Quora es mòrt en 2020, lo Congrès Permanent de la Lenga Occitana veniá de metre en linha una gramatica occitana dau provençau, que Bernat Moulin ne’n aviá bailejat lo trabalh. Lo diccionari “de basa” dau provençau de l’IEO (2004) èra en granda part son òbra e trabalhava a sa reedicion en version en linha quand la mòrt l’a sosprés. Despuei l’IEO Paca a mes en linha aquela nòva version.

 

“Era un pescaire de cada ocuréncia,” ajusta Pèire Brechet, “descavava tot d’una paraula : onte, quora s’èra emplegada, e per quau…! Era un arqueològue dau lengatge que s’interessava au tèmps de la paraula, de son istoricitat… Segur que per escriure tres linhas seguras, li faliá tanben tres jorns”.

 

Miltant de la premiera ora dau reviure a l’Institut d’Estudis Occitans, Bernat Moulin aviá començat per trabalhar amé lo Comitat d’Estudis Sestian dins leis annadas 1970, e èra present dins totei leis iniciativas occitanistas de Provença : un atalhier de lenga a l’Ostau de Provença d’Ais, de consèus de donar ai collègas dau Cafè Provençau d’Ais, una participacion au chantier dubèrt per Guiu Martin sus la lenga parlada a Cucuron… mai tanben dins l’ombra, lo sosten ai escrivans que va demandavan.

Coma sa despartida, au moment dau confinament generau de la prima de 2020, lo fasiá pas possible, Bernat Moulin aviá pas poscut aver l’omenatge qu’an agut sei fraires aparaires de la lenga, o que lo monde occitanista a rendut a sa collèga Ana Maria Poggio fa un an. Totei se disián qu’après la periòda fosca, un omenatge public li seriá rendut.

 

LO PROGRAMA DAU 23 SETEMBRE

Serà causa facha a s’Ais lo disabte 23 de setembre a l’Ostau de Provença (Pargue Jourdan) amb aqueu programa : 14h a 16h: Omenatge ambe de presas de paraula de seis amics qu'an obrat amb eu;
16h: Projeccion dau film Un théâtre dans la ville e escambis ambe lo realisator, André Neyton (director artistic dau Teatre de la Mediterranèa);
18h Concèrt polifonic ambe lo grop Tant que li Siam;
19h Concèrt e balèti ambe lo Duo Montanaro.

(Es de notar que, a 15h, Liza l'occitana prepausarà un espectacle per leis enfants a l'exterior de l'Ostau)

Ici le dictionnaire actualisé de Bernat Moulin

Lo portau de l’occitan, Occitanica, vèn tot bèu just de li faire intrar una personalitat cara ai Provençaus, Guiu Martin (1933-2008). L’istorian e geografe èra un afogat dau mòt just en provençau, e aviá lo respèct dau ben parlar, es a dire dau parlar dau monde reau, e que siegue a Vachèras, ont aviá un ostau, o a La Cieutat onte restava, o encara a Cucuron ont aviá bailejat amé d’autres una recèrca vivènta amé de monde locau, e dins tant d’autreis endrechs dins tot lo relarg provençau, aviá amolonat e organisat de coneissenças monumentalas sus lo biais de charrar dei Provençaus de sont tèmps.

Am’aquò Guiu Martin sempre pedagògue, recebiá a l’ostau toteis aquelei que volián aprofichar de seis lutz. Mai que d’un puei a escrich sus la lenga d’òc en Provença. E mai que d’un obratge publica tanben de regraciaments a Guiu Martin, que pasmens, a ben pauc publicat eu mume, a part d’articles.

« Au començament lei Rescòntres prepausavan de matin un cors de lenga, e l’après dinnada de conferéncias. E pas mai. A ben chanjat ! » que nos ditz Ana-Maria Poggio, qu’a vist crebar l’uòu d’aqueu moment de rescòntre entre occitanistas e curiós de l’occitanisme, li a quaranta ans.
 
Lei premiers Rescòntres siguèron organizats en 1978. Dins la còla dei primadiers, li aviá Luciana Porte-Marrou, Guiu Martin, Joan-Miquèu Alliaud, « e ieu li siáu venguda qu’après. Fau comptar tanben amé Felip Martel ».
 
Lei Rescòntres, quarantencas dau nom, se debanaràn entre lo 29 de julhet e lo 3 d’avost, coma l’an passat, dins un centre de vacanças de Pont-du-Fossé, dins Champsaur (05). Segurament, lo ventalh deis activitats prepausadas serà ben mai larg que l’austèr dei primadiers.

