Josiana Ubaud l’i escriu un article remarcable sus lo tèma de l’aubre coma signe sociau et culturau. A ! Lo paumier vos destria entre totei per èstre un de la Auta, alòr que la figuiera vos farà companh dei vesins, que li ne’n donaretz una banasta dau temps que elei vos faràn passar de pomas o de codonhs…
Amb’aquò se duèrbe lo novèu “Verdons”, amé la dicha de l’etnobotanista, d’alhors lexicografa dau domèni dau provençau coma dau lengadocian… E justament es de remarcar que la revista d’Auta Provença semena de polits tèxtes en lenga dau país, au mens tres, dins aqueu numerò de prima consacrat ais aubres dei Gavòts (Les arbres des Gavots).
Francis Martel nos in parla en lenga dau “País Buréu”, qu’a chifrat sus la color dau paisatge dins lo tèmps, coma passa dau brun au vèrd per la gràcia de l’ONF… e l’autor de l’article en grafia classica de nos rementar una briga l’istòria de sa revista de tria.
“Publicar de provençau per nosautres es un principe, per defendre nòstra identitat. Robert Lions, fòrça bòn locutor de Trigança, eu escrivèire en grafia mistralenca, nos i ajuda ben pereu. E encara amé lei collectatges de Joan-Luc Domenge es Fernant Laugier e sei galejades sus lo meme tèma que nos regala”.
Verdons siguèt creat en 1998 per l'associacion Pays et gens du Verdon, per valorisar la cultura e lei gaubis d’aqueu país naut, e assegura tres bèlas revista chasque an, tematicas. Se rementam dau numerò sus lo Verdon “ròse”, aqueu dei omosexuaus per exemple.
Trois numéros par an, revue en français avec articles en provençal
36€ + 6€ port (anciens numéros offerts à tout nouvel abonné) commande et réglement : Verdons-Abonnement – 1486 route de la Motte – 83490 Le Muy - verdons-abonnement@laposte.net