mai que d’un còp, « aquò es la marca que l’endrech èra proprietat d’Ais de Provença o de son diocèsa » remarca Gèli Fossat, « e arriba que s’i tròba meme pas d’aiga ! ».
 
E tot parier amé l’Olièra, qu’es pas totjorn una aiga rebolhissenta, mai simplament una ribièra que passèt pròche de l’atalhier d’un Olier…
 
Lei lengas pre- romanicas marcan un bèla partida dei noms de l’aiga au nòstre, es lo signe qu’aqueu element èra tant vitau despuei longtemps, que lo monde l’aviá déjà nomat. Lei noms son demorats, invasions après invasions. Es lo cas dau «  Mardaric », ò « Merderic », amé d’autrei apelacions pròches, que ditz solament en lenga pre- indòeuropenca, que l’aiga nos ven de la montanha, ò dau rocas. « Siam luenh d’aqueleis explicas que vòlon li veire una aiga que carreja de « merda »  de « fanga » aponde l’autor. «Per nòstrei rèires, la fanga èra subretot pas mau vista, qu’es ela qu’assegurèt la qualitat dei recòltas ». Faliá aguer un pauc de coneissenças sus çò qu’es important per pas s’enganar sus l’origina dau mòt.

ASariá una error dei bèlas de crèire qu’aqueu libre parla dau monde estrech de la Vauclusa aigada. En veritat, la mitat d’aquelei mòts, e seis explicas am’aquelei, valon per la Provença, dau Gard a Niça, tant lei mòts estudiats per Gèli Fossat, se pòdon trobar a mai que d’un luec.
 
« Lo Merderic » lo trobem tanben au pè de la montanha de Lura, vèrs la Durença  ; «  lo Var » es pereu de l’autra costat de Provença, » l’Ouvèze » se tròba tanben dins Gard, e la « Loube » d’en pertot.  « Cadaracha » proche de Sorgas, es tanben un endrech conéissut entre Verdon e Durença per son centre de recercas nucleàrias. Son nom li va perqué nos ditz que li aviá una casuda per far marchar un molin. Déjà èran dins l’energia…

Les noms de l’eau en Vaucluse, toponymie et hydronymie, Gilles Fossat, ed. L’Harmattan, col. Nomino Ergo Sum. Pref. Jean-Claude Bouvier et Michel Tamine, 160 p. avec un index et une bibliographie. 17€. Diffusion 5-7 rue de l’Ecole Polytechnique – 75005 Paris.


Article écrit avec les suggestions de Guiu Garnier

« Le projet n’avait pas été facile à monter, mais à l’époque l’inspectrice nous avait bien aidé, et puis nous avions reçu les conseils de Jean-Luc Domenge, dont la présence va nous manquer cruellement. C’était le professionnel référent ». Marie-Thérèse Durini est une jeune retraitée de l’Education Nationale. Elle fut la directrice de l’école Marie Curie, de Draguignan, et a monté voici une quinzaine d’années le projet d’école, que fréquentent aujourd’hui ses petits-enfants. Or ce maître d’école  ne peut plus assurer cette année ses interventions.
 
Véronique Arcone, elle, n’est pas née en Provence et se trouvait heureuse que sa fille Marie, quatre ans, puisse acquérir les fondamentaux culturels de son pays. « Nous avions mis notre fille dans cette école afin qu’elle puisse profiter d’un enseignement en provençal jusqu’au collège, et je suis révoltée que cela s’arrête ! ».
 
Draguignan avait cette chance de pouvoir proposer un enseignement de langue d'oc en continu de la maternelle au lycée.  L’école Marie Curie envoie en effet au collège proche des élèves qui ont déjà la langue régionale dans l’oreille. Le fait que Jean-Luc Domenge, Grand Prix Littéraire de Provence 2011 et collecteur de mémoire connu dans la région, assure cet enseignement, était le signe d’une grande qualité de celui-ci.
 
