“Nous pensons que les langues ne s’opposent pas, qu’il n’y a pas de hiérarchies entre elles et parce que nous sommes favorables à une société bilingue, dans laquelle nous pourrions parler notre langue avec plus de liberté que ce n’est le cas aujourd’hui”.

 

Ange est Corse, et cet étudiant s’est rendu au Rectorat d’Aix-Marseille avec une demi-douzaine d’ami.es, à l’appel de Pour Que Vivent Nos Langues. Ses écriteaux en langue corse ont cotoyé ceux que le Félibrige avait préparé en provençal pour la trentaine de manifestants qui réclament du gouvernement une négociation sur l’enseignement des langues minoritaires de France.

 

 

 

Ange, encore, souhaite que l’école contribue à la reconnaissance de la langue régionale, et renforce son utilité sociale. “Quand parler corse ou occitan nous permettra de trouver un travail, ce sera le signe que nous vivons dans une société beaucoup plus tolérante qu’elle ne l’est.”

 

“Siam en Provença e per que de monde contunhe de la parlar, nos fau que siegue ensenhat lo provençau a totei lei nivèus”. Patricia est psychologue en milieu scolaire, et ce qu’elle dit en provençal sera compris par tous. “Parlons d’autres langues, supposées utiles, mais n’abandonnons pas celle qui nous dit qui nous sommes et qui dit notre pays comme aucune autre”.

 

Artur, lui aussi étudiant, a dix-neuf ans, et sans avoir l’occasion de parler habituellement...il parle bien provençal ! “Internet, Lo Congrès de la Lenga Occitana, m’i siáu assajat” et avec bonheur, mais il aimerait parler comme on parle communément, le bain linguistique de chez lui lui est nécessaire, et il compte sur l’école pour faire ce parcours plus facile aux autres.

 

Dans une trentaine de villes occitanes, entre Bordeaux et Nice, comme dans une cinquantaine de villes berceau d’autres langues minoritaires, Pour Que Vivent Nos Langues, le collectif créé à l’automne 2019 pour infléchir la volonté linguicide du gouvernement, a réussi son pari : faire montre de mobilisation territoriale large malgré l’épidémie qui inquiète de nombreux manifestants potentiels.

 

A Montpellier, une réunion publique rassemble autour de la réhabilitation des cours d’occitan partout. A Nice, l’Association des Professeurs de Langue Régionale fait salle comble pour son Assemblée Générale judicieusement programmée pour le même jour. A Aurillac on défile avec une banderole qui dit clairement la volonté de vivre, dans le Vaucluse, les manifestants se déplacent d’Avignon à Orange, partout le fait d’être présent et visible, ils le savent, aidera les négociateurs, bientôt, à obtenir du ministère de l’Enseignement un retour à la raison.

La réforme des lycées de Jean-Michel Blanquer, a réduit le coefficient attaché aux langues minoritaires, rendant cet enseignement peu attractif pour qui veut le bac. D’autant qu’en les choisissant, l’élève se prive du droit de choisir une autre option.

 

Aligner ces enseignements sur les coefficient des langues anciennes fait donc partie des revendications de PQVNL. Mais plus encore, c’est une loi accordant des droits pour chacun, partout en France, à se voir proposer un enseignement en langue régionale qui reste l’objectif des protestataires, que ce soit en Corse, Bretagne, Alsace, Catalogne, ou pays occitans.

 

Ceci dit, si ces langues, en général ne se transmettent plus guère en famille, pourquoi l’Education Nationale s’en préoccuperait-elle ? “Elle est là pour offrir aux élèves une connaissance de leurs cultures”, soutient Gabriel Feutrier, du Félibrige, qui a largement contribué à l’organisation des rassemblements en Provence. “Quant à donner des points au bac via les langues régionales, c’est tout simplement le moyen concret de les soutenir. Enfin, pour nombre de lycéens, choisir le cours de langue du pays c’est un moyen de faire corps avec le territoire où ils vivront”.

L’incèndi qu’a devastat per partida la Catedrala Notre-Dame de Paris diluns 15 d’abriu vèrs lei sèt oras dau vèspre questiona tota la França sus la plaça restanta dau religiós dins la societat dau siècle XXI, sus lo suenh portat per leis autoritats au patrimòni materiau e sei trias de finançament, mai tanben sus lo biais de l’intelligentsia de considerar que tot ce que se debana a Paris merita la prioritat de la Nacien.

L’error seriá de considerar, pasmens, que Notre Dame es un afaire parisenc e pas mai. Seriá la muma desaviadura que de vèire l’Acropòle d’Atena o lei pèiras dreiçadas de Stonehenge coma un afaire estrictament nacionau dau sieu. Notre Dame de Paris siguèt un faròt, en particulier deis arts, e mai de la musica, qu’a dardaiejat de’n pertot a mai que d’una epòca.
 
