Ara qu'ataqui d'escriure sabi plus ben s'es lo 21 vo lo 31 de decembre d'aquest an que duvem totei rendre nòstra ama a Dieu per causa de fin dau monde. Son lei Maias que l'avién previst de temps avans la venguda deis Espanhous.
Lei Maias occupavon un espaci que si partajon ara leis estats de Mexico, Guatemala e Belize. L'estudi dei lauvas a permes ais arqueologues de s'avisar qu'aquelei Maias eron chanuts en astronomia, avién compres lo caminament dei planetas e sabién preveire leis esclussis. Convèn d'apondre que la civilisacien maia era mòrta fòrça temps avans la conquista espanhola. En 1500, restava encara de populaciens de parlar maia qu'ocupavon la sèuva, mai lei ciutats maias que lei toristas visiton ara eron abandonadas dempuei l'an pebre.
Quora si jugava a la pauma a Tikal, dau temps de l'esplandor, totei lei jugaires de l'equipa qu'avié perdut eron tuats… e dins l'equipa qu'avié ganhat, solet lo capitani era sacrificat em'estrambord. Supausi que lei volontaris si fasién pas cambeta per jugar a la pauma! Pasmens, lei Maias eron lei mens sanguinaris dei pòples de l'actuau Mexico. Leis Astecs, Olmecs e Toltecs eron força mai acarnassits e per èstre segur que lo solèu repartirié après lo solstici d'ivern, derrabavon lo còr de quauquei miliers de prisoniers vo d'esclaus, per ne'n faire present a l'astre lusènt.
Coma an fach lei Maias per trovar aquèla data de 2012? Sabién pas que leis umans aurién inventat lo biais de si servir de l'energié nucleari, lo mejan lo plus segur de tot faire petar. Pareisse que se fasiam explosar totei ensèms lei bombas atomicas actualament disponiblas, la Terra explosarié èla tanben en mocèlons gros coma de bochas de petanca. Que totei lei pronuclearis dau monde fagon un pichot esforç e graci a une guerra vo un accident un pauc mai espetaclos qu'aquèu recènt dau Japon la previsien dei Maias sarà realisada, bessai me quauqueis ans vo segles de retard.
Quora si jugava a la pauma a Tikal, dau temps de l'esplandor, totei lei jugaires de l'equipa qu'avié perdut eron tuats… e dins l'equipa qu'avié ganhat, solet lo capitani era sacrificat em'estrambord. Supausi que lei volontaris si fasién pas cambeta per jugar a la pauma! Pasmens, lei Maias eron lei mens sanguinaris dei pòples de l'actuau Mexico. Leis Astecs, Olmecs e Toltecs eron força mai acarnassits e per èstre segur que lo solèu repartirié après lo solstici d'ivern, derrabavon lo còr de quauquei miliers de prisoniers vo d'esclaus, per ne'n faire present a l'astre lusènt.
Coma an fach lei Maias per trovar aquèla data de 2012? Sabién pas que leis umans aurién inventat lo biais de si servir de l'energié nucleari, lo mejan lo plus segur de tot faire petar. Pareisse que se fasiam explosar totei ensèms lei bombas atomicas actualament disponiblas, la Terra explosarié èla tanben en mocèlons gros coma de bochas de petanca. Que totei lei pronuclearis dau monde fagon un pichot esforç e graci a une guerra vo un accident un pauc mai espetaclos qu'aquèu recènt dau Japon la previsien dei Maias sarà realisada, bessai me quauqueis ans vo segles de retard.