Un ferry de la Compagnie Méridionale de Navigation à quai à Marseille en 2014 (photo MN)
Segon lo malhum environamentau France Nature Environnement lei pòrts de Marselha, Niça e Tolon son dins la tiera dei cinquanta premiers pòrts d’Euròpa segon la pollucien atmosferica emesa. FNE a tengut en còmpte unicament la pollucien au dioxide de sofre, mai n'i a ben d'autrei. En 2017 aurián difusit dins aquelei pòrts de dos a cinc còps mai de SO2 que l’ensems dei veïcules de torisme que l’i circulan.
En 2017 57 bastiments de crosieras aurián emés mai de 15 tonas de sofre, per l’essenciau dau costat dei quartiers Nòrd, popularis, de la vila. Lei batèus de crosieras son lei mai polluissents, en rason de son besonh d’electricitat a cai. Per la produrre, fins qu’ara utilisan son motor diesel.
Segon Charlotte Lepitre, la coordinatritz Santat-Environament de FNE, « fau anar lèu vèrs d’alternativas au carburant fiol »
Entre aquelei ciutats portuaris, la Metropòli de Niça a creat en 2015 un sistèma de « monitoring » am’un malhum de captors de pollucien e de monde vigilant, a l’agachon ais immòbles pròches dau pòrt.
En 2017 57 bastiments de crosieras aurián emés mai de 15 tonas de sofre, per l’essenciau dau costat dei quartiers Nòrd, popularis, de la vila. Lei batèus de crosieras son lei mai polluissents, en rason de son besonh d’electricitat a cai. Per la produrre, fins qu’ara utilisan son motor diesel.
Segon Charlotte Lepitre, la coordinatritz Santat-Environament de FNE, « fau anar lèu vèrs d’alternativas au carburant fiol »
Entre aquelei ciutats portuaris, la Metropòli de Niça a creat en 2015 un sistèma de « monitoring » am’un malhum de captors de pollucien e de monde vigilant, a l’agachon ais immòbles pròches dau pòrt.
Lei barris populàris sempre enverinats
Même compagnie, même port, mais en 2018...Les quais ont été électrifiés (photo MN)
Dins aquò lei companhias de navegacien que ganhan fòrça argent amé lo desvolopament de la crosiera, investisson amé l’ajuda deis autoritats portuaris. Mai son tre ara lei companhias de linhas regularas que duerban lo camin : a Marselha la Companhia Meridionala de Navegacien a electrifiat sei cais, un afaire de tres milliens, quasi a sei frais, tre 2016.
« Ansin avèm fach vèire nòstre biais environamentau, mai tanben nòstre socit de pas enverinar la vida de nòstrei salariats am’un sistèma que fasiá fòrça bruch » nos ditz Marc Reverchon, lo PDG de la Companhia.
Corsica Linea fa parier a l’ora d’ara, mai ajudat per la Regien Provença coma per lo Grand Pòrt Maritim de Marselha. Corsica Ferries a tanben un plan d’electrificacien. E la CMN es en trin d’assajar un sistèma d’embarcament de gas liquide per produrre d’electricitat « neta » en Corsega, onte van sei linhas regularas.
L’estudi de FNE arriba sièis mes avans un chanjament màger. La reglamentacien internacionala farà obligacien ai companhias maritimas d’utilisar un carburant a fòrça baissa tenor de sofre au premier de janvier de 2020.
Pasmens an aquela data de problèmas seràn pas resouguts : son sociaus, lei cais de reparacien navala, fòrça polluissents, a l’ora d’ara s’acaran ai barris populàris de Marselha, coma lei paquebòts gigants, lei mens faciles d’alimentar a l’electricitat. Dei cais dau barri de la Jolieta, onte lo monde economic aproficha deis agençaments d’Euroméditerranée, lo quartier d’afaires e de la gentry, an quasi despareissut.
« Ansin avèm fach vèire nòstre biais environamentau, mai tanben nòstre socit de pas enverinar la vida de nòstrei salariats am’un sistèma que fasiá fòrça bruch » nos ditz Marc Reverchon, lo PDG de la Companhia.
Corsica Linea fa parier a l’ora d’ara, mai ajudat per la Regien Provença coma per lo Grand Pòrt Maritim de Marselha. Corsica Ferries a tanben un plan d’electrificacien. E la CMN es en trin d’assajar un sistèma d’embarcament de gas liquide per produrre d’electricitat « neta » en Corsega, onte van sei linhas regularas.
L’estudi de FNE arriba sièis mes avans un chanjament màger. La reglamentacien internacionala farà obligacien ai companhias maritimas d’utilisar un carburant a fòrça baissa tenor de sofre au premier de janvier de 2020.
Pasmens an aquela data de problèmas seràn pas resouguts : son sociaus, lei cais de reparacien navala, fòrça polluissents, a l’ora d’ara s’acaran ai barris populàris de Marselha, coma lei paquebòts gigants, lei mens faciles d’alimentar a l’electricitat. Dei cais dau barri de la Jolieta, onte lo monde economic aproficha deis agençaments d’Euroméditerranée, lo quartier d’afaires e de la gentry, an quasi despareissut.