Es de se rementar qu’a l’edat mejana, es ailà que siguèt reviscolada tota la musica europenca. La catedrala bastida en dos siècles a partir de 1163, assostava una escòla de cant que faguèt flòri en Euròpa puei ; inventèron, lei mèstres, un ritme ternari que provoquèt un renovelament probable de la poesia an’aquelei temps e la faguèron mai rapida. Se la màger part dei mèstres nos es desconeguda, d’escrichs anglés dau temps nos rementan quauquei noms, coma aquelei dei mèstres Leonin, Pérotin e Le Chancelier. 
 
E lo raionament s’arrestava pas aquí, bòrd que lei cants religiós sortits de Notre Dame, tre lo parvís siguèron adaptats en cants populàris. Aquelei viatjèron benlèu lòng dau Ròse fin qu’en Avinhon onte, nos rementa Guiu Laurent, dei Fèstas d’Orphée, un cèrt Nicolas Saboly leis adaptèt en Novès provençaus « que va son per l’unica rason que lo pòple se leis es apropriats sensa se demandar d’onte venguèron ».
 
Aqueu patrimòni de totei, degun podrà mai lo cremar coma la sageta de la catedrala. Mai un còp dich que la memòria soleta nos consèrva lo patrimòni, fau ben pausar lei pès sus tèrra. E dins lei recalius de Notre Dame, lei questions creman. 
 
Patrimòni de totei, mai de pagar totei ? « De centenas de milliens d’€ », dison lei professionaus dei Bastiments de França , mai ne’n sabèm pas mai, alòr que lei pompiers assajan de sauvar lei telas de la catedrala, ara clafidas de cendres e de l’aiga que leis a sauvadas. Sa reabilitacien agreujarà fòrça la factura. Deguna assegurança per aqueu tipe de tresòr, que l’Estat ne’n es proprietari, adonc en teoria nosautres, totei.
 
Pasmens chausissèm pas, totei. En particulier la politica d’economias de tot biais que tanben pertòca lo patrimòni, amé de consequencias catastroficas. L’Estat siguèt pas present, a part a travèrs lei obligaciens de l’Arquitecta dei Bastiments de França, per reviscolar lo patrimòni bastit dau vielh Marselha… Dos immòbles escrancats en novèmbre 2018, uech mòrts e cent cinquanta autres ostaus qu'espèran dins aquela vila l’argent de l’Estat. Mai una ora après l’ estramàs de la sageta de Notre Dame, lo president Macron ja aviá facha publica sa decisien personala : « bastirèm mai ! »
 
D’especialistas pregats fin qu’ara de demorar muts començan de dire de causas interessantas : que lei sistèmis electrics d’aquelei venerables monuments aurián agut d’èstre renovelats. Era lo cas dau Parlament de Bretanha, incendiat en febrier 1994, o de l’Hôtel Matignon, lei burèus mumes dau premier ministre, en avost 2001.
 
Leis enquistas nos diràn ce que s’es debanat a Notre  Dame de Paris. A part que Quasimodo ne’n es inocent, sabèm ren encara.

Aquela part dau patrimòni de totei, de’n premier, deuriá nos questionar sus la politica de conservacien de nòstre patrimòni comun, entre Sant-Pèire e Miquelon e, se va fau, lei Tèrras australas francesas… Un patrimòni que pòu pas se limitar ai pèiras, tant venerablas coma pòdon èstre.

Nòstre patrimòni es encara nòstra biodiversitat, e nòstrei lengas dichas « de França ». Sensa desvirar la questien dau jorn, es de rementar que nòstre patrimòni, immateriau mai pasmens tant important coma quina catedrala que siegue, tanben necessita una politica d’aparament e de reviscolament.

Esperam… O  puslèu esperam  pus, qu’un president, per aqueu, digue a la Nacien : « reviscolarem ! ».

Se trato d'un oubrage couleitiéu en resson à la mostro dóu Roure counsacrado au Mèstre en 2014.

Coumpausa de sèt partido, ''Présence de Mistral'' acampo d'idèio, d'istòri, d'indice e d'ipoutèsi sus li relacioun de Mistral au sèn dóu Palais dóu Roure. «Voulian èstre presènt pèr lou centenàri mistralen» anóuncio Sylvestre Clap, counservatour au Roure.

E mai particulieramen, acòs legitime, lou libre souto-ligno tóuti li liame qu'eisiston entre Mistral e lou païs d'Avignoun.