« En fait c’est la réglementation qui explique qu’il ne lui soit plus possible d’enseigner dans cette école » nous précise le conseiller pédagogique de l’Inspecteur d’Académie du Var pour les langues vivantes, Pierre Fabre.  Marie Curie est une école d’application, à partir de laquelle des maîtres, habilités pour cela, forment d’autres enseignants. Les postes y sont réservés à des professeurs des écoles dotés d’une habilitation particulière, le Certificat d'aptitude aux fonctions d'instituteur ou de professeur des écoles maître formateur (Cafipemf). Cette année, le jeu des mouvements internes à l’Education Nationale y a amené un enseignant doté de ce certificat.

C’est donc cette imparable logique administrative qui aurait abouti à l’arrêt brutal du projet d’école incluant l’apprentissage du provençal. Foin de l’intérêt qu’on peut y trouver !
 
Une institutrice de l’école souligne un des bénéfices de ce cours dont il faut parler au passé. «  L’habitude de diphtonguer, voire de triphtonguer en provençal  avait toujours aidé les enfants à se trouver à l’aise ensuite dans l’apprentissage des langues étrangères. Nous avions d’excellents retours des profs d’anglais du collège sur ce point. En fait, bien des parents en sont conscients et tiennent au provençal, pour lui-même, mais aussi pour les services pédagogiques qu’il rend».
 
En pratique chaque enfant en maternelle et primaire recevait trois quarts d’heures d’enseignement de langue d’oc par semaine à l’école Marie Curie.
 
L’arrêt de ce cours peut sembler particulièrement grave, car le retrouver sera difficile. Certes les enseignants de cette école peuvent réaffirmer leur projet d’école incluant le provençal. Bien sûr, le Conseil d’Ecole peut ensuite l’approuver. Mais au-delà, il faudrait que cet enseignement soit assuré à moyens existants. C’est-à-dire qu’aucune possibilité de « poste flêché » (réservé dans cette école pour un maître provençalophone) ne semble exister.
 
« En fait c’est l’équipe pédagogique qui devrait mettre en œuvre le projet » souligne M. Fabre. Charge aux enseignants de se former au provençal, ou de s’adresser à un animateur bénévole. L'absence de système condamne en fait tous les projets varois à la précarité.
 
Quatre postes « fléchés » existent bien dans le Var, mais ils sont actuellement tous réservés à l’école bilingue publique de Cuers, la seule de l’Académie de Nice. 

Dans les Bouches-du-Rhône voisines, un système différent existe, qui semble permettre non seulement le maintien, mais encore le développement des écoles à enseignement d’occitan-provençal. Les 25 centres d’apprentissage de la langue régionale doivent en effet y disposer d’un poste d’enseignant titulaire d’un certificat particulier. Une Mission dédiée, au sein de l'Académie, veille à pourvoir ces postes, à former les enseignants en continu, et à soutenir leur travail par des visites régulières et la mise au point d'outils pédagogiques.

Qu’un enseignant quitte son école, et le poste, « fléché » devra être pourvu par un de ses collègues, également titulaire du même certificat.
 

Mens mediatisat que lo lop manjaire de fedas, d'anoges e de tardons sus lei pendis de Mercantor e ara un pauc d'en pertot, lo senglier es pasmens un destruci qu'estransina de mai en mai de viticultors varés. Aquo èra jamai arrivat: doas peças de vinha de mai d'un ectara caduna, proche ma bastida, son estat endumiadas un mes avans que lo rasin maduresse... Aqueleis endumiaires m'an pas oblidat tanben. Resta manco una rapuga sus lei vins socas  que fan polit davant ma porta.

Dempuei mai de vint ans de vinhairons varés e de despartaments vesins si planhon que lei porcs fers engolisson de rasins destinats drech anar a la produccien de vin vo de rasin de boca. Cada annada lei degalhs si fan de mai en mai greus mai degun a poscut acarar seriosament la situacien, dau caire de la Direccien Despartamentala de l'Agricultura,  de la Cambra d'Agricultura e dei Consèus Municipaus. L'indemnisacien resta la soleta responsa.
 
