La tiera Oui la Provence finalament siguèt depausada per l’eleccion regionala de junh venènt. Arvei Guerrera, conselhier regionau Poc-EELV entre 2010-2015 la menarà a partir dei Bocas dau Ròse, Ana-Maria Sgaravizzi dins lei Aups Maritimas, Pascau Recotillet dins leis Aups d’Auta Provença, Michèu Prat dins lei Auteis Aups, Ana-Maria Hautant, ela tanben conseilhèra regionala amb Arvei Guerrera entre 2010-2015, per la Vauclusa, e enfin Didier Cade dins Var, onte bailèja l’associacion d’oposicion a la linha nòva dau TGV vèrs Niça.
S’i tròba de monde de la societat civila a costat d’un ventalh de militants dau Partit Occitan mai tanben dau Partit de la Nacion Occitana. Pasmens la magèr part son de monde que venon de totei lei orizonts puslèu professionaus e sociaus que politics. De notar la preséncia dins leis Aups Maritimas de l'artista Ben e de la cantarèla Zine.
Ansin de Josep Delofeu, linguista a l’universitat o de Montserrat Laucoin, ex bailèsa de cafè-teatre, d’un escrivan de teatre coma Gilabert Combe, puei d’artistas, de professors, psicològas, retirats de la Sncf, eca. A l’imatge de la societat que vòlon representar.
Dins l’arèna politica regionala, seràn segur vists coma lei “pichons” a costat de la tiera que presenta l’actuau president dau Consèu Regionau, Renaud Muselier, amé de monde vengut tant de La République en Marche coma de son pròpri partit Les Républicains. D’aqueu podem remarcar que, dins sa tiera presentada dins lei Bocas dau Ròse, presenta Bruno Genzana a la novena plaça, qu’es d’un autre latz delegat au Consèu Despartamentau de la Lenga e Cultura Provençala. E mai d’aquò lei curiós trobaràn en trentunenca plaça, en principi eligibla, lo baile dau Collectiu Prouvenço.
A gaucha, un malaise bòrd que La France Insoumise presentarà pas de tiera, après lo refús d’EELV d’i anar amé la còla de JL Mélenchon, que comptava sus una tiera de recampament.
EELV per tant l’i serà ben, amé Jean-Laurent Félizia, mai amé lo PS, le PCF, GRS, Generation.s e lo Mouvement des Progressistes, dins una tiera comuna, mai sensa Lutte Ouvrière que tròba lo mejan de presentar sa tiera menada per Isabelle Bonnet.
Sotalinham la preséncia de l’ecologista de drecha Jean-Marc Gobernatori, que depausa una tiera au nom de Cap Ecologie.
Puei segur lo Rassemblement National l’i serà amé l’intencion de ganhar, bailèjada sa tiera per Thierry Mariani, vengut eu de Les Républicains fa pas manco dos ans, e que, en 2010, èra cap de tiera de la drecha ai Regionalas. Quin percors !
Encara es pas acabat bòrd que la transfuga dau RN, Valérie Laupies, serà cap de tiera per la còla d’Eric Zemmour, amb un nom que farà data dins lo monde dau populisme regionau : “Zou la liste qui vous débarasse du système”, pas mens...
La tiero regiounalisto ‘Oui la Provence’ vòu s’apoudera lou tèmo de l’identita regiounalo, e lou noum de “Regioun Sud”, que lou president Renaud Muselier li a trouba, agrado toujour pas a Arvé Guerrera, lançaire d’uno peticioun en ligno per parla pulèu de “Prouvènço”.
E de rena que : “ansin uno regien serié rèn qu’acò, uno crido de breguetian
? Nàni ! Uno regien es uno persounalita, uno identita ! La nouastro li tenèn, douberto qu’es sus la Mediterragno, Éuropo e lou mounde “ que dis.
Adounc la tiero ounte se trobo aquel ancian elegit regiounau (2010-15) prepauso que la Regioun, après l’eleccioun venènto, ourganise un debat “vertadié e ciéutadan”, puei un referendm sus la questioun dóu noum de la Regioun.
Aquel afaire ja avié decidi l’ancian baile Michel Vauzelle de crea uno coumissioun de counsèu en 2009, puei uno counsultacioun pèr l’internet en 2014, senso jamai decidi que que siegue.
“Amé lei licèus la Region a lo drech de pagar lei murs de la cantina escolari mai pas d’i entraïnar una cuina sana”. Anne-Marie Hautant siguèt elegida dau Consèu Regionau de Provença Aups Còsta d’Azur entre 2010 e 2015, e jamai a poscut faire intrar dins lei cantinas de licèus lei produchs de la paisanariá amé d’afichas en lenga nòstra. L’Estat decida, la Region paga...”Es un guichet e pas mai, e volèm reabilitar lo ròtle de nòstrei Regions, sacrificadas dei lèis de “decentralisacien”, jutge Pèire Costa, que bailèja la campanha electorala de “Oui à la Provence”.