Un talhier de patrimòni ja clafit de monde, d’autrei per dançaires, enamorats dau texte d’òc, curiós de montatge videò…Amé balèti totei lei nuechs, conferéncias, debats…L’ofèrta es ben mai granda a l’ora d’ara que dins leis annadas 70-80. Trobam muma un talhier per acordeonistas fòrças chanuts. Mai siam pasmens luenh dei tres cents sòcis de la debuta. Benlèu perqué en 1978-80 l’occitanisme dins sa diversitat aviá un messatge a mandar a la societat, e li fasiá trespirar sa filosofia : amor de la diversitat, recuperacion culturala, lenga a sauvar,decentralisacion, autonomia, larguesa e paratge…Ara, a l’ora dau liberalisme sensa partatge e de l’Estat tot poderós, l’idèa occitanista s’es afeblida, e lei Rescòntres son mai aquelei d’acostumats que pòdon se retrobar en bèla convivència dins una cultura a viure.
 
Lei Rescòntres son pereu l’istòria d’un nomadisme constrench. « Chasque còp qu’un luec a perdut son abilitacion avem fach Sant-Michèu  » perseguis Ana-Maria Poggio, entre dos temptatives d’organizar lo menjar e lo cochar de quauquei desenas de monde, que vendràn en dos sejorns de chascun tres jorns. An passat de temps en Arle, puei a la fin deis annadas 80 lei vaquí dins leis Aups, au fresc : Castèu-Bevons, La Mota dau Caire, La montanha de Lura, Istremònt, e tot plen d’endrechs segon la possibilitat dau centre, en generau una Colonia de Vacanças. « Es pas tant facile, perqué a chapauc perdon son abilitacion ».

Una particularitat d’aquelei Rescòntres, resta sa facultat a tot organizat eu mume, comprés la cosina, famosa e confiada a la muma còla despuei d’annadas.
 

Gaire de monde aurà jonhut tant de modestié a tant de renom dins la militança pèr la lenga occitana en Provença. Si pòu dire sènsa eisageracien que Guiu Martin n’es estat jusc’a sa mòrt en 2008 lo simbòle e lo flambèu despuei que lo corrènt occitanista s’es escaralhat dins lei tèrras d’Empèri, pus lòngtemps qu’alhors resistèntas a sa penetracien.
 
Lo Felibrige après guèrra li senhorejava encara sènsa partagi, e Guiu Martin li a començat sei promiereis armas. En proposant puei pèr la lenga una autra visien de son espaci e de son devenir, s’es afrontat segur a la pratica felibrenca de son tèmps.

Se siguèt  sènsa ambigüitat dins sa rompedura emé lei manòbras e la marrida fe deis enrajats qu’avien pa’ncar desertat lo mistralisme provençau pèr l’anar puei agarrir, a de longa conservat pèr aquelei que li avien aculhit lo respèt que s’ameritava son incontestable estacament a la lenga.

En mantenènt aqueu liame decisiu a l’entorn dei fondaments de la pensada mistralenca - l’unitat de la lenga dins una reconoissènça, pas totjorn perfeta mai jamai renegada, de sa diversitat -  en esparnhant lei liames personaus e la consideracien mutuala au dedins meme de la divergènci, a preservat dins lei convulsiens de l’epòca aquela flama qu’esclaira vuei pasiblament la convergènci cardinala dau movament felibrenc e dau movament occitanista.  

Guiu Martin èra un òme de paraula dins totei lei sèns dau tèrme. De sa competènci promiera, la geografié, n’avié fach son mestier d’ensenhaire davant sei liceans e seis estudiants, e l’avié ligada emé sa conoissènça eicecionala dau provençau dins tota sa fonsor espaciala e istorica.

Era capable en meme tèmps de mestrejar l’infinida varietat de la lenga sus lo mendre terrador entre Cevenas e Piemont, e de nen tirar de sintèsis magistralas que despasson en pertinènci ce qu’avien tentat lei lingüistas lei pus titrats.

Infatigable militant, incarnava ce que l’occitanisme d’aquela generacien avié de melhor : la lenga restaurada dins totei sei liames emé la realitat monte si desplega : son òurigina, son territòri, sei condiciens economicas ; un engajament politique clar e completament desinteressat dins la movanci occitanista ; e tambèn una dobertura, una simplicitat, em’una curiositat sènsa anatèma pèr totei lei demarchas que l’entosiasme d’aqueu temps fasié espelir.
 
Mai tròup generos de sa paraula, a privat lei generaciens sueivèntas de son escritura. Lei publicaciens que pòrton son nom modestament acolat a n’aquelei de sei colaborators, la metòda Parlam provençau, lo Manuau Pratique de Provençau comtemporan, lei dicionaris e la gramatica publicats pèr aqueu CREO-Provença qu’avié tant de tèmps bailejat, donon qu’un imagi parciau de son imensa òbra orala, que sei traças rèston encara de recampar e d’espandir. 

