« Nous avons un fonds de poésie de grande qualité à l’Ostau dau País Marselhés, et l’idée originelle c’était de l’exploiter, de le faire découvrir durant une soirée dédiée… mais beaucoup nous ont demandé à pouvoir choisir selon leur goût, alors on a fait évoluer l’idée » relate Pèire Molin, qui est employé par le cercle, désormais bien connu de l’occitanisme marseillais, pour en gérer les activités.

 

Et c’est ainsi que vendredi 28 mars une vingtaine de poètes d’un jour ou de toute la vie sont montés sur scène pour exprimer les émotions les plus diverses, en vers le plus souvent. Iel l’ont fait en occitan, de plusieurs variétés, mais aussi en créole de Maurice, en persan, et plus d’une fois en catalan.

« J’ai été surprise de voir autant de jeunes pour venir s’exprimer en provençal » a pu s’étonner l’une des poétesses, durant l’entracte d’une soirée qui a duré, duré, duré… avec le public d’une petite centaine d’habitués… ou de nouveaux adhérents. L’Ostau dau País Marselhés en compte plus de six cents, selon les dires de ses responsables, et fonctionne avec le statut des cercles républicains, il faut être adhérent pour participer à une partie des activités, ou tout simplement s’y restaurer, et bien entendu participer aux décisions.

 

Gérard, venu de Miramas, a pris le piano électronique en mains, et s’est mis, sur sa propre composition, à chanter le texte d’un ami, que tout le monde a repris en chœur ; Jagdish a déclamé en créole avec force moulinets des bras, Anna a défendu l’usage du catalan à l’aide d’un texte d’une connaissance, Maria a dans la même langue récité, psalmodié et chanté une ode à l’âge de vingt ans, celui « où le sang bout » ; Magali a lu ses propres textes, accompagnée par Aymeline, qui par ailleurs donne ici le cours d’occitan débutants. Laure-Anne a ému l’assistance avec le fameux planh de la Comtesse de Die, et Céline l’a rejointe sur l’estrade pour chanter avec force ce cri d’une femme délaissée … vers 1190 ; Alexandre, lui, a illustré la nòva cançon occitana en chantant Mans de Breish et son fameux « Volèm viure al país ». Et encore nous ne citons pas ici toutes celles et ceux qui ont eu à cœur d’affirmer sur scène que, non ! Décidément, l’occitan n’est pas une langue morte.

 

La soirée, c’est notable, ne sera pas sans suites. « Nous relançons le ciné club et en particulier le 11 avril venez pour une soirée Joan Fléchet » insiste Pèire. Le cinéaste de l’Orsalhier, et de dizaines de courts métrages sur les actes et fêtes de la culture d’oc sera ce soir-là à l’honneur. Et si vous aimez danser trad, sachez qu’il y aura scène ouverte à l’Ostau, le 26 avril, pour qui veut animer une partie du balèti.

 

Rappelons que l’Ostau dau País Marselhés, créé en 2000, est ouvert à toutes et tous, que l’adhésion ne coûte que deux €uros et que ce cercle propose diverses animations, des clubs internes tel justement la commission qui cherche à faire vivre le fonds d’ouvrages de l’Ostau ; et bien sur des cours d’occitan de tous niveaux et des ateliers musicaux.

Despuei mai de vint ans l'Ostau dau País Marselhés juega lo doble ròtle de luec per viure la cultura occitana a Marselha e li charrar en lenga nòstra, puei de Cieucle de quartier, dins la granda tradicien occitana. 

A l'ora d'ara, podèm vos lo chutchutejar, mai s'alestisson d'aperòs mensuaus amé lo Cercle Català de Marselha, un biais d'acampar de monde que parlan de lengas minoritaris pròches.

Enfin, vaquí que leis oraris deis ataliers de l'Ostau de la carriera de l'Olivier chanjan. Per vos i ajustar e faire una activitat, auretz que d'agachar l'imatge.

 

Dins l’univèrs francés deis espacis aparats li a la reserva naturala amé de restriccions de còps absolutas, coma lo laus dau Lauvitel dins leis Aups, unicament dubert ai cercaires.

