Port industriel entre Méditerranée et étang de Berre (photo MN)
L’ultima pontannada de junh siguèt per lo segond còp una marrida passa per la qualitat de l’aire, que AtmoSud, l’entitat encargada de vigilança de l’aire en Provença signala au començament de julhet. La prefectura dei Bocas-dau-Ròse a entraïnat una alerta, que deuriá se tradurre per una obligacion de relentir per lei veïculs a esséncia.
Lo polluent en question es l’ozòn, resultat d’un cocktail d’autrei polluents que dison « primaris », e que son produchs per l’essenciau amé l’industria e la circulacion automobila. Lo soleu que raja fòrt rompa lei moleculas d’aquelei mescladissas per n’en faire d’ozòn, fòrça acid e que pòu afectar lei paumons, en particular dei mai joines. Un enfant, avans sei tres ans, vei sei bronquis en construccion, un temps onte son ben fragils.
Lo polluent en question es l’ozòn, resultat d’un cocktail d’autrei polluents que dison « primaris », e que son produchs per l’essenciau amé l’industria e la circulacion automobila. Lo soleu que raja fòrt rompa lei moleculas d’aquelei mescladissas per n’en faire d’ozòn, fòrça acid e que pòu afectar lei paumons, en particular dei mai joines. Un enfant, avans sei tres ans, vei sei bronquis en construccion, un temps onte son ben fragils.
La ciutat de Bèrra (de la Mar de Bèrra) a enregistrat en junh un nivèu quasi recòrd d’ozòn dins l’aire amé 212 microgramas per mètre cubat d’aire per chasque ora, pròche dei 215 enregistrats a Sausset lo 18 de julhet de 2024.
Dimars premier de julhet, tresen jorn d’alerta dins Bocas-dau-Ròse, la situacion s’èra pasmens melhorada dins Vauclusa e Aups Maritimas. Era lo segond episòdi dau mes de Junh en rason dei jornadas de soleu intensas que chascun pòu ressentir, mai que sembla s’acabar a cha pauc.
Dau temps que dura l’episòdi de pollucion, es recomandat d’evitar de córrer, de menar sa veitura e d’aprochar la circulacion amé de joineis enfants, de contactar son metge quora d’insufiséncias paumonaris arriban e, d’un biais generau, de moderar seis esfòrç.
Dimars premier de julhet, tresen jorn d’alerta dins Bocas-dau-Ròse, la situacion s’èra pasmens melhorada dins Vauclusa e Aups Maritimas. Era lo segond episòdi dau mes de Junh en rason dei jornadas de soleu intensas que chascun pòu ressentir, mai que sembla s’acabar a cha pauc.
Dau temps que dura l’episòdi de pollucion, es recomandat d’evitar de córrer, de menar sa veitura e d’aprochar la circulacion amé de joineis enfants, de contactar son metge quora d’insufiséncias paumonaris arriban e, d’un biais generau, de moderar seis esfòrç.