Lei regionalistas an decidit d’anar am’ un programa vertadièrament regionalista, e d’un biais autonoma, dins aquela campanha que deuriá acabar en junh am’un Consèu Regionau renovelat. Acabada l’aligança amé leis ecologistas politics ? A vèire, mai “volèm que la votz dei regionaus s’auça e dire ce que volèm” sotalinha Pèire Costa.
Per son premier exercici de comunicacien, a mieg janvier avian sollicitat Arvei Guerrera, eu tanben elegit entre 2010 e 15, e grand enemic dau novèu biais de dire la Regien “Sud”, am’ una peticien en linha qu’arriba ai quaranta milas signataris. Tanben Tricio Dupuy, bailèssa dau mesadier Prouvenço d’Aro, Michèu Prat, militant culturau deis Aups, o Cristòu Daurore, tot parier a Niça ; e encara de monde de la societat civila, coma Didier Cade, que s’acara despuei d’annadas au projèct de linha a granda velocitat entre Marselha e Niça.
Justament, per eu lo projèct de TGV localament illustra ben la problèmatica regionala. Lo projèct tant vòugut per l’ancian president regionau Christian Estrosi, avança...silenciosament. Deuriá saquejar la Provença agricòla, e lei finanças publicas segon Didier Cade, e mai que tot avança sensa reclama : “La Comissien Nacionala dau Debat Public ne’n farà pas un grand debat (que pasmens la Lèi li ne’n fariá obligacien !), amb aquò lo monde serà pas informat e aurà pas a dire son biais de vèire”...en mai d’aquò lo plan de reviscolament economic ligat a la crisi sanitari podriá ben pagar ce qu’es vist coma una catastrofa territoriala e ecologica per lo president de Stop LGV Sud Sainte Baume.
Oui la Provence deuriá contunhar son plan de comunicacien sus aquela dralha : lo recampament de monde implicat dins lei luchas territorialas, amé la volontat de faire de la Regien un vertadier luec de debat e decisien.
“Avem fach çò qu’avèm poscut dins de delais fòrça corts mai l’avèm fach amé lo còr!” nos ditz Pèire Costa a Tolon. Amé lo Collectiu de Solidaritat amé lo Pòple Catalan dins Var, a organizat un acamp public “plaça dei Drechs de l’òme” divèndres de vespre. E maugrat la plueja a poscut recampar una vintena de personas. Lo Partit Occitan, coma lo PCF, EELV e Ecologistes de Toulon l’i èron representats, coma lo sindicat d’ensenhaires FSU.
“L’autodeterminacion es un drech, pas un delicte” que s’es entendut dins lei presas de paraulas publicas.
A s’Ais, davant lo Palai de Justicia e maugrat lo bruch incredible dei camions escobaires de la Comuna, setanta personas èron vengudas disabte dins l’après dinnada per manifestar son sosten ai presoniers d’opinion catalans. Rementem que diluns lo Tribunau Suprèm Espanhòu a condemnat nòus elegits catalans o de la societat civila catalana a de penas de nòu a tretge ans de preson, amé d’ineligibilitats importantas.
Mónica viu a Marselha despuei uech ans. La joina Leidatana es “pas venguda aquí per una question politica, mai perqué siáu indignada. Se vòli la justicia m’es impossibla d’acceptar aquela sentència!”.
“Sonhar la bleçadura serà ben malaisat e l'estraçament
amé l’Espanha serà ben dificile de recordurar” que ditz encara. “Es una tristesa d’en arribar an'aquò per un problem politic, amé de posicions radicalisadas e una situacion que pus degun mestreja ” estima Mirèia, una Barcelonenca que viu ara dins Bocas-dau-Ròse; e Pau, Provençau de Malamòrt, de son costat “pensa qu’es tant injusta...Lei lèis es una causa, mai la volontat dau pòple s’es exprimida, non ?”
Daniel éu es l’animator d’un “Cafè Provençau” a s’Ais, e fa molon amé lei manifestant, “per lo drech a l’autodeterminacion...Un referendom s’es fach au Québec e en Escossia, perqué seriá pas un drech en Catalonha?”. Tot parier ‘mé Frederic, gilet jauna, que pensa vèire una relacion amé la lucha dei Catalans : “elei tanben demandan de democracia, e de justicia sociala e fiscala!”.
Arvei Guerrera, elegit d’oposicion sestiana es l’animator màger d’aquel acamp public. “ Denonciam lei penas lordassas prononciadas diluns per lo tribunau”...e cita chascun dei nòu presoniers, emai aquelei que son condemnats an una emenda. “Lo drech dei pòples, lei drechs umans, la democracia son pas respectats ; au còr de l’Euròpa son caucats
!” Am’eu parlaràn la Liga dei Drechs de l’Òme, EELV, Aix Solidarité e d’autreis entitats. D’individús anonciaràn tanben la creacion lèu lèu d’un Centre d’Afrairament Occitanò-Catalan de Provença e tot s'acabava cantant Coupo Santo e Els Segadors.