Coma per lo lop, si pauva la questien de l'origina de l'auvari. Lo lop es vengut solet deis Abruzze au Mercantor vo quauqun l'a bandit? Lo senglier d'encuei es lo reire felen de sengliers fers vo lo maridage organisat e contra natura entre senglier fer e porc domestic? La prolificitat dei fumèus permete de pensar qu'aquèu senglier es un bastard, un "cochonglier" coma si ditz. Lei societats de caçaires aduson de viures ai sengliers per estre segurs que lo jorn de la dubertura podràn faire petar. Lo resultat es aqui. L'an passat s'es tuat 500 sengliers sus ma comuna e autant en co dei vesins.
 
Caçaires e viticultors son aqui concurents; lo plaser dei promiers fa lo malur dei segonds qu'an gaire de soluciens per si defendre. Lei baranhas electricas alimentadas m'una batarié son cariventas e lei galavards an lèu fach de leis espautir.
 
La soleta solucien sarié lo contrôle dei populaciens de sengliers. Faudrié promier abandonar « l'ajuda alimentari » dins totei sei formas e segond menar de batudas d'eliminacien bailejadas per lei gardas federaus. Aquo agradarà pas ai caçaires ciutadans e ais ecolos, mai vesi pas d'autra possibilitat se volem gardar una viticultura dins lei rodols lei mai correguts dei sengliers.
 
Leis indemnitats qu'ajudon lei productors de rasin son una faussa solucien. Es malaisat d'evaluar lo montant dei degalhs e força viticultors li perdon força. Lei sous dau permes de caça baston pas per pagar leis indemnitats e lo contribuable mete la man au borson. Aquo podrà pas s'eternisar e faudrà un jorn chausir qu convèn d'eliminar..

Un quartier de Brinhòla a per nom « La lauva ». Lauva es una varianta de la forma lausa .
 
deja, dins l’adaptacion francesa, lei promotors escriuguèron à passat temps « Lotissement de la Laouve », qu’a fa bulhir nòstre redactor, Reinat Tòscanò, cada còup que passa davant...Es segur pas lo solet exemple. Leis abitants pròches de Miramas (13) que passan ‘mé lo trin au «  Pas des lanciers » se demandon qualei son aquelei cavalhiers am’una lança ? E lei Sestians se pòdon tanben questionar : perque sa ribièra, « l’ Arc  » fai pas qu’una soleta corba ?
 
Mai enfin, siam dins Var, ont un autre promotor es anat mai luènh, nos dis encara Reinat Tòscan : just à costat, an lotit la campanha que sobrava e n’an fach una « Campagne de la Louve ».

« Un país de sauvatges ? Ò alora una nostalgia mussolinenca ? » demanda l’ensenhaire varés. Sensa oblidar qu’en latin, lupa avié tambèn lo sens de « prostituida ». « Sarié doncas un quartier mau frequentat ? »
 
Mai seriosament, aquel exemple « pausa lo problema deis ignorantàs fièrs de l’èstre que s’en gàrçon completament de la lenga nòstra e la matràsson sensa relambi e sensa deguna esitacion. »
 
Per lo moment, pas de responsa dau promotor, Nexity, au corrier que li a mandat Reinat Tòscanò. E li a pauc de chanças d’en recebre jamai.
 

Fasiá bèn uech ans que li ocupava l’esperit aqueu projèct a Patric Fabre. L’ingenior agricòla l’a fa mai que d’un còp aquela estirada, entre la Crau, en Provença maritima, e la Stura, dins leis Aups occitanas d’Italia. La Routo n’es lo resultat.
 
« Es coma aquò que leis ancians li disián a l’amontanhatge, « La Routo », despuei lo siècle XIII. E lo projèct èra d’en retrobar lei piadas e de valorisar çò qu’ara fa la vida vidanta dau pastoralisme lòng d’aquela draiassa » que nos ditz.
 
L’itinerari transfrontalier de valorisacion dei mestiers, produchs e dau patrimòni de l’amontanhatge, religarà l’Ostau de l’amontanhatge de Selon, dins lei Bocas dau Ròse , a l’Ecòmusèu dau Pastoralisme de Ponte Bernardo, dins la Valle Stura, una dei dotze valadas occitanas d’Italia.
 
