Ce premier Festival des trois lunes permet de découvrir des artistes d’oc, et de faire de leur rencontre un ferment de création. Ça se passe donc à Marseille, et sous la houlette de l’Ostau dau País Marselhès, qui organise ces soirées en divers lieux.
 
13 octobre Sam Karpienia et Kaardan, pour une création : Mastrabelé, sur des textes du poète Roland Pecout. A la Machine à Coudre (6 rue Jean Roque 13001), à 21h.
 
Une digression sur le thème de l’Atlantide. Mastrabelé, en gros est un terrain vague, vu ici comme un vestige du continent, du monde perdu.
 
15 octobre Garlic Face et Samuel Bouchet (chant), pour le Balèti barròc, au Jardin des Chats à 17h30. Gratuit, une soupe devrait être proposée aux danseurs.

Per aquela segonda edicion, Fest'Oc aviá poscut beneficiar de la Maison de Pays per prepausar d'ataliers e autreis activetats de l'espectacle vivent, dins l'encastre d'un festejament de la lenga e de la cultura d'òc.
 
Per totei domènis mesclats, creacion e creativetat menèron la dança. Au sòn familhier dau galobet, se partejavan de valors ancianas e novèlas. Despuei lei personalitats que participan d'un biais ò d'un autre a la mantenença de l’eiretatge provençau (e a sa manifestacion) fin qu’ai pichòts novèus venguts dei collègis, entre autors e espectators, cadun se deviá de profichar d'aquela rara escasença de festivetat a l'entorn d'un tau tèma.
 
Mai que d’un a cabussat dins Fest’Oc aqueu dissabte 17 de mai. Es que per la lenga ò per l'art, tot es bòn dins lo provençau.
 
Es dins l'encastre d'un partenariat embé la Fiera ''Bio'' de Nions, que se debanava au meme moment a quauquei pas, que Fest'Oc prepausava una iniciacion a l'eco-consomacion embé Perrine Dyon.
 
Travalha per lo CEDER (Centre pour l'Environnement et le Développement des Energies Renouvelables). E se cargava d'animar son atalier ont totei podián s'assajar a una fòrma novairitz de reciclatge : la creacion d'accessòris a partir d'embalatges.
 
Especializada dins d'accions pedagogicas viradas devèrs l'ecologia, aquela animatritz a sachut sensibilizar de participants de toteis ages an' aquela practica amusanta e militanta. 

Alhors, la musica, la dança. Enric Iglesias, autor de la « pichoneta metòda » (es ben son nom !) presentava  un tamborinaire.
 
Fòrça implicat dins l'aprendissatge de l'instrument tradicionau, prepausava una iniciacion segon sa metodologia.
 
Aquel atalier permetiá d'apréner en pauc de temps l'encadenament dau tradicionau « Au clar de la luna » e de « Corrètz bregada ». De mai, una classa de galobet-tamborin sarà dubèrta a l'Escòla de Musica de Nions a la rintrada que vèn !
 
Amé la musica, vaquí la dança ! L'associacion Folk Dance convidava lei vesitaires a la dança tradicionala. Danièla Selmi, presidenta, teniá una mena de micro estagi d'iniciacion tancat dins la tematica de la fèsta.
 
L'ambient s'entreteniá tamben à travèrs l'espectacle de fin de tantòst. Era un biais d'acabar de mes de travalh per aquelei collegians, musicians de l'escòla, e per leis actors dau projèct de Fest'Oc.
 
Festivetats e Occitania an ansin foncionat en favor d'un acampament, de segur primitieu e encara insufisent, mai que pòu presagiar una dinamica nòva, tendent devèrs lo renovelament de l'edicion, embé totjorn mai d'ambicions. 

Puèi lei gosts e lei... còntes. Dintre l'atalier « pichòt tastaire » embé Mirèlha Roubé (de l'I.E.O) e la degustacion d'òli d'oliva dau costat d'Emilia Lacroix (de l'Institut du Monde de l'Olivier), lei vesitaires avián de qué se faire plaser.
 
De l'identificacion e la reconeissença dins lo « pichòt tastaire » a la descubèrta de diferènteis òlis AOP, de segur Provença cridava son nom. E dintre elei dos, l'atalier de còntes d'Isabèla Mejan, segon un concèpt originau de lectura, vont pichòts e grands èran convidats de pantalhar e de charrar un pauc en occitan.
 
Enfin, lo festenau s'acabèt aqueu dissabte sus una serada particuliera, fòrça esperada.
 
Leis aprentís escolans ? de l'Escòla de Musica de Nions faguèron duerbèron lo balèti avans de laissar plaça au grop « Draille », au cantaire Samuel Bouchet, e ben segur, au public vengut dançar aqueu sèr.
 
Es qu'una fèsta a l'entorn de l'occitan, sensa musica, sariá pas una fèsta. E d’un biais mai « seriós » l'eveniment se perseguissiá a travèrs l'espectacle « La légende noire du soldat O ». Se rementam qu’aqueu, d’Andrieu Neyton, nos parla de la guèrra de 14-18 e dau racisme viscut per lei sordats dau Miegjorn. Se debanava tanben a la Maison de Pays, lo lendeman.
 
La tresenca edicion de Fest'Oc se debanarà dins dos ans...

Lei premiereis oras de publicacien d'aquel article d'Amy Cros, una error d'enregistrament a empachat la signatura de nòstra colaboratritz benevòla d'aparéisser. Lei gestionaris de sites web sabon que per defaut la signatura generica s'aficha. Es ce qu'es arribat, e l'article s'es trobat sota la pluma dau cap redactor Micheu Neumuller, qu'es pasmens jamai anat vèire aquela polida Fest'òc. Totei nòstreis excusas a l'autora.