 

Mai lei Pargues Nacionaus elei fins qu’ara èran duberts, amé de biais de respectar diferents segon lo pargue : aqueu de Cevenas es tanben agricòle despuei l’origina, la Vanoise dins leis Aups a de belei restriccions per aparar lei chamós…

 

Una premiera serà experimentada l’estiu venènt a Marselha e Cassis dins Bocas de Ròse onte chasque an aperaquí un milion de visitaires de tota mena venon, laissan sei residús, aparcant son batèu… E la nòva règla dau Pargue Nacionau seriá accionada tre lo 15 de julhet, e per un mes.

 

Lo Pargue l’a anonciat lo 31 de janvier.« Li a au mens 1500 visitaires chasque jorn, e volèm limitar a maximon 300 » ditz un portavotz dau Pargue, en particular dins de calancas subrecargadas coma Sugiton.

 

E per chausir quau pòu venir e quora, tot se farà amé l’internet, que lo monde deurà reservar sus una plataforma especiala, testada tre junh. L’accès, limitat, serà pasmens encara a gratis. Sembla que, totjorn en Provença, lo site deis òcras de Rossilhon (Vauclusa) podriá seguir.

Après avoir prévenu à plusieurs reprises ses adhérents d'un cours en ligne organisé le lendemain, l'Ostau dau País Marselhés s'est décidé à reprendre sur cette formule ses cours hebdomadaires, interrompus pour cause de Covid.

La maison tout à la fois cercle de quartier et pôle associatif occitan de Marseille reprendra donc ses cours d'occitan en ligne les lundis à 18h30, en direction des débutants, avec Mathieu Castel.

Ceux-ci ne requièrent ni application ni de logiciel particulier, il suffira de rejoindre la réunion par ici.

Et les derniers cours peuvent être d'ores et déjà téléchargés pour qui souhaite une mise à niveau.

Que son irresponsables, aquelei Marselhés ! Fa dos mes èran seis elegits, demandant concertacien a l’Estat avans tota decisien, qu’èran dichs com’aquò per lo baile dei redaccions de l’Express, l’omnipresent televisuau Cristophe Barbier.

Dimenja entre lo quartier de La Plana e la Canebièra, èran encara “irresponsables” lei quauquei sièis mila Marselhés qu’exprimèron son enveja de faire fèsta, de se retrobar, mai tanben de ben ancorar son biais de vèire leis agençaments d’una ciutat que vòlon pas vèire s’emborgesiar còntra elei.
 
E lo vespre, quora lei policiers finalament venguèron per escampilhar lo monde, quauqueis uns an chausit de saquejar una briga ce que podian plaça – renovada – de la Plana. Per lo còp vaquí que sièis mila ciutadans son qualificats d’irresponsables per lei memes medias, perqué quauqueis uns èran subrecafits de testosterona…
 
Era perilhós de se retrobar, de se rescontrar, de bailar, de cantar ensems maugrat la covid dins un espaci dubèrt urban ? Vòli pas intrar dins lo debat, bòrd que va sabètz, despuei un an, ne’n entendem de totei colors. Enfin ! Fai pas manco dètz jorns que lo site web Doctissimo acampava leis ultimeis estudis per dire que lei transpòrts collectius, lei burèus e lei salas d’espòrt, mai generalament lei luecs sarrats èron lei premiers a presentar un risc. Leis afogats dau carnevau marselhés, segon aqueleis ultimeis estudis, aurián agut mai de malastre dins lo metrò, tornant a l’ostau, que dins lo quartier de La Plana.
 
Alòr perqué tot aqueu biais de se desaviar, collègas de la pressa parisenca ? E mai que tot perqué vos copiar leis uns sus leis autres ?
 
France Info fa parlar lo baile dei malautias infecciosas de Bichat, a Paris, ben segur : “es d’inconsciencia !”. tot parier dau costat de la prefèta de policia, aqueu de còp, que ditz parier et que totei citan. Mai encara tot parier dau cònse, Benoît Payan, “l’irresponsable” de Cristophe Barbier...e se lo diluns de vespre, lei jornaus èran mai dins l’explicacien, lo matin, es pas de crèire coma avian totei apres dins la nuech a escriure la paraula “irresponsable”…
 
Dins lo meme tèmps, l’autre carnevau, tampauc non autorisat, a Tolosa, degun ne’n parlava, e subretot pas per lo desvalorar. Urós Tolosans !
 
