Per sòu, la responsabla se radassa sus lo tapís cordurat faiçon patchwork. Se tèn au centre de tres ceucles, aranje, verd e blau, que l’i son cordurats abelhas, orsons e gats, onte son laissats de libres per enfantonets.
Au mitan dau Salon de la Pichona Enfància, se remarcava a l’Estadi Léry, per mieg març, aquela carpeta de totei lei colors.
« Es lo projècte deis assistentas mairalas, son setanta quatre que li an portat pèira. Nosautras, au Relai Assistentas Mairalas de La Seina, avèm prepausat l’idèa. Aurián poscut faire autra causa, mai aqueu l’an vougut, e l’an fach »
Lo tapís es l’aisina dau Relai, onte vènon leis Assistentas, ambé leis enfants que gardan, de un a tres. Volián d’instruments per donat l’enveja de legir. « Aquí pòdon depausar un o mai de libres. Leis enfants puei lei duèrban, se ne’n fan racontar l’istòria… deman, quand seràn au temps d’aprendre a legir, ja l’enveja dau libre serà en elei ». Aquò n’es la tòca.
Au mitan dau Salon de la Pichona Enfància, se remarcava a l’Estadi Léry, per mieg març, aquela carpeta de totei lei colors.
« Es lo projècte deis assistentas mairalas, son setanta quatre que li an portat pèira. Nosautras, au Relai Assistentas Mairalas de La Seina, avèm prepausat l’idèa. Aurián poscut faire autra causa, mai aqueu l’an vougut, e l’an fach »
Lo tapís es l’aisina dau Relai, onte vènon leis Assistentas, ambé leis enfants que gardan, de un a tres. Volián d’instruments per donat l’enveja de legir. « Aquí pòdon depausar un o mai de libres. Leis enfants puei lei duèrban, se ne’n fan racontar l’istòria… deman, quand seràn au temps d’aprendre a legir, ja l’enveja dau libre serà en elei ». Aquò n’es la tòca.
Una creacion deis educatritz
D’idèas, es ben çò que son vengudas cercar Delphine e Céline, educatritz d’enfantons a La Cieutat, elei. « Çò que m’espanta, es que la bòna idèa aquí, l’an facha viure ambé un pareu d’agulhas e de gaubi ». « Aquela mena de tapís se vende tanben dins d’ostaus especializats, mai còsta mai de mila €uros » comenta Hélène Goarand. « Nosautres l’avèm fabricat en quauquei mes. » L’important èra d’o faire de cotria, de se l’apropriar.
Leis assistentas l’an creat per còlas, una desena, per tròç de tapís, en tres jaças : una espessor solida per lo sòu, una matalassada, e una enfin que se neteja aisat. S’i pòdon estendre o assetar lei pichons ambe leis assistentas.
Un endraia-lectura. Lei mèstres de l’escòla mairala, dins un o dos ans, saupràn perqué t’auràn tant l’enveja de legir…
Leis assistentas l’an creat per còlas, una desena, per tròç de tapís, en tres jaças : una espessor solida per lo sòu, una matalassada, e una enfin que se neteja aisat. S’i pòdon estendre o assetar lei pichons ambe leis assistentas.
Un endraia-lectura. Lei mèstres de l’escòla mairala, dins un o dos ans, saupràn perqué t’auràn tant l’enveja de legir…