Un proumié eisèmple, lou sèti dóu journau L'Aiòli que se tenié eici au Roure... ''Présence de Mistral'' fuguè escri emé la voulounta de «reativa li liame entre Avignoun e la memòri prouvençalo» apound lou couservatour.
 

Dins aqueste libre fasèn un retour sus la fourmacioun dóu felibrige, li courrespoundènci diverso e parladisso sus li pensado de Mistral,

De Flandresy e Baroncelli. Aquésti formon un triò atipi que countribui incounstablamen à l'identita e la founcioun dóu Palais dóu Roure.

«Aqueste libre servis de remembra à-n-aquéli que penson qu'Avignoun noun es que lou festenau o la couleicioun Lambert» fai remarca Sylvestre Clap.

Lou counservatour souveto d'efèt «faire renàisse lou liame entre lou passsa e lis enjò d'un desvouloupamen culturau armounious, ounte devon couabita mai d'uno tendènci». ''

Présence de Mistral'' es un oubrage founda sus d'archiéu pivelant (foutò, citacioun, aneidoto, elemen de biougrafìo...) seguènt de percous ja proun estudia.

«Duerb de pisto d'un vertadier corpus di manescri de Mistral» supauso Moussu Clap. Acampo subretout lou principau de counèisse sus lou Mèstre, lou felibrige e la vido avignounenco de soun tèms.

Dins sa prefàci, Sylvestre Clap s'interrogo sus «uno identita prouvençalo en marrit esta (...), l'especificitat loucalo sèmblo s'èstre pau a cha pau escafado».

Pèr aquéli paraulo, pouncho uno proublematico à l'encop soucialo, culturalo e poulitico.

«Quet sara deman, lou role dóu Palais dóu Roure, simple e riche counservatòri d'un patrimòni de preserva ?» se demando encaro lou counservatour.

Un patrimòni que retrouban particulieramen dins un libre forço doucumenta, armounisa dins sa retourico.

Mai qu'un oubrage de tipe universitàri, es un bèu-libre que lou titre, ''Présence de Mistral'', significo la marco, l'emprinto, la piado, lou passage, la remembranço que caraterison uno evidènci.

Mistral fuguè lou vènt qu'escoubè Avignoun d'un boufe nòu, lou d'uno Renaissènço prouvençalo de grando impourtanço. E aqueste libre es aqui per lou testimounia. 

Présence de Mistral, collectif. Ed. Les amis du Roure - coll. Les hommages du Palais. 180 p. ill. 20€. Pour commander : alain.layrisse@wanadoo.fr et 04 90 80 80 87.

De legi tambèn : Lou Palais dóu Roure se tèn fièr fàci au tèms

Lou cor de Folco de Baroncelli demoro literalamen au Palais dóu Roure despièi sa mort en 1943. Es Jano de Flandresy, que lou Marqués rescountrè en 1908 sus lou roudage de « Mireille », que l'incito de li leissa soun cor au Roure.

Patrimòni avignounen vertadié, es sauva de la rouino pèr Jano de Flandresy. Croumpo l'oustau en 1918, ajudado pèr la fourtuno de soun paire.

E pièi « durant la segoundo guerro, decido de douna lou Palais dóu Roure e sa couleicioun à la vilo d'Avignoun, en escàmbi d'un travai de counservatris » esplico Mirèio Bosqui, archivisto de l'oustau  de 1971 à 1991.

       Li Baroncelli abandounon l'oustau familiau que s'en poudien plus óucupa.

La croumpado en 1918 signo la debuto d'un long devouamen de Jano de Flandresy au bastimen vièi, que se chanjo en musèu de la latinita.
 
 Jano tasto à la culturo d'O en debuto dóu sègle XXen, pèr un rescontre ‘mé lou Mèstre. Souto sa gestioun, lou liò reculis ço qu’adus lou Felibrige à la Renaissènço d'O.

« Es incredible ço que i a coumo archiéu au Roure  » penso Mirèio Bosqui quouro descuerb l'oustau.
     

Couneigudo souto lou noum de Farfantello, Enrieto Dibon perseguis lou travai de Flandresy après sa mort en 1959.

Pièi, emé l'iniciativo de Silvan Gagnière, lou counservatour sucessour de Jano, « s'i óutèn de credit pèr restaura lou bastimen » se remèmbro Mirèio Bosqui.

De proumièri mesuro de sauvo-gàrdi que se renouvellon despièi 2013 em' « uno restauracioun esteriouro e d'àutri chantié coumo l'inventàri, l'enfourmatisacioun, l'aplicacioun di poulitico editourialo e de mediacioun » afirmo Louis Millet, ajoun au counservatour atuau.
 