S’agís de marchar dins lei piadas d’aquelei tropèus que, despuei tant de temps, anavan l’estiu de Provença fins ai vaus aupencs dau Piemont. Mai s’es per i retrobar lei elements dau patrimòni que pòdon demorar, lo projèct vòu premier valorisar lo pastoralisme d’ara.

« L’amontanhatge se fa en camions a l’ora d’ara, mai tot de lòng de La Routo, trobam mai que d’un organisme que tracta d’aquelei mestiers, e segur la cosina amé l’anhèu es presenta un pauc d’en pertot » nos ditz encara Patric Fabre.
 
E pòu nos liurar quauqueis adreiças, que lo proprietari a signat per lo projèct : coma lo capolier manosquenc Robèrt Bozec e son gite, un ostau de mèstre dau siècle XVIII, o d’un autre capolier conoissut, Jan Pèire Michel, en Arle. Lei Bistrots de pays seràn tanben mobilisats dins aquela tòca. « Amé tot’aquelei, au mes d’octòbre, farem un seminari a Selon per parlar de La Routo » ajusta Patric Fabre.
 
Serà tot parier amé d’aubergaments, coma aquelei qu’afichan lo labèl « Benvenguda a la Fèrma », que dependon de tres chambras d’agricultura, dei Bocas dau Ròse, dau Var e deis Aups de Provença Auta.
 
E encara amé d’organismes tant professionaus coma lo domèni dau Merle a Sant Martin de Crau, dedicat a la raça dei Merinòs e onte son formats lei pastres despuei leis annadas 1930, l’Ostau Regionau de l’ Anantiment de Manòsca qu’acampa mai que d’un organisme e pas solament per lei fedas, lo CERPAM encara a Manòsca qu’estudiá lo monde dei fedas, o  lo Musèu dau Pastoralisme de Ponte Bernardo que ne’n avèm dejà parlat.

Enfin, seràn valorsisats leis eveniments que dejà existan, coma lei Fieras dedicadas ai fedas de Sant Martin de Crau o de La Javia, o meme la Fiera dei chivaus de Seina, dins leis Aups.
 
S’agís adonc per P. Fabre d’ajudar entre Provença e Valadas occitanas la filiera ovina d’avuei. Pasmens, lo sòcle d’aqueu trabalh es « una enquista etnologica vertadiera menada per l’Ecomusèu dau Pastoralime de la Valle Stura, amé lo libre de  D. Albera et G. Lebaudy, « La Routo. Sur les chemins de la transhumance entre les Alpes et la mer » (Primalpe, Ecomusée du Pastoralisme de Pontebernardo, 2001) que nos fasiá tanben una exposicion justament sonada La Routo. 
 
Aquò dich, èra pas aisat de retrobar lei draias. L’urbanisme que s’espandís d’en pertot e la roïna dei jaças, « lo fach tanben qu’es pas aisat d’anar avuei sus lei crestencs ont anavan lei fedas aièr » a modifiat lei camins que prepausa l’Ostau de l’Amontanhatge dau Mèrle, que baileja Patric Fabre. Subretot faliá raprochar La Routo deis elements economiques dau pastoralisme d’avuei.
 
Es qu’aqueu monde es pas mòrt, e bolega bèn, meme, maugrat lo lop, la concurréncia internacionala, e la dificultat d’un mestier que conoisse pas lei trenta cinc oras setmanieras. Entre Crau e Valle Stura, 600 000 fedas menadas per 2200 professionaus fan premier lo pastoralisme de nòstre temps.

Es aquò qu’a vòugut ajudar l’Union Europenca. La Routo recebrà 650 000€ d’ajudas publicas, amé premier un sostèn dau programa europenc Alcotra, qu’apiela lei projècts transfrontaliers. Lei consèus generaus e mai que d’una comunautat traversada ajustarà un apondon.
 