Desprovesit dau mendra seitarisme, jamai tiranique ni manipulator, totjorn lèst a pòrge son ajuda en qu li demandava, estrangier a tota censura academica sus l’autenticitat de la lenga, a encorajat totei lei recèrcas e totei leis audacis en òufrènt a la diversitat dau movament occitanista un modèle e una referènci passionada emai sorrisènta.

Pèr estre estat temoin de sa pratica tot de lòng deis anadas qu’avèm adobat cotria nòstre obragi en s’apielant sus la comunautat d’un relarg de vilagi, pòdi atestar de son respèt infinit  pèr la sciènci dau mitan populari qu’avié sachut conservar sa lenga jusc’a l’ultima limita de la trasmissien naturala.

Li fisava la libertat de chausir e de legitimar son modèle en cascalhant lei carcans de l’academisme leissicau e grafique, dins la perspetiva que legitimava sota lo bèu nom de democracié lingüistica, concèpte qu’avié inventat e que lo trin de la pensada dòuminanta a gaire laissat trachir jusc’ara.
 
Revenié au CEP d’Oc, dins l’esperit de sei fondators qu’an reconciliat mistralisme e occitanisme, de rèndre aqueu promier òumagi a Guiu Martin a l’Ostau de Provença lo dissata 23 de Janvier a 6 oras dau soar. Se tot’aquelei que dèvon quauqua-rèn a Guiu Martin si li recampon coma va dèvon, la sala risca d’èstre pron estrecha.

Samedi 23 janvier dès 18h, cérémonie de remise des archives au Cep d'Oc d'AIx-en-Provence, suivi d'une table ronde. On tire les Rois vers 20h. détails ici 

Un jour de 2003 nous recevons un petit mot sur fiche cartonnée. Guiu Martin s’y confondait en excuses. Un de nos articles ne citait pas tous les contributeurs à un dictionnaire en oc qui venait d’être publié. Forcément, selon Guiu, c’était de sa faute. Il n’y était pour rien, nous n’avions qu’à mieux nous renseigner…Mais voilà le souvenir qui me vient immédiatement à l’esprit quand il me faut évoquer la table ronde que consacre le Cepd’Oc à l’œuvre du lexicographe provençal.
 
Elle aura lieu le 23 janvier prochain à Aix-en-Provence. Ce soir-là, le Cepd’Oc recevra les archives de Guiu Martin, qu’y déposera son épouse. Puis dès 18h15, la table ronde réunira Gérard Gouiran, Alain Barthélemy-Vigouroux et Claude Barsotti.
 
Aquò d’Aquí n’est évidemment indifférent à aucun de ces trois personnages de l’occitanisme provençal. Le premier a longtemps invité nos lecteurs à réfléchir sur le temps présent avec ses chroniques ; le second est le secrétaire de l’association éditrice du journal, qui lui doit la majorité des corrections de ses articles, et une grande partie des notices lexicales qui renseignent nos lecteurs désireux d’apprendre ou d’améliorer leur provençal. Le troisième, qui nous gratifie régulièrement de ses écrits, a beaucoup publié.

Pèire Brechet, qui, durant dix ans, a suivi de très près la vie d’Aquò d’Aquí, dont il était le directeur de publication, venait alors systématiquement corriger le journal sur le marbre de son imprimeur. Et plus d’une fois, alors que nous « séchions » devant une tournure de phrase pour laquelle les références manquaient, il m’a dit : « pas de souci, tout à l’heure je téléphonerai à Guiu ; mercredi je passerai chez lui à La Ciotat ». Et le mercredi soir, la solution était trouvée…dans une tournure du provençal que Guiu entendait à Vachères, dans le haut pays, ou dans un texte ancien, qui du coup perdait sa poussière.
 
Disponible, inventif, respectueux de la langue parlée par ses contemporains comme par les anciens, Guiu Martin a, sans beaucoup de bruit, assuré un travail formidable pour qui souhaite écrire un provençal juste.
 
Ce travail aurait pu, sinon disparaître avec lui en 2008, du moins s’estomper, faute de mise à disposition. Le dépôt de ses archives dans un lieu dévolu à la recherche et au partage d’information devrait éviter cet écueil à l’œuvre d’un des lexicographes provençaux les plus investis de notre temps.

A l'issue de la table ronde, les Rois seront tirés. Le public est invité à venir nombreux, Ostau de Provença, Parc Jourdan à Aix.
Lire aussi la biographie concise de Guiu Martin