Mai dins tot aquò ce que turta es que dos jorns aperabans, e pas mai, lo mai grand exòdi de l’an se debanava despuei Paris, en particulier vèrs lo “sud” coma dison.
 
La gara de Lion, plena ! 25 % de trins de badat, se vos plai, vèrs Bordèu, e mai per d’autrei destinaciens, sud de Leure. Lei Parisencs fugissavian Paris, de centenas de miliers de cas contacts en viatge, mai aquò siguèt tractat sensa esmoguda particulara dei memes medias que puei s’espaventaràn dau carnavau marselhés.
 
E pasmens ! Lei 400 km de taps rotiers et autorotiers dau sud de Paris, son de miliers de cas contacts que se ronçavan sus nòstrei tèrras. Ah ! A Marselha èron d’inconscients per faire carnavau, mai de miliers de Parisencs venon nos adurre lo virús e am’aquò la pressa fa chut-chut ? E la prefèta tot parier. Ai meme legit – aquò’s plus dau sud – encara amé France Infos que leis abitants de Deauville, lei comprenèron aquelei Parisencs e sa covid escampilhada : “podèm pas lei jutjar”, “fau ben que prengan l’aire”, elei.
 
Va sabem ja e mai que mai, Marselha li vòlon faire una fama, e li fan, sensa retenguda. Aquò sembla tant normau… Mai enfin, podrián chifrar de còps que li a, e s’aplicar la maxima crestiana : “agacha pas tant la palha dins mon uelh, mira puslèu la fusta dins lo tieu”.
 
Amen !

Lei 4 e 5 de fébrier passat lo vaissèu de l’associacien SOS Méditerranée Ocean Viking a poscut secorrir 422 refugiats en mar en tres etapas e deuiá lei desembarcar en Sicilia, a Augusta.

 

Lo batèu èra en detencien administrativa despuei cinc mes en Italia, e, quand siguèt liberat en janvier, metiá lèu lo cap sus Marselha, onte demorava a cai durant dètz jorns, per carantèna e tests de covid.

 

An aquela ocasien, lo municipe de Marselha a decidit de li votar una ajuda de 30 000 €, es a dire l’equivalent dau cost de dos jorns en operaciens de sauvament. E d’èstre sòci de la plataforma de collectivitats sosten d’aqueu moviment d’ajuda ai migrants perduts en mar. Aqueu diluns la deliberacien, ligada a doas autras, a fa bofar un brave còp de mistrau dins l’emicicle dau Consèu Municipau. Presentada per Michèle Rubirola, l’efemèra premièra cònsola, e ara premièra ajoncha, la prepausicien a provocat la rabia dau cònse dau cincenc sector de Marselha, Lionel Royer-Perreaut. L’elegit Les Republicains menarà l’afaire davant lo Tribunau Administratiu, qu’a fa saupre via lo malhum sociau.

 

La Vila de Marselha a tanben decidit d’aderir a l’Avita : Associacien Nacionala dei Vilas e Territòris d’Acuelh ; e encara de pactar amé l’Estat per milhorar lo biais d’aculhir lei refugiats.

 

Segon l’Ofici de l’ONU per la Migracien (OMI), entre 2014 e 2020 lo nombre de mòrts de migrants durant la traversada de la Mediterranèia auriá passat lei 20 000.

Vintacinc Comunas dei Bocas-dau-Ròse duerbiron pas seis escòlas l’onge de mai, coma l’aviá decidit lo president de la Republica. Per l’essenciau lei premiers cònsols dison que son pas lests : fauta de personaus, dificultat de nejeta, desinfeccien, protocòls sanitàris...E la responsabilitat penala per lei malauts qu’auriá provocat la dubertura, e que lo cònse vòu pas assumir….
 
