Sieu un cinefile d’avans leis anadas 2000, ai mai vist fa gaire a la telé « Parìs brula ti » ? (1966) de René Clément pèr lo cinquième còp. Lei stars dei doas ribas de l’Atlantica li son en abonde, aquò pòrta tòrt a l’intensitat dramatica dau filme, mai lo publique revés seis idòlas emé plesir.
Ai reconoissut Charles Boyer darrier de lunetas e sota un capèu, de nuech, dins lo ròle dau dòutor Monod, un baile de la resistènci. Si va comemorar sa mòrt que venguèt fa 40 ans tot just lo 26 d’Aost 1978 a Phoenix, Arizona. Siguèt lo mai apreciat dei French Lovers pendènt de desenas d’anadas ais Estats-Units. Prenguèt la nacionalitat americana après d’aguer juga dins pron de filmes monte representava lo charme, lo gaubi e lo biais francés. Si porrié crèire que Boyer serié naissut dins un polit quartier de Parìs dau caire de la Muette dins lo XVI°, mai èra naissut en 1899 a Fijac, Òlt.
L’autre grand French Lover siguèt Lois Jourdan, naissut Lois Gendre en 1921 a Marselha e mòrt a Los Angeles en 2015.
Sènsa nòstrei dos Occitans, li aurié pas agut d’amor a la francesa dins lo cinemà american. Maurice Chevalier de Menilmuche a fòrça travalhat ais USA, mai possedava deguna dei qualitats de French Lover requeridas. Lo canotier li podié rèn.
Boier es un nom fòrça espandit dins totei lei païs d’Òc… es lo menaire de buous. Leis Italian Lovers an fach concurrènci ai French Lovers ais USA. Emmascaires e sensuaus, avien pas aqueu pichon cave de mai que s’atròva a Fijac e a Marselha.
L’autre grand French Lover siguèt Lois Jourdan, naissut Lois Gendre en 1921 a Marselha e mòrt a Los Angeles en 2015.
Sènsa nòstrei dos Occitans, li aurié pas agut d’amor a la francesa dins lo cinemà american. Maurice Chevalier de Menilmuche a fòrça travalhat ais USA, mai possedava deguna dei qualitats de French Lover requeridas. Lo canotier li podié rèn.
Boier es un nom fòrça espandit dins totei lei païs d’Òc… es lo menaire de buous. Leis Italian Lovers an fach concurrènci ai French Lovers ais USA. Emmascaires e sensuaus, avien pas aqueu pichon cave de mai que s’atròva a Fijac e a Marselha.
Chronique en partenariat avec l'association Passadoc