Le patrimoine industriel sera largement valorisé, telles les Savonneries du Midi (photo MN)
Ges de castèu dau siècle XV, nimai de roïnas romanas, es ben l’industria e la pesca qu’an fach lei quartiers Nòrd de Marselha coma lei coneissèm, e es aqueu patrimòni que son convidats a descubrir lei passejaires a la fin de setembre.
Segur l’i a ben un patrimòni ancian e religiós, escondut, coma dins la Vau deis Aigaladas. S’i tròban un prieurat dau siècle XI ai Carmes, e pas tant luenh la sabonariá dau Miegjorn, e la bauma onte a viscut Sta Madalena (ben segur, una de mai !), e d’aquí se pòu davalar jusqu’a la Ciutat deis Arts de la Carriera, ela ben de nòstre temps.
Mai particulier es lo camin dei cinemàs despareissuts dau XVI° arrondiment, que n’i a agut fins qu’a sièis jusqu’ais annadas 1960.
E mai originau encara es aquela passejada prepausada « entre doas ribas », de La Vista – terraire agricòu – a Ensen onte l’economia es aquela de la mar.
Segur l’i a ben un patrimòni ancian e religiós, escondut, coma dins la Vau deis Aigaladas. S’i tròban un prieurat dau siècle XI ai Carmes, e pas tant luenh la sabonariá dau Miegjorn, e la bauma onte a viscut Sta Madalena (ben segur, una de mai !), e d’aquí se pòu davalar jusqu’a la Ciutat deis Arts de la Carriera, ela ben de nòstre temps.
Mai particulier es lo camin dei cinemàs despareissuts dau XVI° arrondiment, que n’i a agut fins qu’a sièis jusqu’ais annadas 1960.
E mai originau encara es aquela passejada prepausada « entre doas ribas », de La Vista – terraire agricòu – a Ensen onte l’economia es aquela de la mar.
Cinquanta passejadas culturalas originalas
E mai barròca la descubèrta de la psiquiatria a l’Espitau Edoard Toulouse, aqueu dei quartiers Nòrd (Valverd es aqueu dau Sud).
Entre leis autrei nombrosas prepausiciens trobarem encara una passejada en batèu a l’Estaca, o la visita de la Glèisa de Sant-Loís, pas ben vièlha mai clafida d’òbras contemporanas. Serà pereu possible de participar an’una « tchatchada » (es l’Ofici dau Torisme que la sòna coma aquò) sus l’enjuec dau patrimòni, a la Villa Mistral.
Una cinquantena d’aquelei passejadas culturalas seràn adonc possiblas dau 18 au 20 de setembre. De descubrir amé la pèça joncha aquí.
Entre leis autrei nombrosas prepausiciens trobarem encara una passejada en batèu a l’Estaca, o la visita de la Glèisa de Sant-Loís, pas ben vièlha mai clafida d’òbras contemporanas. Serà pereu possible de participar an’una « tchatchada » (es l’Ofici dau Torisme que la sòna coma aquò) sus l’enjuec dau patrimòni, a la Villa Mistral.
Una cinquantena d’aquelei passejadas culturalas seràn adonc possiblas dau 18 au 20 de setembre. De descubrir amé la pèça joncha aquí.
Certaines visites commentées se feront sur l'eau, comme à l'Estaque (photo MN)