A quauquei jorns de son aniversari dei nonantasièis ans, lo cantaire màger Gabrieu Bacquier es mòrt en Normandia onte viviá amé sa frema la cantairèla Sylvie Oussenko.
Nascut a Besiers en 1924 lo bariton lo mai chanut deis annadas seissantas restava tanben de còps a Pesenàs, coma va disiá au public marselhés vengut l’entendre parlar de sa vida e de son mestier en octòbre 2014.
Aviá agut una carrièra internacionala amé de ròtles dins la musica francèsa e italiana per l’essenciau, mai en Provença èra mai que tot conéissut per aver jugat Don Giovanni au costat d’una dona Ana extraordinaria, la soprano texana Teresa Stich Randall au Festenau d’Art Liric d’Ais.
Amé seis ussàssas semblava tarrible, e Don Giovanni de Mozart o encara lo personatge de Scarpia dins La Tosca de Puccini li anèron coma a degun podian anar.