Tot aquò, dins dos ans, devriá menar a un itinerari per escorrèires, a pè, a chivau, en VTT e de còps en veitura amé dètz e uech etapas. Traversaràn la Vau Stura, lo pertus de Larcha, la Vau d’Ubaia, aquelei de Blancha, de Blèuna, d’Assa, lo plan de Valensòla, lei còlas dau Var, lo païs sestian, leis Aupilhas e la Crau.
 
L’estirada s’apielarà sus de camins qu’existan déjà mai amé de panèus d’explicas especiaus. « Se podrà ne’n saupre mai sus lei relargs de repaus dei tropèus, legir lei paisatges pastoraus…e fin finala nos farà totara un Camin de Granda Escorreguda (un GR) » onte se parlarà segur d’environament, a prepaus d’una activitat qu’a totjorn viscut en relacion amé son mitan naturau.
 
De vèire coma leis artesans que produson de lana, de carn, de vèstits, o meme d’isolants, de campanas e de biaças, podràn profichar d’aqueu projèct de reviscolament. « Es una prepausicion agrò toristica identitària » coma la sòna Patric Fabre.
 
Es de saupre segur qunta sarà la plaça de la lenga nòstra dins aqueu projèct. Lo vocabulari tecnique e la toponimia son la màger part dau temps occitanas, e sariá bèn daumatge, sensa l’occitan, de faire d’aquel encaminament una carrièra bòrnia au nivèu culturau.

Amb un bruch sord lei bendas carrejarèlas  davalan aquí, enauçan ailà de miliers de botelhas blavas, blancas, grisas, tot esquichadas. Arriban a la fin d’aquela cadena gigantassa dins la bocassa d’una maquina de triada optica, que pòu desseparar aquelei plastics segon sa color o la densitat de sa matèria. Aqueu cube gris receu de quantitats d’ embaissas  qu’arriban a granda velocitat. Amb lei botelhas, s’i vetz tanben d’embalatges diferents, coma de barquetas de saucissas o de boitas de tabolé. Es aquò la noveutat que nos voliá far veire, lo director d’esplecha dau centre de triada dau Muei, dins Var.
 
« Despuei tres mes qu’avèm alargat la gamma dei plastics de reciclar, n’avèm tractat coma aquò trenta tonas de mai ». David Valour se fa pas de marrit sang ; per eu, l’experiéncia sembla ja capitada. Pron per que sa societat investisse un milion e mieg d’èuros dins quatre maquinas especialas « que pòdon reciclar mai de sòrtas de matèrias plasticas. »
 
Au contrari d’Alemanha onte se recicla tota mena de plastic despuei vint ans, França aviá chausit una filiera a minima. S’agissiá de tractar lei botelhas e pas mai. Pus aisadas de collectar, mens brutas que de barquetas totei plenas de saussa, aquelei botelhas èran mai estudiadas per intrar dins una filiera ben organizada (tecnicament e economicament) que per melhorar l’environament. L’organisme que baileja en França la reduccion deis embaissas, preferissiá un sistèma industriau segur, e mai s’èra pas la solucion ideala. 

« Leis Alemands, es verai, cerquèron subran de tot reciclar fa vint ans. Mai èra car, ben car, e per nosautrei, s’agís ben de reciclar a un còst acceptable, mestrejat » confierma Richard Quemin, lo delegat d’Eco-Embalatge per lo Sud-Èst (de Lion a Montpelhier).
 
Doncas, au nòstre, se mai d’un milion de tonas de matèrias plasticas rejonhon lei supermercats e tota mena de comèrcis, se’n recicla a pena 22,5%. Son lei botelhas, qu’elei o son ben, recicladas : a 51%. Se tracta ara d’alargar aqueu jaciment. S’apren au « Grenelle de l’environament » que demandèt a Eco-Embalatge de ne’n faire mai : 75% de produchs reciclats puslèu que lei 67% d’ara.
 
Eco-Embalatge baileja doncas aquela operacion d’assai dins Var coma dins tota la França. Trenta tres milions d’èuros èran investits per ajudar 51 collectivitats localas dins l’exagòn, e sei 3,7 milions d’abitants, a passar a la velocitat superiora.
 
