Avant de remplir les salles de concert, Isaya faisait entendre sa country music dans les rues aixoises (photo MN)
Es lo moment de passar tant ai luecs culturaus coma ai salas d’espectacles o ais antenas dau Conseu Regionau, per l’i prene un CD que la Region ven de quichar amb 53 morsèus de musicas actualas o de musicas dau monde.
Lei servicis culturaus de la Region Paca amb l’Arcade, qu’es l’organisme regionau de formacion e d’ajudas ai mestiers de la scèna, produson cada an un CD que duerbe lo ventalh dei musicas de tria que d’artistas fargan d’aquí d’ailà.
Mai per lo segond còp aquelei diferentei tendéncias musicalas son presentadas dins lo mesme paqueton amb sei dos CD. A la Region li agrada mai de far veire au còp lo gaubi e la bèla qualitat, puslèu que lo genre.
Lei servicis culturaus de la Region Paca amb l’Arcade, qu’es l’organisme regionau de formacion e d’ajudas ai mestiers de la scèna, produson cada an un CD que duerbe lo ventalh dei musicas de tria que d’artistas fargan d’aquí d’ailà.
Mai per lo segond còp aquelei diferentei tendéncias musicalas son presentadas dins lo mesme paqueton amb sei dos CD. A la Region li agrada mai de far veire au còp lo gaubi e la bèla qualitat, puslèu que lo genre.
La belle diversité de la "musique du monde" en version occitane
Sujet austère, musique contemporaine, Guylaine Renaud n'avait pas choisi la facilité (Photo MN)
Una jurada de professionaus, dins l’encastre dau Conseu Artistic de la Creacion, chausís lei 53 morsèus e lei gropes qu’es question de promòure amb aqueu produch que serà donat au public a 5000 exemplaris. Li farà una polida carta de visita per mai que d’un artista ! Que se tròba coma aquò classat au CAC 53…
L’i podèm entendre en 2013 la Farandola dei barris que Lo còr de la Plana, ben conoissut, fa córrer quasi dètz minutas.
E lo groove occitan seguís, que canta Enric Maquet amb Delta Sònic. D’una autra aiga serà Lo mèstre de dança, un tradicionau de creacion que jòga la Fiera (onte retrobam Guylaine Renaud).
Per aquelei qu’ignòran çò qu’es D’Aquí Dub, la lacuna serà comolada amb aqueu CD que farà ausir la musica balcanicoccitana deis accents electronics. Nid’Oc Nid’Ailleurs vos entornarà, eu, un còp de mai a la creacion que se pòu faire amb un acordeon, un galobet, una cabreta e de bèlei percussions.
Se vos rementatz pas dau meravilhós cant inspirat de Guylaine Renaud que canta Beatiho, es lo moment de vos refrescar la memòria.
De mai seriá pecat veritablament de passar au larg quand avètz l’escasença d’escotar lo cant circommediterranèu de Mezdj (« mescla » en arabi) que fa entendre lei cants chanuts dins mai que d’una lenga amb l’occitan dei trobadors. E segur, clicaretz sus lo morsèu que presenta Montanaro !
L’i podèm entendre en 2013 la Farandola dei barris que Lo còr de la Plana, ben conoissut, fa córrer quasi dètz minutas.
E lo groove occitan seguís, que canta Enric Maquet amb Delta Sònic. D’una autra aiga serà Lo mèstre de dança, un tradicionau de creacion que jòga la Fiera (onte retrobam Guylaine Renaud).
Per aquelei qu’ignòran çò qu’es D’Aquí Dub, la lacuna serà comolada amb aqueu CD que farà ausir la musica balcanicoccitana deis accents electronics. Nid’Oc Nid’Ailleurs vos entornarà, eu, un còp de mai a la creacion que se pòu faire amb un acordeon, un galobet, una cabreta e de bèlei percussions.
Se vos rementatz pas dau meravilhós cant inspirat de Guylaine Renaud que canta Beatiho, es lo moment de vos refrescar la memòria.
De mai seriá pecat veritablament de passar au larg quand avètz l’escasença d’escotar lo cant circommediterranèu de Mezdj (« mescla » en arabi) que fa entendre lei cants chanuts dins mai que d’una lenga amb l’occitan dei trobadors. E segur, clicaretz sus lo morsèu que presenta Montanaro !
Miquèu Montanaro est un habitué des compilations du CAC (photo MN)
Puei, un còp qu’auretz vòstre confle (non, aquò se pòu pas, segur !) de la musica tradicionala, emai s’es de creacion, auretz que de passar a l’autre disc, onte quasi totei cantan de pop e de ròck en anglés.
L’i trobaretz en particular lei doas sòrres d’Isaya, afogadas de country music, e qu’an fach camin despuei que gratejavan sa guitarra au freg dins lei carrieras sestianas.
Mai l’i destraucaretz pasmens Moussu T. e Lo Còr de la Plana (un còp de mai) que jògan ensems lei chi-na-na-pon de La java des scaphandriers… que devèm a Andrieu Cadou e Carles Trenet, que l’avián ja cantada dins leis annadas trenta.
L’i trobaretz en particular lei doas sòrres d’Isaya, afogadas de country music, e qu’an fach camin despuei que gratejavan sa guitarra au freg dins lei carrieras sestianas.
Mai l’i destraucaretz pasmens Moussu T. e Lo Còr de la Plana (un còp de mai) que jògan ensems lei chi-na-na-pon de La java des scaphandriers… que devèm a Andrieu Cadou e Carles Trenet, que l’avián ja cantada dins leis annadas trenta.
En MP3 53 morceaux distribués à 5000 exemplaires
Maugrat qu’aguem premier l’enveja de dire coma es benvengut aqueu ventalh de musicas de faire descubrir, fau ben parlar de sòus, bòrd que emai lei melhors musicians an lo besonh d’emplir sa sieta a miegjorn.
Lo Conseu Regionau a ajudat per 321 000 € aquelei 53 projèctes, totei provençaus : 39 per lei « musicas actualas », e 14 per lei « musicas dau monde ».
Mai benlèu que lo còp que ven, auràn l’idèa de totei lei mesclar, per acabar amb lei classaments e aujar plus parlar que de musicas de tria. N’i a en Provença-Aups-Còsta d’Azur, e n’avèm la pròva per 53 amb aqueu CD.
E l’avantatge n’es segur qu’au mitan d’aquelei musicas electricas o dau son dau bouzouki, la musica occitana pòu transgressar lei frontieras musicalas e se faire ausir d’un public mai larg.
Lo Conseu Regionau a ajudat per 321 000 € aquelei 53 projèctes, totei provençaus : 39 per lei « musicas actualas », e 14 per lei « musicas dau monde ».
Mai benlèu que lo còp que ven, auràn l’idèa de totei lei mesclar, per acabar amb lei classaments e aujar plus parlar que de musicas de tria. N’i a en Provença-Aups-Còsta d’Azur, e n’avèm la pròva per 53 amb aqueu CD.
E l’avantatge n’es segur qu’au mitan d’aquelei musicas electricas o dau son dau bouzouki, la musica occitana pòu transgressar lei frontieras musicalas e se faire ausir d’un public mai larg.
53 artistes en MP3
Le CD est disponible dans les lieux culturels conventionnés par la Région Paca. On peut aussi le demander à pbonnet@regionpaca.fr ou p.fanise@arcade-paca.com
Article écrit en graphie classique avec les suggestions du Service de la Langue Occitane (IEO Paca)
Article écrit en graphie classique avec les suggestions du Service de la Langue Occitane (IEO Paca)