Hallucinations à faible dose, et délires à la clé. Bref, le mauvais trip avec la jolie fleur (photo XDR)
Pas mens de dètz e uech Provençaus intoxicats per de datura mesclat a de farina de segue, es lo bilanç qu’a comunicat l’Agéncia Regionala de la Santat. Leis intoxicacions son arribadas entre lo 21 de setembre et lo 11 d’octòbre. Es una enquista de l’ARS qu’a identificat lo datura coma causa possibla deis allucinacions. La farina, biò, aviá agut d’efèctes extraordinaris. Lo datura es un allucinogène que pòu tuar l’intoxicat quand ne’n consoma de tròp, mai generalament serà just malaut.
Lei simptòmas son la secaressa de la boca amé de trebles de la vista. En veritat, lo trip es marrit am’aquela planta, que son consomator mescla realitat e vida interiora sensa poder destriar l’una de l’autra. Aquela planta entraïna un començament de psicòsa amé d’allucinacions qu’empachan l’intoxicat de saupre çò qu’es lo monde exterior e lo monde interior. Les allucinacions sarián d’una realitat susprenenta e lo malaut a lo sentiment que son la realitat.
La planta es mexicana, la coneissèm despuei leis annadas 1550 en Euròpa, mai una autra varietat èra déjà atestada dins de tèxtes persans de l’edat mejana, e nos vendriá de Mesopotamia.
A l’ora d’ara belèu que vau mielhs de manjar de blat que de segue…
Lei simptòmas son la secaressa de la boca amé de trebles de la vista. En veritat, lo trip es marrit am’aquela planta, que son consomator mescla realitat e vida interiora sensa poder destriar l’una de l’autra. Aquela planta entraïna un començament de psicòsa amé d’allucinacions qu’empachan l’intoxicat de saupre çò qu’es lo monde exterior e lo monde interior. Les allucinacions sarián d’una realitat susprenenta e lo malaut a lo sentiment que son la realitat.
La planta es mexicana, la coneissèm despuei leis annadas 1550 en Euròpa, mai una autra varietat èra déjà atestada dins de tèxtes persans de l’edat mejana, e nos vendriá de Mesopotamia.
A l’ora d’ara belèu que vau mielhs de manjar de blat que de segue…