Pamens, lou van pòu èstre limita pèr « lis alea bugetàri » qu'óubligon à-n-uno restauracioun « minimalo ».

Lou Palais, éu, escound sèmpre de secrèt : « i a un grand poutenciau qu'es pancaro esta esplecha » estimo l'ajoun.

          Vuei, pas mens de nòu founcioun soun atribuido is salaria de l'oustau. Segoun lou counservatour atuau Silvan Clap, « lou Palais es l'espressioun memo de nosto ciéuta, pèr sis óurigino italiano, la famiho Baroncelli, la Renaissènço prouvençalo e Jano de Flandresy ».

Es dins aquelo perspeitivo que s'estaco à « prouvouca uno curiousita nouvello dintre lou publi » à travès un mounumen « depousitàri de l'amo prouvençalo ». 
   

Lou Palais dóu Roure est tambèn liga à l'entoumoulougisto Jan-Enri Fabre. Dono de Flandresy « lou rescountro de soun vivènt e reculis de doucumentacioun sus éu » racounto Louis Millet.

E d'apoundre « proudusis mai d'un article o de pichots estùdi sus Fabre ». Evoco li « courrespoundènci entre Jano e la famiho Fabre ».
 
Aquel interès pèr l'entoumoulougisto justifico lis acioun dóu Palais pèr lou centenàri de la mort de Jan-Enri Fabre.

« Lou Roure participo à la celebracioun d'aquelo figuro óuriginalo souto soun angle prouvençau » counclus l'ajoun au counservatour.

Uno proumiero evoucacioun durant la Niue di musèu lou 16 de mai deboucara sus d'àutris acioun à l'entour de Fabre. De segui...
 

 
Oustalet de Baroncelli-Javon
3 carrièro Collège-du-Roure
Tel. : 04 90 80 80 88
Ouràri : Vesito menado dóu dimar au dissate à 11 ouro : intrado paganto (de 2,30 à 4,60 euro)
Vesito liéuro dóu dimar au dissate, de 10 o à 1 o e de 2 o à 6 o : intrado à gratis.
Biblioutèco duberto dóu dilun au divèndre de 9 o à 12 o e de 2 o à 5 o. Barrado en avoust. 

 

 

La manifestacion prò-democracia laïca dau 11 de janvier, sembla evident, foguèt subretot aquela dei Francés blancs e de cultura crestiana. La màger part dei ciutats onte viu la populacion francèsa musulmana, l’i èra a pena.
 
E aquò fa chifrar de monde en França. Lo rapòrt entre laïcitat e populacion que resta en comunautats, l’emigracion dei Jusieus que s’accelera, un Frònt Nacionau que s’alestisse a passar lo lindau dau poder…
 
Tot ce que, fa pauc, Manuel Valls a sonat : « un apartheid sociau e etnic » que la Republica a laissat s’espandir, sembla se desvelar en França a l’escasença dau chaple dei jornalistas, policiers e Jusieus.
 
Dins aqueu contexte serà pas sensa interès d’agachar la vidèò d’un jornalista avinhonenc independent, Emmanuel Brugvin. Lo « siam totei Charlie » l’i es vertadier, bòrd que, dins lo quart d’ora d’aqueu filme, l’i a totei leis compausantas etnicas, culturalas e cultualas d’Avinhon que va cridan.

Despuei lei Europencs que brandissan son panèu escrich « siáu musulman, siáu jusieu… » fin qu’au grope musicau que, acompanhat dau oud, canta en lengas semitas son sosten a la libertat de la pressa.
 
Dins la fola, un òma lèva lo braç e crida : « condaman l’òdi, lo racisme e lei fanatics » amé l’accent aràbi d’un que resta au país despuei d’annadas.
 
Un autre, negra, a tancat dins sei dreadlocks un gredon de pressa, d’un costat blu, de l’autre roge. Encara un autre que coifa lo keffieh roge e blanc fa veire sa pancarta que ditz : « siáu Abdel Charlie ».
 
E lo pòrta-paraula dau Colectiu dei Musulmans dau Grand Avinhon, parla au monde acampat , davant lo Palau dei Papas : « plòri de pena de considerar ce que s’es debanat…mai plòri de jòia quand vèsi aquò ! » 

E lei plans largs amé lei travelings nos fan veire qu’aquela fola es tota de diversitat. Una marca avinhonenca ? Dins aquela vila, la populacion modesta es pas encara estat cochada fòra dei muralhas. E es mai que d’un còp araba o berbèra.
 
E es en berbèr, justament, qu’un grope canta : « Siáu Charlie », còntra la vitrina d’un comèrci dau centre vila. E totei mesclats de dansar am’aquò.