Dins aquelei comunas de Centres Continus d’Aprendissatge de la Lenga Regionala, que s’i fa tres oras de provençau chasque setmana, e encara tres oras en provençau : son vintasèt au totau e tres entr’elei bilingües. Levat d’una error, pensam que duerbiràn leis escòlas sestianas Platanes e La Barque; de Puyloubier et Gréasque Amalbert, d’Arle Daudet e Pergaud; d’Aubanha Palissy e Mermoz ; de Marselha Saint-Gabriel, Castellas-les-Lions, La Loubière, Dromel, Les Tuves , Saint-Louis Le Rove ; Canet Barbès ; l’escòla de Cazan-Vernègues ; dau Martegue Enric Damòfli, Frederic Mistral a Malhana.
 
Aquela de Gardana, Elsa Triolet, bilingüe, au revenge deuriá pas durbir bòrd que la Comuna va vòu pas.
 
“L' acantonament voliá dire encara mai de trabalh qu’abitualment” nos dison de mèstres dins Bocas-dau-Ròse. Adonc pauc dirián encara de precisions. Lei mestres serián a alestir febrinéus la rintrada forçada, an pas lo tèmps. Tot parier dins Tarn e Garona, onte lo malhum es fòrt de setge escòlas bilingües. “Pas pron de tèmps per vos respondre, entre continuitat pedagogica e necessitat d’alestir la jornada de diluns” ditz un baile d’escòlas.

Mai de’n pertot sembla que lei gents d’escolans lei laissaràn pas anar diluns 11 de mai. “A mon escòla avèm fa lo compte : cinc sus vintasèt vindràn e pas mai...” ditz un mèstre dau país martegau, que precisa qu’es fonccionari, adonc amé dever de resèrva; “la veritat es que aqueu monde son de pareus que trabalhan totei dos, e qu’an de chausir entre tornar a l’entrepressa o renonciar au caumatge tecnic e riscar lo licenciament ; lo govern li an prepausat un estrania chausida : riscar lo caumatge o la santat ! Es aquò que dison “volontariat”.
 
Bolangièra au quartier populari sestian d’Encanhana, Cristèla, de mai o mens trentacinc ans, es clara, darrier son taulier : “ieu lo metrai pas mon enfant de sèt ans. Ai pas paur de la contagion; mai d’empachar lo pichon de tocar sei companhs que leis a pas vist despuei dos mes, de l’empachar de jugar a la recré, es simplament lamentable !”
 
Dins lo desen arrondiment marselhés, Cecila nos ditz que dins son escòla centre continu d’aprendissatge de la lenga regionala la prioritat es lo netetjage “en grand que la Comuna deu faire, e que permetrà a cha pauc de durbir...seràn pas mai de dètz en elementari e quinge en mairala d’èstre aculhits, mai sense prou d’atsem (lei “tata” assistentas emplegadas per la Comuna), de lingetas antisepticas, de masquetas e de gel idroalcolic, nimai d’ensenhaires, e de parents qu’an paur, nòstrei prioritats son pas a assegurar l’ensenhament dau provençau” regreta la mestressa.

Totei lei mèstres qu’avèm questionat nos dison parier a prepaus de l’egalitat dei chanças qu’agita son ministèri : “perqué an suprimit lei Rased ? (Réseau d’aide spéciale aux élèves en difficulté), e lei “mèstres d’adaptacion”; e perqué nos an sempre laissats amé de classas de trenta?” Un vertadier requisitòri còntra “lei governaments despuei quinge ans, l’ultim estent lo pièger”.
 
Pasmens se debana pas ren dins leis escòlas d’aqueu malhum . “Mai que d’un collèga a mandat a seis escolans de contenguts en provençau, que per elei, l’an vòugut sotalinhar, es una matèria tant importanta coma leis autras” nos vèn Marc Rivoira, animator de la Mission Acadèmica de la Lenga Regionala dei Bocas dau Ròse, un malhum creat entre volontaris au començament deis annadas 1990, en seguida deis premiers assais de la decenia precedenta amé lo pionier Guiu Garnier.
 