A Niça, Es davant lo Consulat d’Espanha que lo Collectiu deis Aups Maritimas de Solidaritat amé lo pòple catalan a manifestat am’una cincantena de personas. La Liga dei Drechs de l’Òme tanben aviá demandat d’i anar, EELV e l’ANC França amé la Republica Federala Occitana e Nissa Ensemble èran de l’acamp pereu. Après lectura de comunicats totei an cantat l’Estaca, la celebrissima cançon de Lluis Llach.
L’anoncia dau verdict lordàs per nòu bailes de la vida politica o associativa catalana a provocat un tèrratrémòl dins aqueu país, onte despuei diluns lei passa carrièras se fan pas tant pacifistas, e la policia mai violènta.
Ara s’organiza una protestacion internacionala amé en Provença mai que d’un acamp public. A Tolon onte lo Collectiu de Solidaritat amé lo Pòple Catalan e Pèire Costa convidan lo monde a manifestar “per la democracia en solidaritat amé lo pòple catalan” a 18 oras au Parvis dei Drechs de l’Òme.
Lendaman a s’Ais, a 14 oras davant lo Palai de Justicia, L’Assemblèa Nacionala Catalana France et lo conselhier municipau Arvei Guerrera convidan a manifestar per la liberacion dei presoniers politics.
Lo mume jorn a Niça, davant lo consulat d’Espanha( 4 av. Jean Jaurès), lo Collectiu de Solidaritat amé lo Pòple Catalan deis Aups Maritimas e d'autreis associacions, demandan de manifestar entre 17 e 18 oras “Còntra l’injusticia e per la democracia en Catalonha”.
De plueja pichoneta es anonciada. Adonc, a Tolon coma a Niça serà prudent de pas oblidar parapluejas o impermeables. E de pensar que nòu braves democrates en Catalonha, li agradarian de sentir la plueja dau defòra, an elei...
Avec 34 100 signatures la pétition en ligne “Ni Sud ni Paca” continue de recevoir l’adhésion d’un public anonyme, “qui devrait pouvoir être consulté sur une question d’identité partagée si fondamentale que le nom de la région où ils vivent” affirme toujours Hervé Guerrera, à l’initiative de cette revendication. “Le nom de Sud a été le fait d’une démarche technocratique dont nous ne voulons pas. Tout autant que le nom de “Provence” que nous voulons voir reconnaitre, c’est le processus démocratique qui nous intéresse”.
Un “nous” collectif où l’occitaniste provençal compte les soutiens souvent anonymes d’un colloque “sur le nom de la région” qu’il organise le 21 septembre à Aix, près des Universités. “J’espère y voir tous ceux qui veulent s’informer et débattre, y compris nos contradicteurs, qui méritent d’être entendus”.
Philippe Langevin, l’économiste qui vient de publier un remarqué rapport sur la pauvreté à Marseille, et la coupure sociologique de la ville-port, traitera du sujet sous l’angle économique ; le socio-linguiste Jean-Claude Bouvier, sous l’angle historique et linguistique...”Nous n’avons pas arrêté encore toutes les contributions, il y en aura d’autres”.
En 2017, la décision du président de Région “Paca”, Renaud Muselier, d’en finir avec cet acronyme insortable, aura finalement généré plus d’opposition que d’approbation, en tout cas exprimées.
M. Muselier avait consulté son cabinet, et le nom de Région Sud était sorti, puis approuvé dans la foulée par le Conseil Régional en Assemblée Plénière.
Si le préfet lui a rappelé que seul le Conseil d’Etat pouvait acter cette modification, le Conseil Régional n’en a pas moins modifié toute sa signalétique de communication. “Cela coûte cher, et ne satisfait pas la volonté des Provençaux de décider”, soutient M. Guerrera.
Pour l’opposant, animateur régional de Région Provence, lo nom local du Partit Occitan, deux thèmes sont cruciaux dans cette affaire : récupérer le nom historique de la Provence, et permettre la participation des citoyens. Ceux-ci son sensés donner leur avis sur le signe de leur identité.
“Bien sûr dans les Alpes et à Nice j’entends que tout le monde n’est pas d’accord sur le nom. A l’instar du regretté maire de Signes, qui avait soutenu notre pétition, tout en affirmant son choix pour le nom de Provence Alpes Cote d’Azur. Mais justement, qu’on consulte tous ces gens, partout, et nous verrons ce qu’il en sortira!”
Le prédécesseur de Renaud Muselier, le socialiste Michel Vauzelle, à deux reprises avait tenté de modifier le nom de la Région, sans jamais prendre de décision : en 2008 il avait nommé une commission, qui s’était prononcée pour le nom de “Provence”, et en 2014, il avait lancé une consultation internet, qui avait donné le même résultat.
“Sud, pas plus que Paca, n’a d’impact en termes de marketing territorial. Nous avons la chance d’avoir un nom hyper connu partout, pourquoi faudrait-il déployer tant d’efforts et d’argent pour le cacher sous le tapis ?” questionne fermement M. Guerrera.