partager
Amb au mens quaranta recampaments, la volontat de vèire la lenga occitana ensenhada dinhament au licèu siguèt exprimida clar entre Bordèu e Niça. Aquò dich la mobilisacion dei mantenaires d’autrei lengas minoritarias siguèt fòrta dins leis autrei regions.
En Bretanha l’associacion Kevre Breizh, la coordinacion culturala bretona, organisava una conferencia de pressa alòr que Div Yezh, associacion per l’ensenhament bilingue, difusava una vidèò amé d’enfants per faire mai populari la demanda d’ensenhament en breton.
A Baiona la mai fòrta mobilisacion
A Lilla l’Institut per la Lenga Regionala ANVT-ILRF aviá tanben acampat de monde.
An Estrasborg Pour Que Vivent Nos Langues aviá pereu organisat un acamp public amé bandièras.
Es probablament a Baiòna que lo monde se mobilisava lo mai en França, amb aperaquí un milier de manifestants per formar una cadena umana.
A cha pauc d'autreis acamps nos son conéissuts
Enfin en Savoia e en Catalonha Nòrd coma en Corsega, de recampaments se faguèron tanben.
A cha pauc arriban d’autrei fòtos per mostrar que d’acamps revendicatius siguèron organisats aquí e ailà mai sensa fòrça publicitat. Ne’n rendrem compte...
Les animations aixoises du mois de juin...