“E la bòna sospresa es que lei començaires, en particulier, son fòrça valents per va faire” que nos ditz; “de Pueilobier l’escòla a mandat de pichonei vidèos ais escolans de la mairala; despuei Marselha Castellàs lei mèstres an elei fan conéisser de raganèlas en provençau ai parents” dins aqueu quartier dau nòrd onte, per l’essenciau, resta una imigracion maugrabina qu’a plantat cavilha fa tres generacions.
 
Amb’aquò la Mission Acadèmica a creat une plataforma padlet, “un espaci collaboratiu que mai que d’un li participa en visioconferèncias, e onte leis uns e leis autres pausan o venon cercar de contenguts en partatge”.
 
Marc Rivoira ne’n es segur, maugrat leis auvaris e leis empachas, la vòlha dei mèstres a fa grandir totei en competencias informaticas, e tot parier per trabalhar de cotria .

 
Per fin, dins aquela epòca tant ànsiosa per lo monde educatiu en generau, e per lo monde regionalista que se vei un còp de mai relegat en categoria “pas prioritari”, se congostaràn totei de la bòna nòva : après tant d’esfòrç per crear un ambient favorabla a l’ensenhament de la lenga d’òc a La Cieutat, un pòste sagetat de mèstre en lenga nòstra serà creat a la rintrada de setembre, es oficiau, a l’escòla Louis Vignol.
 
A l’inverse de ce que se fai generalament, lo pòste es creat avans que l’escòla rejonche oficialament lo malhum dei Centres Continus per votacion de son Consèu d’Escòla...Aqueu percors inverse seriá un biais de “donar enveja a totei amé l’exemple”, dixit Marc Rivoira.

Lei premier e tresen arrondiments de Marselha son tocats d’un biais particulier per l’aumentacien deis urgéncias socialas segon lo Secors Populari Francés que l’i organisava una distribucien excepcionala d’aliments e de diferents produchs de necessitat, d’igièna e autras, au sortir d’una conferéncia de pressa organisada lo premier d’abriu… e sensa peisson!

 

“La crisi sanitària sus la crisi sociala crea la crisi umanitària” segon Sonia Serra, la presidenta de l’ONG de solidaritat dins lei Bocas-dau-Ròse.

 

Una entre lei nòu antenas d’urgéncia marselhesas dau SPF, a la ciutat Felix Pyat, un ensems privat de lotjaments ocupats per de monde modesta, dins lei quartiers nòrd reçaup vint novèlas familhas chasque jorn despuei lo començament de la crisi sanitària, l’acantonament . E s’ajustan ai cent cinquanta familhas que ja èron lo public acostumat an aqueu servici associatiu.

 

D’un autre latz en quinge jorns de l’acantonament, cent seissanta benevòls an reforçat lei còlas dau SPF dins lei soletas Bocas-dau-Ròse.

 

Mai un problèma es que lei dons se son agotats e qu’es gaire possible amé lei mesuras sanitàrias de demandar au monde d’aliments en sortida de supermercats a l’ora d’ara. “Podèm plus menar nòstreis acciens de collècta coma de costuma e nòstrei 3500 benevòls pòdon pas desplegar lei acciens de solidaritat coma va faguèron avans lo 15 de març” nos vèn encara Sonia Serra.

 

Lo mai dificile, segur, es encara per leis antenas de desplegar lei permanéncias de sostèn psicologic, morau, l’escota. Mentretant lo SPF sotalinha que lei mantenir fa partida de sei prioritats.

 

 

Adonc, lo Secors Populàri demanda au monde de li adurre d’argent. E de rementar que segon son organisme 59% dei Francés èron a mand de cabussar dins la pauretat avans la crisi sanitària, e que tre ara mai que d’un d’entre aquelei ne’n es, de la paurilha .

Aquelei que fan mestier de promòure la lenga regionala aqueu còp an pas sovent agut paur d’anar dins l’arena politica a l’occasion dei Municipalas dau mes de març. Podèm citar Joan-Miquèu Turc, conseilher non oficiau dau Consèu Generau dei Bocas-dau-Ròse e l’un dei darriers majoraus dau Felibrige elegits. Pròche de Martina Vassal, la candidata Lei Republicans de Marselha, lo vaquí am’ela, darrier David Galtier, lo cap de tiera , e en setena posicion dins lo seten sector, aqueu dei arrondiments 13 e 14, a l’ora d’ara tengut per lo Rassemblement National Stefan Ravier.