En Provença, quatre d’aqueleis entitats i participan : Canas amb son centre de triada Valco, Aubanha amb lo sieu, Bronzo, Vedena amb son centre Sita, e Lo Muei amb aqueu centre Pizzorno. Dins Var, fin finala, son lei 16 comunas dau País de Brinhòla, e lei 14 dau País de Faiença amb La Crotz Valmer qu’an respondut a l’apèu a somostas (*) d’Eco-Embalatge. « E se debana pas tant mau, per lei 67 800 abitants, qu’an pron lèu adaptat son biais de gitar seis embaissas plasticas » nos apren Julian, un dei quatre ambaissadors de la triada que foguèron embauchats dins aquela encontrada per donar d’explicas au brave monde. Tot se debanariá coma se leis abitants esperavan ren qu’aquò !

Leis industriaus dau residú que son Pizzorno, una entrepresa de Draguinhan qu’emplega 2000 personas en França e encara mai au Marròc, an segur vist l’avantatge : « aurem un pauc d’avança tecnologica sus lei concurrents » confèssa David Valour. O puslèu, estent que mai o mens sei concurrents son tanben intrats dins aquel encaminament , seriá pus just de dire que seràn pas despassats…
 
« Esperam en velocitat de crosiera, de tractar coma aquò de 300 a 400 tonas de plastics l’an, nos sembla pron consequent » ajusta monsur Valour.
 
Pasmens se podriam demandar se tot aquò es ben seriós. Fins ara, Eco-Embalatge viviá dei taxas que li pagan leis industriaus que fornisson de produchs embalats. Au mai l’embaissa èra lordassa, au mai pagavan. Nòstreis industriaus, doncas, an mai que mai investit despuei dètz ans per aleujar seis embaissas. Arribam en de situacions extraordinàrias amb un simple potet de iaort que pòu contenir fins a cinc filmes de plastic diferents, per lei far tot d’un còp leugiers e solides… impossible alora de lei reciclar.

Mai Eco-Embalatge sembla de se n’èstre tirat en desvirant la vapor : « tre la començança de 2012 avèm cambiat lo biais de taxar » que nos afierma Richard Quemin, « e ara cada matèria plastica tèn un indici de reciclabilitat. Au mai es concebuda en vista d’èstre reciclada, au mens paga l’industriau ».
 
E nos parla de possibilitats, per aquelei, en França, d’economizar fins a 150 M€ l’an. Segur que mai que d’un a preferit investir dins la recèrca. E sembla que son a trobar la pèira filosofala que tremuda lo plastic en aur.

Aviam 7 deputats dins Var, dempuei lo 17 de junh n'avèm 8. Uech de l'UMP elegits mé leser contra un vò doeis adversaris. Lo FN faguèt 40 dau cent, un pauc mai un pauc mens, au segond torn. Dins de burèus faguèt quiti me la drecha dicha classica, tot aquò sensa estèla nacionala dins sa tiera de candidats. Dins ma circonscripcien, la cinquena, lo cònse UMP de Sant Rafèu aguèt 59,4% contra 40,6 au FN qu'avieu jamai ausit son nom avans.

"Ai, Tolon e Provença e la terra d'Argensa…. qu t'a vist e ti vei" podèm dire en seguissent lei petadas dau trobador.

Lo Var siguèt en 1851 lo despartament qu'aguèt lo mai de patriòtas per si levar contra lo còup d'estat d'aquel arleri de Louis Napoléon. Lo Var siguèt li a un pauc mai de cent ans lo mai roge dei despartaments. A pròva, Clemenceau lo Vendean e d'autrei "roges" si faguèron parachutar a Draguinhan per èstre elegits au parlament. 

La sociologié dau luec basta per explicar la drechisacien. Lei riches e lei retirats aisats si fan ara cambeta per carrieras dei vilagis e dei ciutats. Convèn pasmens d'apondre que lei socialistas, quora èron encara au poder mé la casqueta SFIO, FGDS e PS, amolonèron lei cagadas. Oublidarai pas lo president dau Consèu Generau Soldani qu'avié permés a l'armada de s'agantar lei 36000 ectaras dau plan de Canjuers.