Lo partit provençalista Prouvenço Nacioun es, coma va ditz son nom, nacionalista provençau, e lèu lèu vist seis escrichs sus lo malhum sociau, amé lei comentaris de seis afogats, podèm dire qu’es avans tot anti-occitanista, puei desitjós de valorisar la « culturo prouvençalo », ce que pòu èstre larg.
Adonc quina sospresa de vèire aquela formacien afiermar qu’anirà ai legislativas amb l’occitanista Bastir, aqueu naissut per despassar lo partiment entre gaucha e drecha au nivèu locau. Entr’elei an creat lo 15 de janvier la Fédération des Pays Unis, onte trobam cinc formaciens regionalistas, amé lo Parti Breton, que de son costat anoncia presentar 33 candidats ai legislativas de junh.
La dicha federacion a chifrat una charta amé per tòca l’anti centralisme, lo federalisme, lei lengas de país e totei sei marcas identitaris.