 

Lo Collectiu Prouvènço eu a chausit de publicar una “Charta” e de la faire signar per de candidats, comptant entre elei un conselhier generau, segon la revista dau Collectiu, Me dison Prouvènço.

 

Dins leis Autas Aups e dins mai que d’una ciutat dau Var, d’occitanistas son plaçats sus de tieras municipalas. E quauqueis uns seràn probablament elegits. Lo conselhier generau 13 delegat a la lenga e cultura provençala Brunò Genzana eu bailèja una tiera a Plan de Cuca.


 Mai a Marselha, l’occitanisme dins sa diversitat se retròba sota l’etiqueta Partit Occitan, e dins la tiera EELV menada per Sebastien Barles, Marselha auça-ti (Debout Marseille).

 

S’i tròban dos pielons dau jornau istoric en provençau Prouvènço d’Aro, Tricio Dupuy e Bernat Giely, eu vengut de Parlaren qu’aviá creat a la fin deis 70’, e Pèire Brechet, actuau president de l’Institut d’Estudis Occitans federau, eu dins lo segond sector, aqueu dei Pòrts. Encara l’i es Laura Giely, Gilabert Bonnet e Sebastian Emond. Pèire Brechet seriá en posicion eligible a la Comuna e perqué non a la Metropòli. “D’autrei tanben segon lo resultat” precisa Pèire Brechet.

Per eu, ges d’empacha : “la politica deu pas èstre un tabó. Nos fau ben portar una dinamica societala e faire avans amé de projècts de terren, dins lei transpòrts coma dins leis oportunitats de ben manjar, qu’a Marselha li a segregacion sus aquelei ponchs coma per d’autres. Nòstre trabalh serà de luchar còntre aquela segregacion, e d’afiermar que l’occitanisme a una vision patrimoniala, segur, mai tanben se preocupa mai que mai de la vida vidanta”.

 

Adonc lei regionalistas l’i van ‘mé la tòca de faire de politica per la ciutat, e non pas solament d’agir per la lenga d’òc dins la vila. Aquò dich sus lo Facebook de la tiera Debout Marselha, ja li a un boton per arribar au programa politic, redigit en occitan sus la pagina personala de Pèire Brechet, e en doas grafias “que son de respectar e que jamai seràn une trencada entre nosautres”. De cotria adonc.

 

Per ce qu’es de faire respelir la lenga nòstra, quasi absènta de l’espaci public marselhés a l’ora d’ara, “es necite de reconstruire la memòria de la lenga au nòstre, de rementar qu’es a Marselha que leis òbras de Belaud de la Belaudiera siguèron publicadas après sa mòrt, publicacien que siguèt lo promier libre imprimit dins la vila dau tèmps de la tentativa independentista de Cazaulx. E encara es a Marselha que Massilia Sound Systèm e Manu Theron nos cantan la democracia”.

 

Adonc per l’essenciau se podrà esperar, un còp elegits aqueu monde, un sosten d’a fons ai projècts utilitzant la lenga occitana, mai tanben un sosten actiu a tota politica per redusir lei rompeduras socialas e territorialas que trenta ans de gaudinisme seguissènt trenta ans de defferrisme, an provocat. Es ce que dison.

La tiera de gaucha Prima Marselhesa (Printemps Marseillais) au mens dins lei quartiers Nòrd dei XV e XVI ens arrondiments, presenta sei candidats, de son costat, am’en tèsta Joan-Marc Coppola. L’elegit comunista, es de se ne’n rementar, en 2003, aviá prepausat una mocion qu’aviá fa de bruch au Consèu Regionau, còntre lo “patron” de la gaucha Michèu Vauzelle. Aquela disiá que l’occitan èra la lenga de Provença Aups e Còsta d’Azur.

 

De vèire ce que sortirà de tot aquò dins un mes.