63 artistes de musiques modernes, dans toutes les langues chantées en Provence...y compris l'anglais
Una dei gràndei questiens de la politica culturala dau noveu president de Paca, Christian Estrosi, es de saupre se sa majoritat sostendrà vertadierament la creacien musicala en Provença, fòra de la classica, que fai sa cultura pròpria.
Una dei manifestaciens d’aqueu sosten es bèn fin qu’ara la seissentena de tròç de musica que la Regien n’en fai la promocien chasque an am’un CD consacrat d’un costat ai « musicas actualas », e de l’autre ai musicas « trad de creacien ».
Per dire lo verai, s’i tròban pas talament de noveutats, mai pusleu lei novèlei musicas d’un molon de gropes regionaus que vos fan, siegue de « cançon francesa », siegue de « musica electrò », siegue encara de « musica occitana », e de « jazz ».
Semenats, donats, aquélei CD en format mp3, segur fan la rampelada d’aquéleis artistas, de tria mai que d’un còup. D’un autre costat, es una promocien dei gropes ajudats per Provença Aups e Còsta d’Azur. E la gròssa questien es de saupre se la Regien ajudarà encara aquéleis artistas (son 63 sus lei plegas dau doble CD) per lei 300 000€ que, sensa élei, mai que d’un auriá plantat cavilha alhors qu’en Provença, o l’i auriá crebat boca dubèrta.
Una dei manifestaciens d’aqueu sosten es bèn fin qu’ara la seissentena de tròç de musica que la Regien n’en fai la promocien chasque an am’un CD consacrat d’un costat ai « musicas actualas », e de l’autre ai musicas « trad de creacien ».
Per dire lo verai, s’i tròban pas talament de noveutats, mai pusleu lei novèlei musicas d’un molon de gropes regionaus que vos fan, siegue de « cançon francesa », siegue de « musica electrò », siegue encara de « musica occitana », e de « jazz ».
Semenats, donats, aquélei CD en format mp3, segur fan la rampelada d’aquéleis artistas, de tria mai que d’un còup. D’un autre costat, es una promocien dei gropes ajudats per Provença Aups e Còsta d’Azur. E la gròssa questien es de saupre se la Regien ajudarà encara aquéleis artistas (son 63 sus lei plegas dau doble CD) per lei 300 000€ que, sensa élei, mai que d’un auriá plantat cavilha alhors qu’en Provença, o l’i auriá crebat boca dubèrta.
En francès, occitan o dins una lenga de l'immigracien
Parmi les artistes mis en exergue par le CD de la Région, Les Arlésiennes de La Roquette (photo XDR)
Costat musicas actualas, mai que d’un (e totjorn que mai) canta anglés. S’en pòu pensar ce que volètz, mai beleu qu’es pas a l’ajudaire de n’en jutjar, dau moment que la qualitat es au rendètz-vos. S’i tròban pereu de bèlei francofònes tau coma Ottilie. L’i a enfin fòrça occitan, e la gròssa part d’aquéleis artistas que nos fan viure la musica en lenga nòstra podriá desaparéisser sensa l’ajuda publica.
Am’aquò, aquélei La Roquette, Tant que li siam, o Polyphonic System, Delta Sònic e Dupain podrián èstre escafats de la susfàcia creatritz d’una Provença qu’entendriá pus que de musica folclorica per representar son avenir.
E tot parier d’aquéleis artistas que càntan an nòstre dins l’una o l’autra lenga de l’immigracien, coma va fan Juan Carmona o Joulik.
Una estrechisacien dau domèni creatiu, qué. Segur qu’es essenciau de perseguir l’òbra. E d’espinchar se la brava còla que s’en ocupa, amé l’encargat de missien Musicas Actualas, Fred Bruschi, restarà sus la tinteina, maugrat l’intrada dau FN dins lei comissiens regionalas.
Am’aquò, aquélei La Roquette, Tant que li siam, o Polyphonic System, Delta Sònic e Dupain podrián èstre escafats de la susfàcia creatritz d’una Provença qu’entendriá pus que de musica folclorica per representar son avenir.
E tot parier d’aquéleis artistas que càntan an nòstre dins l’una o l’autra lenga de l’immigracien, coma va fan Juan Carmona o Joulik.
Una estrechisacien dau domèni creatiu, qué. Segur qu’es essenciau de perseguir l’òbra. E d’espinchar se la brava còla que s’en ocupa, amé l’encargat de missien Musicas Actualas, Fred Bruschi, restarà sus la tinteina, maugrat l’intrada dau FN dins lei comissiens regionalas.
Article écrit avec les suggestions lexicales de Reinat Toscano.