Photo Médecins du Monde DR
Alòr que s’aluencha un cargò saudi que veniá cargar d’armas en França e Espanha, la jornalista Iemenita Afrah Nasser lança una peticien sus l’internet per exigir la cessacion d’enseguidas còntra tres colègas francès qu’enquistan sus leis armas francèsas dins lo conflicte qu’opausa l’armada saudita a de tribus iemenitas. Am’ un blocatge dei pòrts iemenits, l’armada saudita fa morir de la fam un nombre desconeissut, mai important, de civils au Iemen.
Geoffrey Livolsi, Mathias Destal (Disclose) et Benoît Collombat (Radio France), son questionats despuei dimarts per lei servicis segrets francès dins lo quadre d’una enquista preliminàri per « compromissien dau segret de la defensa nacionala ». Li es reprochat, sus planh dau Ministèri deis Armadas, après la publicacien de nòtas classadas « confidenciau defensa » redigidas per la Direccien dau Rensenhament Militari francès.
Aquelei nòtas dison que leis armas vendudas a l’Arabia Saudita per la França son utilisadas dins lo conflict iemenit, e que riscan d’èstre utilisadas directament còntra la populacien civila.
Fa pauc leis autoritats francèsas diguèron publicament qu’èran seguras que leis armas vendudas èran pas utilisadas au Iemen. Disclose aviá ja publicat a mieg-abriu, d’articles per anonciar la venguda d’un cargò saudi per cargar d’armas au pòrt dau Havre. La responsa de la ministra deis Armadas Florence Parly, siguèt de confiermar leis enseguidas còntra lei jornalistas.
Human Right Watch, la Liga dei drechs de l’òme e Metges dau Monde, entre dètz entitats ONG, an signat une crida per la fin deis enseguidas.
Geoffrey Livolsi, Mathias Destal (Disclose) et Benoît Collombat (Radio France), son questionats despuei dimarts per lei servicis segrets francès dins lo quadre d’una enquista preliminàri per « compromissien dau segret de la defensa nacionala ». Li es reprochat, sus planh dau Ministèri deis Armadas, après la publicacien de nòtas classadas « confidenciau defensa » redigidas per la Direccien dau Rensenhament Militari francès.
Aquelei nòtas dison que leis armas vendudas a l’Arabia Saudita per la França son utilisadas dins lo conflict iemenit, e que riscan d’èstre utilisadas directament còntra la populacien civila.
Fa pauc leis autoritats francèsas diguèron publicament qu’èran seguras que leis armas vendudas èran pas utilisadas au Iemen. Disclose aviá ja publicat a mieg-abriu, d’articles per anonciar la venguda d’un cargò saudi per cargar d’armas au pòrt dau Havre. La responsa de la ministra deis Armadas Florence Parly, siguèt de confiermar leis enseguidas còntra lei jornalistas.
Human Right Watch, la Liga dei drechs de l’òme e Metges dau Monde, entre dètz entitats ONG, an signat une crida per la fin deis enseguidas.