Le Belouga Quartet : Benjamin Melia, Sebastien Bourrély, Valentin Conte, Florian Mesureux (photo XDR)
« Li a una multitud d’escòlas e de biais de jugar, pas un deuriá escondre leis autres, perqué totei an sa valor », vaquí la profession de fe de Benjamin Melia. Lo tamborinaire varès, de cotria amé Valentin Conte, Florian Mesureux e Sebastien Bourrely, totei venguts d’un territòri diferent e d’una escòla particulara d’entre Ròse e Niça, ven de nos dire que son premier CD serà publicat lo 21 de setembre. E lei tròç durbiràn lo ventalh de ce que sembla possible am’aqueu pareu que ditz la Provença despuei au mens lo siecle XV.
« Ce que caracterisa lo Belouga seriá justament de pas gardar lo galobet-tamborin dins la naftalina d’un passat mau compres ». Coma l’escriurà Patrick Vaillant dins lo librion d’acompanhament, « la tradicion, es de fabricar un passat que despuei se’n reclamam per lo pesent. Es per aquò que podem dire que jamai podem prevèire ce que lo passat nos resèrva… ».
« Ce que caracterisa lo Belouga seriá justament de pas gardar lo galobet-tamborin dins la naftalina d’un passat mau compres ». Coma l’escriurà Patrick Vaillant dins lo librion d’acompanhament, « la tradicion, es de fabricar un passat que despuei se’n reclamam per lo pesent. Es per aquò que podem dire que jamai podem prevèire ce que lo passat nos resèrva… ».
Ges d'escòla egemonica e valorisacion de la bèla diversitat dau galobet tamborin
Adonc, si l’ambicion aquí es de rendre compte de totei lei tradicions, en pas solament d’aquela, puslèu egemonica, d’Ais, es encara de crear per endraïar la tradicion de deman.
Quatre compositors an respondut a la demanda dau Belouga, e li deuem la bèla diversitat d’aquel albom, que se sona pas mai que « Belouga quartet » : Miquèu Montanaro, Patrick Vaillant, Patrice Conte e Jean-Michel Bossini, lo mai contemporani per la musica. « Entre farandolas deis uns e movaments assimetrics deis autres, crèsi que vaudrà la pena de s’interessar a la soplesa deis instruments » comenta Benjamin Melia.
Lo CD a interessat lo label Buda Records, lo màger de la musica trad e monde de creacion. « Es l’assegurança de vèire lo galobet-tamborin creatiu prepausat fin qu’en Australia, e tròbi aquò fabulós !» s’alegra Benjamin Melia.
Quatre compositors an respondut a la demanda dau Belouga, e li deuem la bèla diversitat d’aquel albom, que se sona pas mai que « Belouga quartet » : Miquèu Montanaro, Patrick Vaillant, Patrice Conte e Jean-Michel Bossini, lo mai contemporani per la musica. « Entre farandolas deis uns e movaments assimetrics deis autres, crèsi que vaudrà la pena de s’interessar a la soplesa deis instruments » comenta Benjamin Melia.
Lo CD a interessat lo label Buda Records, lo màger de la musica trad e monde de creacion. « Es l’assegurança de vèire lo galobet-tamborin creatiu prepausat fin qu’en Australia, e tròbi aquò fabulós !» s’alegra Benjamin Melia.